Eskola Kontzertuak: Beethoven 250

Konpositorearen jaiotzaren 250. urteurrena dela-eta, Beethovenen sinfonietako unerik gogoangarrienetako batzuk eskaini nahi dizkiogu gure publiko gazteari. Euskadiko Orkestraren eta Natalia Sanchez Abaden aurkezpenaren eskutik, Beethovenen obra sinfonikoak kulturari egindako ekarpena nabarmendu nahi dugu. Lan horrek indarrean jarraitzen du mundu osoko auditorioetan, bi mende eta erdi baino gehiagoren ondoren, eta pertsonen askatasunaren eta elkartasunaren aldeko kantua da.

Lehen Hezkuntzako 3. zikloko eta Bigarren Hezkuntzako ikasleei zuzenduta.