Isiltasunaren haitzuloa

Mikel Cañadak idatzitako musika-ipuin honen protagonista gazte-talde bat izango da, musika entzuten ez denean non deskantsatzen duen bilatzean tematuta dagoen gazte-talde bat.

Euskadiko Orkestra Sinfonikoko musikariek osatutako hari- eta piano-boskote bat eta Dantzertiko (Euskadiko Arte Dramatiko eta Dantza Goi Mailako Eskola) artista-talde bat izango dituzte gazteek bidelagun. Ipuin honek partiturek eta musika-lengoaiak ezkutatzen dituzten misterio guztiak aditzera eman nahi dizkigu.

Dantzertiko interpretazio-ikasleak honakook dira: Maren Basterretxea, Albar Cirarda, Celia Fañanás, Ana García, Alain Lersundi, Maialen Marín, Yune Nogueiras, Ana Ochoa eta Garazi Urcola. Dantzako ikasleak, berriz, hauek: Unai Álvarez, Pilar Blanco, Elene Carreto, Dairi Martínez, Beñat Urrutia eta Miryam Villanueva. Guztiek Orlando R. Peláez eta Juanjo Herrero irakasleak izango dituzte gidari.

Kontzertuen aurretik, 16:45ean, Sentsibilizazio-tailerrak eskainiko dira. Doakoak izango dira kontzerturako sarrera dutenentzat, baina nahitaezkoa da aurrez izena ematea (30 lagun gehienez). Izen-ematea: 943003180 (Donostia) / 945161045 (Gasteiz).