XIX. mendeko azken hamarkadetan eta XX. mendearen hasieran, Paris itsasargi bihurtu zen Espainiatik iritsitako musikari askorentzat, eta Frantziako hiriburura joan ziren prestakuntza, aukera eta etorkizun artistiko berrien bila. Joan-etorri emankor hari esker, eragin-elkarrizketa bat sortu zen bi noranzkoetan: sortzaile horiek Frantziako modernismoaren ezaugarri asko bereganatu bazituzten ere, Iberiar penintsulako musika-energia ere eraman zuten beraiekin eta horrek sekulako lilura sortu zuen Frantziako hainbat konpositorerengan. Orquestra Simfònica de Barcelona i Nacional de Catalunyak, Ludovic Morlot titularraren zuzendaritzapean, eta Nuria Rial sopranoarekin batera, bideek bat egiten duten toki hori arakatuko du Debussyren eta Ravelen —Iberiar penintsulatik iritsitako mugimenduek erabat liluratuta zeuden—lan enblematikoenak Parisen bizi ziren egile kataluniarren —Mompou eta Albeniz, adibidez— musikarekin aurrez aurre jarrita. Emanaldian, gainera, Miquel Oliu bartzelonarraren azken lana, Pluja izenekoa, interpretatuko du orkestrak.