Musika-Música 2024

Musika-Música jaialdia Bilboko Udalak antolatzen du, eta martxoko lehenengo asteburuan ospatuko da (1ean, 2an eta 3an) haren 23. aldia, 'Irudiak' izenburupean datorrena, 60 kontzerturekin. Edizio honek itzulpengintzan edo birsorkuntzan jatorria duten soinu irudien kaleidoskopio liluragarria belarriekin aditzera gonbidatzen gaitu. Koadroen, paisaien, fotogramen eta poemen erresonantziak edo metamorfosiak dira. Kondairen, tradizioen, sentimenduen edo ideien oroitzapenak eta islak. Sinfoniak, kontzertuak, suiteak, dantzak, ganbera piezak… entzungo ditugu. Estatikoa dagoena mugimenduan jartzen duten partiturak entzungo ditugu; baita sentsazio, kontzeptu eta irudi isilei soinua jartzen dizkietenak ere. Edo nostalgiak, nahiak eta ikuspegiak adierazten dituztenak. Era guztietako irudiekin, hiru eguneko egitarau oparoa duzue eskura.

Ohiko partaidetzari eutsiz, Euskadiko Orkestrak kontzertua eskainiko du martxoaren 2an, larunbata, Lukasz Borowiczen zuzendaritzapean, eta Claire Booth sopranoak eta Vocalia Taldeak lagunduta.

Informazio gehiago jaialdiaren webgunean.