OLBE: Don Pasquale

Don Pasquale, Donizettirena, Commedia dell’Arte italiarrean inspiraturiko opera bufo nagusia da. Azken bel cantoko opera bufoa eta musikagilearen azken-hirugarrena den opera hau Bilboko oholtzara bueltatzen da, 22 urteko hutsunea eta gero. Protagonista nagusia, Carlos Chausson baxua. Laukote protagonista osatzeko, Jessica Pratt sopranoa, Javier Franco baritonoa eta Paolo Fanale tenore liriko gaztearen debuta. Euskadiko Orkestra Sinfonikoa zuzentzen, Bilboko Elkartean debuta egiten duen errepertorio italiarraren maisu handi bat: Roberto Abbado. Eszenan, Jonathan Millerrek sinatu duen Maggio Fiorentino jaialdiaren ekoizpen zoragarria. Espazio bereiziak dituen XVII. mende amaierako panpin-etxe alemaniar bat ikusiko da oholtzaren gainean, konponbide eszeniko burutsu, azkar eta orijinala. Nabarmentzekoak dira ere ñabardura eta atrezzo aberatsak, bai eta garai hartako jantzi dotoreak ere. (OLBE)