Scène Nationale du Sud-Aquitain: Donibane-Lohizune

Bilboko Abonu-denboraldian aurkezteaz gain, "Kabiar alemana” bere programa Donibane-Lohizuneko Scène du Sud Aquitain musika-programaren barruan eskainiko du ere Euskadiko Orkestra Sinfonikoak.

Bere bizitzaren amaieran idatzia, osasunez kaxkar zegoela ordurako, Xostakovitxen Biolinerako 2. Kontzertuak igarkizun biografikoak ditu bere barruan, biolina biola bihurtu nahi ei duen tonu ilun bat, bai eta 5. Sinfonia bezalako aurreko bere lanei eginiko erreferentzia zainduak ere. Garai hartako biolin-jole ospetsuena zen David Oistrakh errusiarrarentzat idatzi zuen Xostakovitxek kontzertua. Guk egungo biolin-jole errusiar onenetakoa den Dmitri Makhtin hartuko dugu gurean, Xostakovitxen sorterri San Petersburgon jaioa ere.

Bigarren zatian, Beethovenek idatzi zituen bederatzi sinfonien artean gutxien jotzen den lana zuzenduko du Robert Treviñok, re maiorreko 2. Sinfonia, alegia. Aipatua, halere, funtsezkoa izan zen bere lengoaiaren bilakaeran. 1803. urtean amaitua, Beethovenek bere lehen estilo klasikoaren aroari amaiera eman zion lan honekin, Erromantizismoaren ateak irekitzen hasteko.