132 ahots behar dira ‘Abestu Euskadiko Orkestrarekin’ ekimenaren bigarren ediziorako

Lehen edizio arrakastatsu baten ondoren, abeslari ez-profesionalek Euskadiko Orkestrarekin abesteko aukera ematen duen proiektu parte-hartzailea bueltan dator. Hiru eszenatoki handitan abestuko du herritarren abesbatzak: Euskalduna, Kursaal eta, nobedade gisa, Baluarte.

Izen-ematea zabalik dago azaroaren 10etik abenduaren 4ra eta aukeratutako ahotsak abenduaren 15ean iragarriko dira. Kontzertuak martxoan izango dira eta aurreko bi hilabeteetan 10 entsegu kolektibo egingo dira.

Camille Thomas biolontxeloaren izarrak Fazil Sayren obra antibeliko bat interpretatuko du Euskadiko Orkestraren hurrengo kontzertuetan

Interprete franko-belgikarrak ‘Never Give Up’ biolontxelorako kontzertua eskainiko du, Fazil Say konpositore turkiarrak espresuki berarentzat idatzia. Thomas oso ezaguna da pandemian Parisko teilatuetan biolontxeloa jotzen egin zituen bideoak biralak egin zirelako.

Haydn eta Schmidten bi sinfonia erabat ezberdinek osatuko dute Katharina Müllner austriarrak zuzendutako kontzertu-programa, eta Donostia, Bilbo eta Iruñeko kontzertuetarako sarrerak salgai daude, 10 eta 40 euro bitartean.

ETB2 berriz hasiko da Euskadiko Orkestraren kontzertuak ematen larunbat goizetan

Datozen hilabeteetan etenik gabe izango den emisio-bloke berri hau larunbat honetan hasiko ‘Aldave / Mahler’ kontzertu-programarekin.

Euskadiko Orkestraren Musika Gela: desberdintasunari eta bazterketari aurre egiteko modu bat

Musika Gela hezkuntza- eta gizarte-zikloa urrunago doa Euskadiko Orkestra ongizate, osasun eta bizi-kalitate pertsonal eta sozialaren bektore bihurtzeko erabakian, eta proposamen berritzaile, aitzindari eta ausarten bidez egingo du hori, desberdintasunari eta bazterketari aurre egiteko modu gisa.

Ziklo berriak lau ekoizpen propio ditu: aurreko denboraldian aurkeztutako bi —‘Musika tantak’ eta ‘Logelan logale’—, eta bi estreinaldi —‘Nire ama antzara’ eta ‘Arriaga bizi da’—. Euskadiko Orkestraren ekoizpen horiek eta beste batzuk erreferente dira sektorearentzat eta jardunbide egokien bidea markatzen dute; horren erakusgarri, horietako batzuk beste jaialdi batzuetan eta beste orkestra batzuekin programatu dira.

Zikloak 70 jarduera baino gehiago ditu guztira, eta horien artean daude ‘Musikazaleak’ tailerren bigarren edizioa, FEVAS-Plena Inclusion Euskadirekin lankidetzan, eta kolektibo eta ikastetxeei zuzendutako Entsegu Irekiak.

Haizea izango da larunbat honetako Miramongo Matinéearen protagonista

Gehiengoa Euskadiko Orkestraren kide diren musikariz osatutako seikoteak Rimski-Korsakov eta Thuilleren obrak interpretatuko ditu larunbat honetan, urriak 18, 11:00etan, Miramonen izango den kontzertuan. Sarrerak salgai daude 11 eurotan.

Sarrerak salgai ‘Musika tantak’ kontzerturako: familiei irekitako saio lasaia

Saio lasaiak familia guztientzat daude irekita, desgaitasunen bat duten kideak dituzten familientzat zein halako kiderik ez dutenentzat.

Kontzertua urriaren 25ean izango da, 12:00etan, Miramonen, eta Musika Gela zikloko 25/26 Denboraldiko familiei zuzendutako lehena izango da.