Robert Treviñok zapore erabat estatubatuarra duen programa baten aldeko apustua egingo du Bernstein eta Zhourekin
Otsailaren 21etik 25era Euskadiko Orkestrak eskainiko duen kontzertu-programa berria honako lanek osatzen dute: Bernsteinen ‘West Side Story’-ko ‘Dantza Sinfonikoak’ eta ‘2. Sinfonia’ eta Zhouren ‘Orkestrarako kontzertua’.
Kursaal Auditoriumeko bi kontzertuak Tomas Araguesi eskainiko zaizkio, duela egun gutxi zendutako konpositoreak Euskadiko Orkestrarekin lotura estua izan baitzuen urte luzez.
Varvararen piano-errezitala larunbat honetako Miramongo Matinéeetan
Mundu mailan ospetsua den pianojole errusiarra izango da Miramongo Matinéeetako protagonista Euskadiko Orkestraren Abonu Denboraldian debutatu ostean. Bachen ‘Goldberg bariazioak’ interpretatuko ditu larunbat honetan, otsailak 12, 11:00etan, orkestraren Miramongo egoitzan.
‘Elkano’ proiektuaren baitako Joël Mérahren obra baten estreinaldia, Euskadiko Orkestraren kontzertu-programa berriaren argudio ugarietako bat
Mei-Ann Chen orkestraren podiumera igoko da lehendabizikoz programa heterogeneo batekin. Bertan, azpimarratzekoa da ‘Elkano: Mundubira musika bidelagun’ proiektuko hirugarren lanaren estreinaldia: Joël Mérahren, ‘Jakinduriaren usaina’.
Gainera, Varvarak Bartoken ‘Pianorako 3. Kontzertua’ eskainiko du Beethovenen ‘7. Sinfonia’-rekin amaituko diren kontzertuetan.
Euskadiko Orkestraren aipamena egin dute ‘The New Yorker’-en orrialdeetan
New Yorkeko asteroko argitalpenak, munduan bere generoko garrantzitsuenetako bat denak, aipamen berezia egin die Euskadiko Orkestrari eta duela gutxi argitaratu dituen bi grabazioei, ‘Ravel’ eta ‘Americascapes’, Robert Treviñok zuzendutakoak Ondine diskoetxearekin.
Easo Abesbatza izango da larunbat honetako Miramongo Matinéearen protagonista
Donostiako abesbatza ospetsuaren ahots mistoek Erromantizismo ingeles eta alemaniarreko oinarrizko obren programa bat proposatuko dute larunbat honetan, urtarrilak 29, 11:00etan, orkestraren Miramongo egoitzan eskainiko duten kontzertuan.
Programa honek hasiera batean aurreikusitakoa ordezkatuko du, hau da, ‘Living Room Music’ kontzertu didaktikoaren egokitzapena, pandemiari lotutako murrizketengatik bertan behera utzi behar izan zena. Arrazoi beragatik, Matinée honetarako sarrerak ez dira salgai jarriko.
‘Euskadiko Orkestra Cirkus’ martxoaren 19ra atzeratu da Kursaalen; Gasteizen, aldiz, mantendu egingo da igande honetan
Askotariko musika eta zirkuaren magia uztartzen dituen ekoizpen honen Musika Familian kontzertuak aste honetarako programatuta zeuden: urtarrilaren 29an (18:00) Kursaalen eta urtarrilaren 30ean (saio bikoitzean: 17:00 eta 18:30) Garcia Lorca Antzokian. Gasteizko kontzertuek aurreikusitakoaren arabera jarraitzen dute, baina Donostiako hitzordua martxoaren 19ra atzeratu behar izan da pandemiaren murrizketen ondorioz.