Robert Treviñok formazioa eskainiko du Musikeneko Orkestra Ikasketa Masterrean
Euskadiko Orkestra Sinfonikoaren zuzendari titularra Musikeneren hezkuntza-proiektuan parte da, gazteen hezkuntzan duen konpromisoaren erakusgarri. Datorren ikasturtean izena emateko epea ekainaren 3ra arte dago irekita.
Hezkuntzaren bikaintasunak eta orkestra-musikari izateko benetako prestakuntzak, besteak beste, egiten dute erakargarri Orkestra Ikasketa Masterra, Musikenek eta Euskadiko Orkestra Sinfonikoak elkarlan estuan antolatzen dutena.
Euskal Herriko Goi Mailako Musika Ikastegia hezkuntza-erreferente bilakatu dute bertako irakasleek eta, horrez gain, aipagarria da Europako orkestra nagusietan lehenengo atrilak diren bakarlari gonbidatu handien presentzia. Hori guztia ikasketa-plan sendo baten baitan.
60 ECTSko formazio akademiko ofizialari orkestra errepertorioan espezializatzea gehitzen zaio: Euskadiko Orkestraren kontzertuetan praktikak, bere titular Robert Treviño maisu iparramerikarrarekin lan-saioak, Gordan Nikolic edo Boris Garlitsky musikariekin hari-orkestra proiektua, edo benetako proben simulakroak. Horri guztiari esker Masterra ezinbesteko urratsa bihurtu da hari-musikari gazteek orkestra-musikari bihurtzeko egin beharreko ibilbidean.
Masterrari buruzko informazio guztia (datak, epeak, prezioa, etab.) hemen
