10. Matinéea: Attacca Laukotea

Matinée honek 100 urteko bidaia proposatzen digu Ludwig Van Beethovenen azken kuartetoetako baten eta Leos Janacek txekiarraren beste kuarteto berantiar baten artean, bi obrak karga erromantiko handidunak.

Lehenik eta behin, 'Kreutzer Sonata' izenarekin ezaguna den Janaceken 1. Hari kuartetoa entzungo da. Beethovenek bere Kreutzerrentzako Sonata ospetsua 1803an konposatu zuen, Rodolphe Kreutzer biolinista frantziarrari eskainia. 1889an, Leon Tolstoik Kreutzerrentzako Sonata izen bereko eleberri bat argitaratu zuen, eta bertan Beethovenen konposizio hura hartu zuen adibide gisa pertsonak euren grina askatuen mende nola bizi diren erakusteko. Tolstoiren lana denbora gutxira zentsuratu zuten Errusiako agintariek, abstinentzia sexualaren idealari buruzko alegatu bat eta jeloskortasunari buruzko lehen pertsonako tratatu bat baita. Eleberri honek inspiratu zuen, hain zuzen, Janacek 1923an 1. Hari kuarteto hau sortzeko.

Jarraian, Beethovenen 14. Kuartetoa interpretatuko da, hari-laukoterako bere azken lanetako bat eta konpositorearen gogokoenetako bat. Kuartetoa, do sostenitu minorrean idatzia, 1826an konposatua izan zen, eta Joseph von Stutterheim baroiari eskainia dago, bere iloba Karl armadara eramateagatik esker oneko keinu bezala, bere buruaz beste egiten saiatu ondoren. Kuarteto hau sakona, zabala, askotarikoa eta kaleidoskopikoa da. Diotenez, Schubertek, entzun ondoren, honako hau oihukatu zuen: "Honen ondoren, zer geratzen zaigu konposatzeko?!".