Robert Treviño, RAI Torinoren zuzendari nagusi gonbidatua
Treviño zuzendari nagusi gonbidatua izango da Italian prestigio handia duen RAI-ren Orkestra Sinfoniko Nazionalean. Euskadiko Orkestraren titulartasunarekin bateragarria izango da kargu berri hau.
Euskadiko Orkestraren zuzendari titular Robert Treviñok 2021/2022 Denboralditik aurrera ardura berri bat hartuko du bere musika-ibilbidean. Treviño zuzendari nagusi gonbidatua izango da RAI-ren Orkestra Sinfoniko Nazionalean, RAI Torino bezala ere ezagutzen den orkestran, alegia. Italian prestigio handia du orkestra honek, eta oso ezaguna da egin ohi dituen nazioarteko bira ugariengatik zein bere zuzendari titular eta gonbidatuen kalitateagatik.
Izendapen honen ondoren, Robert Treviñok hiru orkestra hauetan ditu karguak, ardura-maila ezberdinekin: Euskadiko Orkestran zuzendari titular da, RAI Torinon zuzendari nagusi gonbidatua eta Malmöko Orkestra Sinfonikoan aholkulari artistikoa da.
RAI Torinoko kargu berri honetan hainbat esparrutan parte hartuko du: kontzertu-denboraldian egoteaz gain, hainbat nazioarteko bira eta grabazio egingo ditu.
Treviñoren izendapen berri honek Euskadiko Orkestra azken urteotan bere zuzendari titularrarekin egiten ari den lana berresten du, aurrera begira jarraituko duen lana. Eta, zalantzarik gabe, orkestrak nazioarte mailan arreta eskuratzeko parada ere bada.
Informazio gehiago
Orchestra Sinfonica Nazionale della RAIKontzertuak eta Sarrerak Otsaila
