Roderick Cox-en batutapeko ‘Doctor Atomic’ sinfonia txundigarria izango da Euskadiko Orkestraren hurrengo kontzertu-programaren protagonista
Zuzendari estatubatuarra lehendabizikoz igoko da Euskadiko Orkestraren podiumera iparramerikar zaporeko kontzertu-programa bat eskaintzeko. ‘Doctor Atomic Sinfonia’-k lehen bonba atomikoa sortu eta eztanda egin zueneko giro larrigarria islatzen du eta obra zentrala izango da programa honetan, George Walkerren ‘Lyric for Strings’ poema sinfoniko laburrarekin hasiko dena eta Rakhmaninoven ‘Dantza sinfoniko’-ekin amaituko.
Sarrerak salgai daude martxoaren 10etik 16ra ohiko lau hiriburuetan izango diren kontzertu guztietarako.
Akelarre Abesbatza izango da larunbateko Miramongo Matinéearen protagonista
Euskal ahots gaztez osatutako abesbatzak, Euskadiko Orkestraren harpajole Ivan Bragado ondoan duela, askotariko obraz osatutako kontzertua eskainiko du larunbat honetan, martxoak 4, 11:00etan, Miramonen. Sarrerak salgai daude 11 eurotan.
Euskadiko Orkestrak Straussen ‘Don Juan’ eta ‘On Kixote’ interpretatuko ditu Bilboko Musika-Música Jaialdian
Robert Treviñoren batutapean, eta Alexey Stadler biolontxelojolearekin ‘On Kixote’ obrako solista gisa, orkestrak larunbat honetan eskainiko du bere kontzertua, martxoak 4, 18:45ean, Euskalduna Jauregian.
Bilboko Udalak antolatzen duen jaialdiaren 22. edizioa martxoaren 3tik 5era egingo da mota guztietako publikoei zuzendutako 60 kontzerturekin, ohiko maratoi-formatuan.
Mahlerren ‘Bosgarrena’ eta Ramon Lazkanoren mundu mailako estreinaldi bat izango dira Euskadiko Orkestraren kontzertu-programa berriaren protagonistak
Robert Treviñok zuzenduko ditu Mahlerren ‘5. Sinfonia’, aktualitate betean dagoena une honetako film nabarmenetako batean, ‘Tár’-en, agertzeagatik, eta Ramon Lazkanoren ‘Mare marginis’ pianorako kontzertuaren erabateko estreinaldia, Euskadiko Orkestrak, Radio Francek eta Koloniako Irratiaren Orkestra Sinfonikoak elkarrekin enkargatutakoa.
Sarrerak salgai daude otsailaren 17tik 23ra ohiko lau hiriburuetan izango diren kontzertu guztietarako.
Magia eta teknologia Euskadiko Orkestraren Gasteizko Musika Familian kontzertu berrietan
‘Ondinaren magia’ eta ‘Elkarrekin sortu’ dira Euskadiko Orkestrak Gasteizen eskainiko dituen ekoizpen propioak, familientzat sortuak.
Horietako lehenengoa saio bikoitzean (17:00 / 18:30) eskainiko da otsailaren 26an Garcia Lorca Antzokian eta bigarrena maiatzaren 7an (18:00) Principal Antzokian.
Aitorpen gutxiko emakume musikagile estatubatuarrei omenaldia larunbateko Miramongo Matinéean
Queentettas taldeak, Euskadiko Orkestrako hari-sekzioko lau musikariz eta Amaia Zipitria pianistaz osatzen denak, Denboraldiko bederatzigarren Matinéea eskainiko du larunbat honetan, otsailak 11, 11:00etan, Miramonen, eta Amy Beach eta Florence Pricen obra bana interpretatuko du. Sarrerak salgai daude 11 eurotan.