Euskadiko Orkestrak Musika Hamabostaldiko ohiko parte-hartzearekin ekingo dio 21/22 Denboraldiari
Abuztuaren 21ean, larunbata, 19:30ean, izango da Euskadiko Orkestrak Donostiako Musika Hamabostaldiaren 82. edizioan eskainiko duen kontzertua, Victor Pablo Perezen gidaritzapean, eta Donostiako Orfeoiarekin, Iwona Sobotka sopranoarekin, Airam Hernandez tenorrarekin eta Frederic Jost baxuarekin batera.
Hitzordu horrez gain, aste honetatik abian da orkestra datozen hilabeteetan argitara emango diren grabazio batzuk prestatzen.
Alberto Iglesiasek Iciar Bollainen ‘Maixabel’ filmaren soinu-banda grabatu du Euskadiko Orkestrarekin
Miramongo Auditoriumean astelehenean, ekainak 21, egindako grabazio hau musikariaren eta orkestraren arteko lehen elkarlana da.
21-22 Denboraldia: Baikortasuna, aurkikuntza eta musika ona
Duela urtebete programatutako artista eta obren berreskuratzea, musika asko eta ona deskubritzea eta euskal gizartean dugun rol garrantzitsua berrestea izango dira Kontzertu Denboraldi berri honen ardatz nagusiak.
Helburu hau bete ahal izateko, gure auditoriumetara sona handiko artista garrantzitsu ugari bertaratuko dira: Pinchas Steinberg, Pinchas Zukerman, Pietari Inkinen, Mei-Ann Chen, Varvara, Yulianna Avdeeva eta Dmitri Makhtin. Gure lurraldeko artista handiak ere izango ditugu gurean, besteak beste, Ainhoa Arteta, Asier Polo, Donostiako Orfeoia eta Iruñeko Orfeoia.
Hemiola Laukoteak Miramongo Matinéeen 20/21 Denboraldia itxiko du larunbat honetan
Euskadiko Orkestrako musikariz osatutako laukote honek Joseph Haydnen ‘Kristoren azken zazpi hitzak gurutzean’ interpretatuko du larunbat honetan, ekainak 12, 11:00etan, Miramongo egoitzan. Ez da sarrerarik egongo salgai, egungo edukiera-murrizketak direla eta.
Euskadiko Orkestrak Nikolai Lugansky pianista handia gonbidatu du bere denboraldi zailenari amaiera emateko
Denboraldiko azken kontzertu-programa, ‘New York’ izenekoa, ekainaren 11tik 17ra izango da ohiko lau hiriburuetan. Robert Treviñoren batutapean, Euskadiko Orkestrak eta errusiar pianojoleak Rakhmaninoven ‘Paganiniren tema baten gaineko rapsodia’-ri egingo diote aurre hamar kontzertuko tour de force batean.
Hitzorduetako bost Schoenbergen ‘Gau itxuraldatua’-rekin osatuko dira eta beste bostak Mendelssohnen ‘3. Sinfonia’-rekin.
Suhar Korua igoko da eszenatokira larunbat honetako Miramongo Matinéean
Larunbat honetan, maiatzak 22, 11:00etan, Miramonen, gizonezkoen euskal abesbatzak ‘Sorlekua’ izeneko kontzertua eskainiko du, XIX. eta XX. mende bitarteko nazionalismo musikalaren baitan adierazgarriak diren konpositoreen obrekin. Ez da sarrerarik egongo salgai, egungo edukiera-murrizketak direla eta.