Ostirala 02 Azaroa, 2018

Christian Lindberg polifazetikoa izango da Euskadiko Orkestra Sinfonikoaren hurrengo programaren protagonista

Christian Lindberg
Christian Lindberg

Munduko tronboijole ezagunenetako bat den Lindbergek zuzendari, tronboi-bakarlari eta narratzaile papera beteko du honako obrak izango dituen datorren abonu-programan: suediarrak berak idatzitako obra bat, The Tale of Kundraan; Leonard Bernsteinek konposatutako On the Waterfront filmaren soinu-banda; eta Jean Sibeliusen 3. Sinfonia.

Christian Lindbergek hainbat alditan kolaboratu du Euskadiko Orkestra Sinfonikoarekin, bai zuzendari gisa, bai bakarlari gisa. Oraingoan Orkestraren Abonu Denboraldira itzuliko da Sustrai nordikoak izeneko programa heterogeneo bat aurkezteko, Lindbergek berak idatzitako obra batek, eta Bernsteinek eta Sibeliusek konposatutako beste lan banak osatuko dutena. Kontzertuak ohiko hiriburuetan izango dira: Gasteizko Principal Antzokian astelehenean, azaroak 5; Iruñeko Baluarte Auditoriumean asteartean, azaroak 6; Bilboko Euskalduna Jauregian asteazkenean, azaroak 7; eta Donostiako Kursaal Auditoriumean ostegun eta ostiralean, azaroak 8 eta 9. Guztiak 20:00etan izango dira.

Espezializazioaren aurkaria da Lindberg, bere ustez askotariko jarduerak egiteak musikari hobea izaten laguntzen baitu. Eta hala erakutsi du bere ibilbide oparo eta ospetsuan tronboijole, konposatzaile eta orkestra-zuzendari gisa. Tronboijole bezala, Lindbergek hainbat sari jaso ditu, aipagarrienak honakoak: 2015ean musika klasikoko munduko irrati-kate ezagunenak, Classic FMk, egin zion historiako tronbonista onenaren aipamena, eta 2016ko ICMA sarietan (International Classical Music Awards) jaso zuzen golardoa, hain zuzen Euskadiko Orkestra Sinfonikoak Donostiaren Europako Kultur Hiriburutzaren harira antolatu zuen sari-banaketa ekitaldian. Ildo horretan, Mikel Chamizok programaren oharretan honakoa dio: “Lindberg tronboiaren Paganinitzat edo Chopintzat jo liteke, inolako lotsarik gabe, bera baino lehen ez baita izan tronboiaren aukerak hain urrun eraman dituen inor”. Konposatzaile bezala, Lindberg lanpetuta ibili da 1997-1998an bere lehen obra, Arabenne for Trombone and Strings, idatzi zuenetik. Dagoeneko berrogeita hamar lan baino gehiago idatzi ditu, baita grabazio ugari zuzendu ere. Orkestra-zuzendari bezala, orkestra handien podiumera igo da munduko eszenatoki ezagunenetako batzuetan.

Lindbergek oraingoan Euskadiko Orkestra Sinfonikoarekin kolaboratuko du bere ibilbidean hainbeste arrakasta ekarri dizkion rol hirukoitz horretan. Orkestraren buru izateaz gain, Lindberg tronboi-bakarlari lanetan arituko da berak idatzitako obra batean: The Tale of Kundraan (Kundraanen istorioa). 2008an izen bereko obra batean Lindbergek lehendabizikoz aurkeztu zuen fikziozko pertsonaia bat da Kundraan, eta tronboi-bakarlariak eta Lindbergen beraren ahotsak irudikatzen duten gizaki ilun eta basatia da. Pertsonaia honen beste abenturatako bat da programa honetako obran aurkezten dena; bertan, Luziferrek Kundraani New Yorkeko Orkestra Filarmonikoko zuzendari postua emango diola agintzen dio.

Lindbergek programaren gainontzekoa ere zuzenduko du. Elia Kazanek zuzendu zuen eta zortzi Oscar sari jaso zituen On the Waterfront filmari Leonard Bernsteinek egin zion soinu-bandaren suitearekin irekiko da programa. Obra honek New Yorkeko kaiko mafia- eta hiri-giroa iradokitzen du, baita tentsioz betetako argumentu itogarriak ere, nahiz eta lirismo erromantikoko tarte bat ere baduen. Lindbergen tankera berean, Bernstein pertsonaia polifazetikoa izan zen, eta arrakasta handia lortu zuen orkestra-zuzendari, konposatzaile, pianojole eta dibulgatzaile moduan.

Programari amaiera Jean Sibeliusen 3. Sinfoniak emango dio. 2. Sinfoniak —bigarren abonu-programa itxi zuenak— bere herrialdean eman zion ospetik urruntzeko asmoarekin egin zuen erretiro batean idatzi zuen egile finlandiarrak 3. Sinfonia hau. 1907an estreinatutako obra honetan gaztaroaren eta helduaroaren arteko Sibelius senti daiteke oraindik, talentu ikaragarriaren kemenaren eta egikera teknikoaren maisutasunaren arteko erdibidean kokatua.

Kontzertuen astearen amaieran, ostiralean, azaroak 9, Christian Lindbergek Musikeneko tronboi-ikasleei masterclass bat eskainiko die. Ekimen hau Euskadiko Orkestra Sinfonikoak eta Musikenek Aula Jordá Gela izenburupean sinatutako hitzarmenaren baitan kokatzen da. Horri esker, kontserbatorioko ikasleek lehen eskutik ezagutu ditzakete Orkestraren Abonu Denboraldian parte hartzen duten bakarlari handietako batzuk.

Sarrerak salgai (10€tik 35€ra). Kontzertu hauetarako sarrerak salgai daude euskadikoorkestra.eus webgunean eta kontzertu-aretoetako webguneetan zein leihatiletan. "Azken ordu gaztea": 30 urtetik beherako lagunek aukera izango dute gune guztietako sarrerak 10€tan erosteko, kontzertua hasi baino 30 minutu lehenago (leihatilan).

Hurrengo ekitaldiak

Kontzertuak eta Sarrerak Apirila

1 Al
2 Ar
3 Az
4 Og
5 Or
6 Lr
7 Ig
8 Al
9 Ar
10 Az
11 Og
11 apirila, 2019 Osteguna, 20:00 h.
Abonu Denboraldia Jeinu korala Hans Graf Vitoria/Gasteiz
Jeinu korala
12 Or
12 apirila, 2019 Ostirala, 20:00 h.
Abonu Denboraldia Jeinu korala Hans Graf Donostia / San Sebastián
Jeinu korala
13 Lr
13 apirila, 2019 Larunbata, 11:00 h.
Miramongo Matinéeak 13. Matinéea: Alma Hirukotea Donostia / San Sebastián
13. Matinéea: Alma Hirukotea
13 apirila, 2019 Larunbata, 20:00 h.
Abonu Denboraldia Jeinu korala Hans Graf Bilbao/Bilbo
Jeinu korala
14 Ig
14 apirila, 2019 Igandea, 18:00 h.
Musika Gela Isiltasunaren haitzuloa Vitoria/Gasteiz
Isiltasunaren haitzuloa
15 Al
16 Ar
17 Az
18 Og
19 Or
20 Lr
21 Ig
22 Al
23 Ar
24 Az
25 Og
26 Or
27 Lr
28 Ig
29 Al
30 Ar