Denboraldi honetan ere ETB2k Euskadiko Orkestraren kontzertuak emango ditu larunbat goizetan
Bihartik aurrera, urriak 16, 11:00etan, ETB2k Euskadiko Orkestraren kontzertuen emisioa berreskuratuko du, hasiera batean 20/21 Denboraldikoena eta ondoren 21/22 Denboraldikoena.
Telebistako emisio berriak egin ahala, Euskadiko Orkestrak kontzertuetan interpretatutako obrak bere YouTubeko kanalean publikoaren eskura jartzen jarraituko du.
EiTBk eta Euskadiko Orkestrak aurrera jarraitzen dute pasa den Denboraldian ekindako Denboraldiko kontzertuen grabazio eta zabalkunderako konpromiso partekatuarekin. Horri esker, bihartik aurrera (urriak 16) eta larunbatero, 11:00etan, ETB2k orkestraren kontzertuak ematen jarraituko du.
Hasiera batean pasa den Denboraldiko kontzertuak emitituko ditu, bigarren aldiz, aurretik ikusteko aukera izan ez zutenek bigarren abagune bat izan dezaten. Sekuentzia horretako lehenengoa, biharkoa, Schuberten 8. eta 2. sinfonien 2020ko iraileko Euskalduna Jauregiko kontzertua izango da.
Laster 21/22 Denboraldiko kontzertuak ere hasiko da ematen, horiek gauzatu, grabatu eta prestatu ahala. Denboraldi berrian ere Euskalduna Jauregian grabatuko ditu ETBk kontzertuak. Emisioen egutegi osoa laster emango da ezagutzera.
Informazio gehiago
Euskadiko Orkestraren YouTubeko kanalaKontzertuak eta Sarrerak Iraila
