Osteguna 22 Azaroa, 2018

Euskadiko Orkestra Sinfonikoak Euskaraldiarekin bat egin du bere patroiaren egunean

Euskadiko Orkestra Sinfonikoko kideak talde-argazki batean elkartu dira Euskaraldia ekimenaren alde Miramongo Auditoriumean
Euskadiko Orkestra Sinfonikoko kideak talde-argazki batean elkartu dira Euskaraldia ekimenaren alde Miramongo Auditoriumean

Gaur, Santa Zezilia eguna, Orkestrako musikariek talde-argazkia atera dute euskararen erabilera sustatzeko ekimenaren alde.

Euskararen erabilera bultzatzea xede duen Euskaraldia ekimenak azaroaren 23tik abenduaren 3ra bere 11 egun nagusiei ekiteko bezperan, Euskadiko Orkestra Sinfonikoak talde-argazki handi baten bidez bistaratu nahi izan du ekimenari emandako babesa.

Orkestra osatzen duten 100 musikari eta administrazioko kide inguru Orkestraren Miramongo egoitzan elkartu dira gaur goizean argazkia ateratzeko, aski ezagun diren Euskaraldiaren ikurrekin eta iruditeriarekin. Modu horretara ikusarazi nahi izan du Orkestrak Euskaraldiaren sustatzaile dela.

Gainera, gaur arrazoi bikoitza du Orkestrak elkartzeko eta ospatzeko: azaroak 22 izanik, Santa Zezilia eguna baita, musikarien zaindaria.

 

Euskal fantasia

Babesaren erakusgarri gisa gaur egindako keinu hau hurrengo abonu-programan hezurmamituko da, Orkestra hitzetik ekintzara pasako baita orduan. Izan ere, azaroaren 26tik 30era ohiko lau hiriburuetan Orkestrak emango dituen kontzertuetan Stephen Hough pianojole eta konposatzaile britainiarrak Orkestraren enkarguz idatzi duen Agata: a Basque Fantasy obra aurkeztuko du. Obra hau eraikitzeko, Hough pianojole entzutetsuak Santa Ageda euskal kanta tradizionala hartu du oinarri eta, txistua orkestraren parte eginaz, lan berri bat konposatu du.

Zalantzarik gabe, ekarpen nabarmena da euskal kulturarentzat ekintza hau, txistua ez baita ohiko musika-tresna orkestraren formazioan.

Hurrengo ekitaldiak

Kontzertuak eta Sarrerak Abendua

1 Lr
2 Ig
3 Al
4 Ar
5 Az
6 Og
7 Or
8 Lr
9 Ig
10 Al
11 Ar
12 Az
13 Og
14 Or
15 Lr
15 abendua, 2018 Larunbata, 11:00 h.
Miramongo Matinéeak 6. Matinéea: Quintetto Grazioso Donostia / San Sebastián Sarrerak erosi
6. Matinéea: Quintetto Grazioso
15 abendua, 2018 Larunbata, 19:30 h.
Beste jarduera batzuk EOS Herrietan: Tantris Ensemble Muskizen Carlos Ocaña Muskiz
EOS Herrietan: Tantris Ensemble Muskizen
16 Ig
17 Al
18 Ar
19 Az
20 Og
21 Or
22 Lr
23 Ig
24 Al
25 Ar
26 Az
27 Og
28 Or
29 Lr
30 Ig
31 Al