Ostirala 23 Azaroa, 2018

Stephen Hough pianojoleak bere euskal fantasia oparituko digu Euskadiko Orkestra Sinfonikoaren hurrengo abonu-programan

Stephen Hough pianojoleak bere euskal fantasia oparituko digu Euskadiko Orkestra Sinfonikoaren hurrengo abonu-programan

Robert Treviño titularra Orkestraren podiumera igoko da hurrengo programa zuzentzeko. Orkestrak hala eskatuta Houghek konposatu duen Agata: a Basque Fantasy estreinatuko da, Garikoitz Mendizabalekin txistuan. Programa osatuko dute Dvoraken Pianorako kontzertuak, Hough bakarlari-lanetan, eta Elgarren Enigma bariazioek.

 

Irail amaieran Abonu Denboraldia inauguratu ostean, Robert Treviño zuzendari titularrak berriz hartuko du Euskadiko Orkestra Sinfonikoaren batuta hirugarren abonu-programan, Agata erupzioan izenekoa. Kontzertuak Gasteizko Principal Antzokian hasiko dira astelehenean, azaroak 26, eta gainontzeko hirietan jarraituko dute ondoren: asteartean, azaroak 27, Iruñeko Baluarte Auditoriumean; asteazkenean, azaroak 28, Bilboko Euskalduna Jauregian; eta ostegun eta ostiralean, azaroak 29 eta 30, Donostiako Kursaal Auditoriumean. Guztiak 20:00etan izango dira.

Programako gonbidatu berezia Stephen Hough pianojole, konpositore eta idazlea izango da, eta bere ibilbidean lehendabizikoz egingo dio Euskadiko Orkestra Sinfonikoari bisita. 1983an New Yorken Naumburg Lehiaketan Lehen Saria eskuratu zuenetik, munduko orkestra onenetako gehienetan jo du eta sona handiko entzunaretoetan eman ditu kontzertuak. Hough sarri gonbidatu dute jaialdi garrantzitsuetara, adibidez, Salzburgokora, La Roque d’Anthérone-ra, Edinburgokora eta Londreseko BBC Proms-era. Bere diskografia zabalak nazioarteko sari ugari bildu ditu, besteak beste Diapason d’Or de l’Annee, Grammyetarako hainbat nominazio eta 8 Gramophone Sari.

Houghek konposatu du Orkestraren enkarguz kontzertu-programa berri hau irekiko duen obra: Agata: a Basque Fantasy. Obra hau eraikitzeko, pianojole ospetsuak Santa Ageda euskal kanta tradizionala hartu du oinarri, eta orkestraren parte bezala txistua txertatzearen bidez, konposizio berri bat sortu du. Houghek Robert Treviño zuzendari titularraren omenez sortu duen obra honetan Garikoitz Mendizabal izango da txistua jotzearen arduraduna. Lan hau, zalantzarik gabe, balio handiko ekarpena da euskal errepertorioarentzat, txistua ez baita ohiko musika-tresna orkestraren formazioan, eta bere aurkezpena Euskaraldiarekin bat etorrarazi da, azaroaren 23a eta abenduaren 3a bitartean gertatzen ari den euskararen aldeko egitasmoarekin, alegia.

Euskal kulturarentzat garrantzitsua den ekarpen honen ostean, “bariazioak” kontzeptuan inspiratuta dagoen 2018/2019 Denboraldi honetan ezinbestekoak diren bi autoreren bi obra goiztiar banatan oinarrituko da programa.

Batetik, Antonin Dvoraken Pianorako kontzertua entzun ahal izango da, eta Stephen Hough piano-bakarlari lanetan arituko da bertan. Biolinjole bikaina zen baina pianojole gisa aintzatespen handirik inoiz izan ez zuen txekiar konposatzaileak idatzitako partitura hau betidanik oso zailtzat jo dute pianojoleek, bereziki esku ezkerrarentzat oso nekeza den zati bat ere barne hartzen duelako. Arrazoi horregatik, ez da inoiz gehiegi goraipatu obra hau, ezta gehiegitan jo ere, ez behintzat harik eta Houghek berak, bere interpretazio bikainari esker, azken aldian modan jarri duen arte.

Azkenik, kontzertu-programa Edward Elgarren Enigma bariazioak obrarekin itxiko da. Hamalau musika-erretratu hauetan konposatzaile britainiarrak lagun eta senideen izaeraren ezaugarriak islatu zituen. Bere heriotzan, Elgarrek ez zuen ebatzi obrari buruzko enigma nagusia: antza, ezkutuko melodia bat dago obra honetan, eta bariazioekin kontrapuntuan sar daiteke. Ia ehun urte igaro diren honetan, enigma ez da argitu.

Kontzertuen astearen amaieran, ostiralean, azaroak 30, Stephen Houghek Musikeneko piano-ikasleei masterclass bat eskainiko die. Ekimen hau Euskadiko Orkestra Sinfonikoak eta Musikenek Aula Jordá Gela izenburupean sinatutako hitzarmenaren baitan kokatzen da. Horri esker, kontserbatorioko ikasleek lehen eskutik ezagutu ditzakete Orkestraren Abonu Denboraldian parte hartzen duten bakarlari handietako batzuk.

Sarrerak salgai (10€tik 35€ra). Kontzertu hauetarako sarrerak salgai daude euskadikoorkestra.eus webgunean eta kontzertu-aretoetako webguneetan zein leihatiletan. "Azken ordu gaztea": 30 urtetik beherako lagunek aukera izango dute gune guztietako sarrerak 10€tan erosteko, kontzertua hasi baino 30 minutu lehenago (leihatilan).

Zure interesekoa izan daitekeelakoan...

Hurrengo ekitaldiak

Kontzertuak eta Sarrerak Martxoa

1 Or
2 Lr
3 Ig
4 Al
5 Ar
6 Az
7 Og
8 Or
9 Lr
10 Ig
11 Al
11 martxoa, 2019 Astelehena, 20:00 h.
Abonu Denboraldia Aire bohemioak Pinchas Zukerman Donostia / San Sebastián
Aire bohemioak
12 Ar
12 martxoa, 2019 Asteartea, 20:00 h.
Abonu Denboraldia Aire bohemioak Pinchas Zukerman Pamplona/Iruña
Aire bohemioak
13 Az
13 martxoa, 2019 Asteazkena, 20:00 h.
Abonu Denboraldia Aire bohemioak Pinchas Zukerman Vitoria/Gasteiz
Aire bohemioak
14 Og
15 Or
16 Lr
17 Ig
18 Al
19 Ar
20 Az
20 martxoa, 2019 Asteazkena, 19:30 h.
Beste jarduera batzuk ABAO: Delirio (Gala lirikoa) Giacomo Sagripanti Bilbao/Bilbo
ABAO: Delirio (Gala lirikoa)
21 Og
22 Or
22 martxoa, 2019 Ostirala, 19:00 h.
Musika Gela Pianissimo Asier Puga Vitoria/Gasteiz Sarrerak erosi
Pianissimo
23 Lr
24 Ig
25 Al
25 martxoa, 2019 Astelehena, 09:45 h.
Musika Gela Eskola kontzertuak: Pianissimo Asier Puga Donostia / San Sebastián
Eskola kontzertuak: Pianissimo
26 Ar
27 Az
28 Og
29 Or
29 martxoa, 2019 Ostirala, 20:00 h.
Beste jarduera batzuk Opéra Royal: Marie Antoinette Mélanie Levy-Thiébaut Versailles Sarrerak erosi
Opéra Royal: Marie Antoinette
30 Lr
30 martxoa, 2019 Larunbata, 11:00 h.
Miramongo Matinéeak 12. Matinéea: Euskal Herriko Gazte Abesbatza Donostia / San Sebastián Sarrerak erosi
12. Matinéea: Euskal Herriko Gazte Abesbatza
30 martxoa, 2019 Larunbata, 19:00 h.
Beste jarduera batzuk Opéra Royal: Marie Antoinette Mélanie Levy-Thiébaut Versailles Sarrerak erosi
Opéra Royal: Marie Antoinette
31 Ig
31 martxoa, 2019 Igandea, 15:00 h.
Beste jarduera batzuk Opéra Royal: Marie Antoinette Mélanie Levy-Thiébaut Versailles Sarrerak erosi
Opéra Royal: Marie Antoinette
31 martxoa, 2019 Igandea, 19:00 h.
Beste jarduera batzuk Opéra Royal: Marie Antoinette Mélanie Levy-Thiébaut Versailles Sarrerak erosi
Opéra Royal: Marie Antoinette