EUSKADIKO ORKESTRA SINFONIKOAK VERDIREN REQUIEMA INTERPRETATUKO DU MAILA GAILENEKO BAKARLARI TALDE BATEKIN ETA DONOSTIAKO ORFEOIAREKIN
Euskadiko Orkestrak bere Abonu-Denboraldian aurrera pausu berri bat emanez datozen egunotan obra sinfoniko-koral handi bat interpretatuko du Andrés Orozco-Estrada bere titularraren zuzendaritzapean: Verdiren Requiem Meza, hain zuzen ere. Laugarren Abonu-programa honi dagozkion kontzertuak honako egunotan ospatuko dira: bihar ostirala, urriak 23, eta 26an Donostian, 24an Gasteizen, 27an Iruñean eta, amaitzeko, urriaren 29an Bilbon.
XIX. mendeko italiar musikaren gailurretako bat den partitura hau interpretatzeko, Indra Thomas estatubatuar sopranoa buru duen bakarlari talde nabarmen bat izango du lankide. Besteak beste BBC Proms, New Yorkeko Matropolitan, Madrilgo Teatro Real eta Bartzelonako Liceu-n lortutako sonak denbora gutxian munduko soprano onenen artean kokatu duen abeslari hau estreinako aldiz arituko da Euskadiko Orkestrarekin. Bakarlari taldea Nancy Fabiola Herrera mezzosoprano kanariarrak, Aquiles Machado venezuelar tenoreak (Stuart Neill ordezkatuz) eta Carlo Colombara baxu italiarrak osotzen dute. Guzti hauek Euskadiko Orkestrarekin Musika Hamabostaldian eta OLBEn zenbaitetan aritu izan badira ere, lehenbiziko aldiz arituko dira bere Abonu-Denboraldian. Requiemaren atal korala Orkestrarekin aurretik jada interpretatua duen Donostiako Orfeoiaren esku izango da; abesbatza honek ugaritan abestu baitu lan hau, gogoangarrienen artean 2001ean Claudio Abbadoren zuzendaritzapean Berlingo Philharmoniker delakoarekin burututako interpretazioa.
Egitarauari Oharren egile den Juan Manuel Vianaren esanetan, Verdik "oinarri sendoko soinu-eraikina egitea lortu zuen obra itzel honetan eta, bertan, argudio-intriga baten absentzia ahozko eta orkestra eskritura zirraragarri batek ordezkatzen du, bere opera onenak egituratzen dituen eta musikaren muinean bertan antzerkiaren taupada sartzen duen eroaldi berdinak bultzatuta". Abonu-Denboraldiko entzulegoak estreinako aldiz izango du esperantza eta beldurraren artean, sosegu eta asalduraren artean sortua den musikariaren sorta emozionaletik eratorria den partitura honekin gozatzeko aukera.
Laugarren Abonu-Programako kontzertuak
Urriaren 23 eta 26: Kursaal Auditorioa. Donostia-San Sebastián. 20:00etan.
Urriaren 24a: Principal Antzokia. Vitoria-Gasteiz. 20:00etan.
Urriaren 27a: Baluarte Auditorioa, Iruñea. 20:00etan.
Urriaren 29a: Palacio Euskalduna, Bilbao. 20:00etan.
Egitaraua
G. Verdi: Messa da Requiem
Indra Thomas, sopranoa
Nancy Fabiola Herrera, mezzosopranoa
Aquiles Machado, tenore
Carlo Colombara, baxua
Andrés Orozco-Estrada, zuzendaria
Kontzertuak eta Sarrerak Maiatza
