Ostirala 13 Abuztua, 2021

Euskadiko Orkestrak Musika Hamabostaldiko ohiko parte-hartzearekin ekingo dio 21/22 Denboraldiari

Euskadiko Orkestrak Musika Hamabostaldiko ohiko parte-hartzearekin ekingo dio 21/22 Denboraldiari

Abuztuaren 21ean, larunbata, 19:30ean, izango da Euskadiko Orkestrak Donostiako Musika Hamabostaldiaren 82. edizioan eskainiko duen kontzertua, Victor Pablo Perezen gidaritzapean, eta Donostiako Orfeoiarekin, Iwona Sobotka sopranoarekin, Airam Hernandez tenorrarekin eta Frederic Jost baxuarekin batera.

Hitzordu horrez gain, aste honetatik abian da orkestra datozen hilabeteetan argitara emango diren grabazio batzuk prestatzen.

Euskadiko Orkestrako musikariak eszenatokira igoko dira berriz merezitako oporraldi baten ostean. Eta, beste urtebetez, Denboraldiari ekingo diote Donostiako Musika Hamabostaldian parte hartuz, abuztuko agendako hitzordu nagusia izango den kontzertu batekin. Kursaal Auditoriumean izango da abuztuaren 21ean, larunbata, 19:30ean.

Victor Pablo Perezek eta Euskadiko Orkestrak, 80ko hamarkadatik gaur egun arte elkarrekin emandako 50 kontzertu baino gehiagoko historia luzea duen formulak, Donostiako Orfeoiarekin bat egingo dute, askotariko obrak biltzen dituen programa batean. Jose Antonio Sainz Alfaro zuzendari izango duen Orfeoiaz gain, Iwona Sobotka sopranoak, Airam Hernandez tenorrak eta Frederic Jost baxuak hartuko dute parte ahotsen atalean.

Dagoeneko sarrerak agortuak dituen kontzertu honen programak honako obrak hartuko ditu barne: Francis Poulenc-en Birjin beltzaren letaniak, Gabriel Fauréren Arrantzaleen meza eta Ludwig Van Beethovenen Kristo olibondoen mendian.

 

 

Grabazio- eta entsegu-asteak

 

Musika Hamabostaldiko kontzertuaz gain, zeinaren entseguak datorren astean izango diren, aste honetatik aurrera orkestra martxan da grabazio batzuk prestatzen, eta horien emaitza datozen hilabeteetan emango da ezagutzera.

Donostiako jaialdian kontzertua eskaini ondoren, orkestrako musikariek irailaren 27tik aurrera gertatuko den Abonu Denboraldiaren hasiera handiaren entseguei ekingo diete. Aurten Brahms Jaialdia egingo da Denboraldia inauguratzeko, konpositore ospetsuaren sinfonien integrala, Biolin eta biolontxelorako kontzertua eta Pianorako kontzertuak barne hartuko dituen jaialdia.

 

 

Beste hitzordu garrantzitsu bat etorkizun hurbilean: AECCren 50. urteurrenaren inaugurazio-kontzertua

 

Denboraldi-hasiera honetan Minbiziaren Aurkako Espainiako Elkartearen 50. urteurrenaren inaugurazio-kontzertua ere aipatzeko modukoa da. Kontzertua Bilboko Euskalduna Jauregian izango da, irailaren 11n, 19:30ean.

Euskadiko Orkestrak eta Donostiako Orfeoiak Ludwig van Beethovenen 9. Sinfonia, ‘Korala’ interpretatuko dute, konpositore alemaniarraren azken sinfonia osoa. 65 minutuko iraupena duen lan hau Juanjo Menak zuzenduko du, eta Minbiziaren Aurkako Espainiako Elkartearen "Minbiziaren ikerketaren 50. urteurrena" ospatzeko 2022 urtean Espainiako hainbat tokitan egingo diren kontzertu-zikloa inauguratuko du.

Sarrerak salgai daude 25 eurotik aurrera. Informazio guztia hemen.

Hurrengo ekitaldiak

Kontzertuak eta Sarrerak Azaroa

1 Al
2 Ar
3 Az
4 Og
5 Or
6 Lr
7 Ig
8 Al
9 Ar
10 Az
11 Og
12 Or
13 Lr
14 Ig
15 Al
16 Ar
17 Az
18 Og
18 azaroa, 2021 Osteguna, 09:45 h.
Musika Gela Eskola Kontzertuak: Euskadiko Orkestra Cirkus Donostia / San Sebastián
Eskola Kontzertuak: Euskadiko Orkestra Cirkus
19 Or
20 Lr
20 azaroa, 2021 Larunbata, 19:00 h.
Bestelako jarduerak ABAO: Cavalleria Rusticana / Pagliacci Bilbao/Bilbo
ABAO: Cavalleria Rusticana / Pagliacci
21 Ig
22 Al
23 Ar
23 azaroa, 2021 Asteartea, 19:30 h.
Bestelako jarduerak ABAO: Cavalleria Rusticana / Pagliacci Bilbao/Bilbo
ABAO: Cavalleria Rusticana / Pagliacci
24 Az
25 Og
25 azaroa, 2021 Osteguna, 11:15 h.
Musika Gela Eskola Kontzertuak: Euskadiko Orkestra Cirkus Donostia / San Sebastián
Eskola Kontzertuak: Euskadiko Orkestra Cirkus
26 Or
26 azaroa, 2021 Ostirala, 19:30 h.
Bestelako jarduerak ABAO: Cavalleria Rusticana / Pagliacci Bilbao/Bilbo
ABAO: Cavalleria Rusticana / Pagliacci
27 Lr
27 azaroa, 2021 Larunbata, 11:00 h.
Miramongo Matinéeak 5. Matinéea: Arima Boskotea Donostia / San Sebastián
5. Matinéea: Arima Boskotea
27 azaroa, 2021 Larunbata, 19:00 h.
Bestelako jarduerak Durango: Mozart, Nannerl eta Lagunak Durango
Durango: Mozart, Nannerl eta Lagunak
28 Ig
29 Al
29 azaroa, 2021 Astelehena, 19:30 h.
Bestelako jarduerak ABAO: Cavalleria Rusticana / Pagliacci Bilbao/Bilbo Sarrerak erosi
ABAO: Cavalleria Rusticana / Pagliacci
30 Ar