Musika Klasikoaren Nazioarteko Sarien Gala-Kontzertua, apirilaren 1ean Donostian

ICMA Sariak musika klasikoaren nazioarteko sariak ditugu, musika klasikoaren alorrean "Oscar" sarien baliokideak, nolabait esateko. Estatuan estreinakoz egingo den sari-banaketa horri esker Donostia eta, bide batez, Euskadi musika klasikoaren erdigune bilakatuko dira Europa mailan. Ekitaldi hau Euskadiko Orkestrak eta Donostia 2016k sustatu dute.

Ekitaldia prentsaurrekoan aurkeztu da Donostia 2016ren egoitzan. Hizlari aritu dira Eneko Goia, Donostiako alkatea; Joxean Muñoz, Eusko Jaurlaritzako Kultura, Gazteria eta Kirol sailburuordea; Pablo Berástegui, Donostia 2016ren zuzendari orokorra; Oriol Roch, Euskadiko Orkestra Sinfonikoaren zuzendari nagusia; Luis Suñén, ICMA sarien epaimahaikidea; eta Remy Frank, ICMA sarien presidentearen mezua eman da bideoz. 

Apirilaren 1ean, sari-banaketa ekitaldia + Gala-Kontzertua. Apirilaren 1ean, ostiralean, ICMA Awards-eko epaimahaikideak, sarituak eta hainbat gonbidatu bilduko dira mugatua izango den sari-banaketa ekitaldian. Gala-Kontzertua publikoari irekia izango da eta horretan saritu guztiek esku hartuko dute, Euskadiko Orkestrarekin batera, Orkestraren titular Jun Märkl maisuaren zuzendaritzapean. Sarrerak salgai daude jada ohiko salmenta-bideetan (22€/10€).

Gala-Kontzertua
Apirilaren 1a. Kursaal Auditorioa. 20:00etan.

Jun Märkl, zuzendaria
Dame Felicity Lott, sopranoa
Christian Lindberg, tronboia
Pablo Ferrández, violonchelo
Nikolai Song, flauta
Lukasz Duglosz, flauta
Michala Petri, flauta eztia
Mahan Esfahani, klabezina
David Violi, pianoa
Javier Perianes, pianoa
Euskadiko Orkestra Sinfonikoa

Egitaraua

I
Antonin Dvorák: Biolontxelo eta orkestrarako kontzertua si minorrean, opus 104. Pablo Ferrández, biolontxeloa
Cécile Chaminade: Flauta eta orkestrarako kontzertinoa re maiorrean, opus 107. Nikolai Song, flauta
Christian Lindberg: The Tale of Kundraan (erabateko estreinaldia) [14'] (argitaratzailea: Schott Music). Christian Lindberg, tronboia
Krzysztof Penderecki: Flauta eta ganbera-orkestrarako kontzertua. II Allegro con brio - Vivace - Andante recitativo. Lukasz Duglosz, flauta
Jacques Offenbach / Henry Meilhac-Ludovic Halévy
La Périchole. Ah! Quel diner je viens de faire / Je suis un peu grise [3']
La Grande-Duchesse de Gérolstein. Ah, les militaires [5']
Dame Felicity Lott, sopranoa

II
Arcangelo Corelli: Biolinerako 12. sonata re minorrean, opus 5, "La Follia" (flauta ezti eta klabezinerako moldaketa) [10']. Michala Petri, flauta eztia; Mahan Esfahani, klabezina
Marie Jäell: Piano eta orkestrarako 2. kontzertua. I Allegro [16']. David Violi, pianoa
Maurice Ravel: Piano eta orkestrarako kontzertua sol maiorrean [23']; Javier Perianes, pianoa

Informazio gehiago