Orkestra Herrietan: Euskadiko Orkestra Irun eta Bergaran

Euskadiko Orkestra Irun eta Bergaran ariko da datozen egunotan. Bere jardun sinfonikoaren ardatza hiriburuetako auditorioetan garantzen duen arren, Orkestrak beti izan da gure lurraldeko herrietako kultur bizitzan etengabeko esku hartzea helburu. Horren harira, oraingoan Irun eta Bergarako musika jardueran berebiziko garrantzia izan eta bere garaian Orkestrarekin aritutako bi musikariren omenezko kontzertuetan izango da: Irunen Fernando Etxepare Díazen gogora ekarriko duen ekitaldian gaur, hilaren 16an, eta Bergaran, berriz, bihar, Miguel González Bastidaren omenez eskainiko den kontzertuan.

Eta proposamen erakargarriekin egin gainera: Bakarlari ariko dira Lorenz Nasturica-Herschcowici, EOSeko kontzertino iraunkor gonbidatu eta Municheko Orkestra Filarmonikoko kontzertinoa eta Juan Ignacio Emme, Euskadiko Orkestrako biolontxelo bakarlaria. Egitarauan Brahmsen azkena eta Beethovenen lan ezagunena, aurrez aurre. Biolin, biolontxelo eta orkestrarako kontzertu bikoitza, lehenak orkestrarako sortutako azken lana batetik eta bigarrenaren Bosgarren Sinfonia unibertsala, bestetik. Kontzertu hauen hasieran gainera tokian tokiko omenduaren obra bana interpretatuko du Orkestrak, bakoitza omendutako musikagilearen seme batek zuzenduta.

Honako hau Euskadiko Orkestra Irunen aritzen den 40. aldia izango da. Kontzertua gaur, hilak 16an, Amaia Kultur Zentroan izango da, arratsaldkeo 19:30etan. Nabarmentzekoa da Euskadiko Orkestra Sinfonikoak hiri honekin izandako harremana, izan ere bertan izan baitzen Orkestrak bere historian eskainitako lehenbiziko kontzertua. 1982ko ekainaren 24ean izan zen, Enrique Jordá, gerora Orkestraren ohorezko zuzendari izango zenaren zuzendaritzapean eta Ametsa abesbatzak parte hartu zuelarik, Fernando Etxepare omenduak berak zuzenduta.

Euskadiko Orkestrak bihar ostirala, urtarrilaren 17an, iluntzeko 20:00etan hasita Udal Pilotalekuan eskainiko duen kontzertua bosgarrena izango du Bergaran. 1982ko azaroan izan zen lehen aldiz, Haendelen Messias interpretatuaz, Enrique Jordáren zuzendaritzapean. Emanaldi honetan Orfeón Bergarés-ek parte hartu zuen Miguel González Bastida berak orfeoia zuzentzen zuelarik.