Orkestraren jakinarazpena

Abonatu agurgarriak:

Zuek zarete gure ondasunik garrantzitsuena eta desio dugun bakarra ongi, indartsu, osasuntsu egon zaitezten da, guztion laguntzarekin koronabirusak eragindako mundu-krisi hau gainditu ahal izateko.

Gure kontzertuak apirilaren 4ra arte bertan behera utzi behar izan ditugunaren jakinaren gainean zaudete eta dagoeneko badakigu luze joko duela honek. Orain abonuei buruzko informazioa helarazi nahi dizuegu, baita bi kontzertu nahiz bi Matinée galtzeak dakarren eragin ekonomikoari buruzkoa ere. Zuetako batzuri adierazi dizuegunez, egoera zalantzagarria dugu aurrean eta ez dakigu gure Denboraldian izan dezakeen eragina zenbaterainokoa izango den. Kontzertu hauen guztien indargabetzeak ezin zaizkio Orkestrari egotzi, mundu-mailan ezarritako premiazko neurriak baitira eta guk men egin behar baitiegu jarraibide horiei. Egoera hainbat ikuspuntutatik aztertzen ari gara, baina goiz da gure Denboraldia zertan geldituko den jakiteko. Egoera gainditzen joaten garen heinean, eta erabakiak hartzeko moduan gaudenean, jakinaren gainean izango zaituztegu. Eta ea laster iristen garen egoera horretara, berriro ere gure kontzertuez eta gure musikaz gozatu ahal izango dugunaren seinale izango baita.

Orain, inoiz baino gehiago, zurekin harremanetan jartzeko datuak ematea eskatzen dizugu. Emaiguzu telefono mugikorraren zenbakia aldizkako abisuak bidaltzeko eta helbide elektroniko bat gure jakinarazpenak bertara helarazteko. Datu hauek mazpiroz@euskadikoorkestra.eus helbidera bidal ditzakezu.

Zaindu, daukazuen denbora hau baliatu musika entzuteko eta Orkestra jarraitzeko web orriaren eta sare sozialen bidez. Laster berriro zuekin harremanetan jartzea espero dugu. Eta jaso ezazue Euskadiko Orkestra osatzen dugun guztion besarkadarik estuena.

Begirunez,

Euskadiko Orkestra