Roberto Ugarte Alvarado da Euskadiko Orkestraren zuzendaritza nagusirako Administrazio Kontseiluaren proposamena
Izendapen ofiziala bihar, apirilak 8 asteartean, izango da Gobernu Kontseiluak onartu ondoren.
Euskadiko Orkestraren zuzendaritza hartzeak talentuaren itzulerarekin zerikusia du, hau da, ospe handiko musika-erakundeen kudeaketan esperientzia izan ondoren Euskadira bueltatzearekin.
Roberto Ugarte Alvarado etxera itzuliko da, Euskadira, Euskadiko Orkestraren buru izateko, 20 urte baino gehiago Espainiar Estatuko musika-erakunde garrantzitsuenak zuzentzen edo horietan parte hartzen eman ondoren. Euskadiko Orkestraren Administrazio Kontseiluak Ugarte zuzendari nagusi izendatzeko erabakia Gobernu Kontseiluari helaraziko dio, organo horrek baitu izendapena egiteko eskumena.
Ugarte 1962an jaio zen, Gasteizen, eta ilusioz helduko dio Euskadiko Orkestra Europako erreferente kultural bihurtu nahi duen etapa berriari. Roberto Ugartek Oriol Roch ordezkatuko du, 2014tik Euskadiko Orkestra zuzendu duena. Administrazio Kontseiluak eskerrak eman dizkio azken urteetan Euskadiko Orkestraren zerbitzura egindako lanagatik.
Roberto Ugarte Euskadiko Orkestraren zuzendaritza orokorra hartzeak musika-erakundeen kudeaketan esperientzia lortu ondoren euskal talentuaren itzulerarekin du zerikusia. Urteek eta egindako lan eskergak ematen duten ibilbide sendoarekin itzuliko da Euskadira. Roberto Ugartek ilusio handia du eta, aldi berean, bere alderdi artistikoa garatzen eta prestigioa mantentzen jarraitu nahi duen orkestra bati bere aletxoa emateko zain. Nabarmentzekoa da Euskadiko Orkestrak jarraitzen duela izaten kontzertuetan abonatu gehien dituen Euskadiko kultura-erakundea.
Gobernu Kontseiluak izendapena onartu ondoren, zuzendari berria ofizialki hasiko da lanean orkestran datorren maiatzean.
Roberto Ugarte
Roberto Ugarte musikaria da gitarra espezialitatean. Bere bizitzan zehar piano interprete, gitarra jotzaile, laguntzaile, abeslari bezala lan egin du Errenazimentuko eta Barrokoko hainbat musika taldetan, irakasle eta koru zuzendari bezala. Azken hogei urteetan, musika-erakunde handien kudeaketan eta zuzendaritza artistikoan egin izan du lan.
Bere hastapenak Gasteizko "Jesús Guridi" Kontserbatorioan izan ziren, piano eta gitarra ikasketak egiten. 1995ean, Gasteizko "Luis Aramburu" Udal Musika Eskola sortu berriko zuzendari izendatu zuten. Bertan, ikasleak, irakasleak eta emandako espezialitateak modu esponentzialean ugaritu ziren, eta musika eskola hura Euskal Autonomia Erkidegoan erreferente bihurtu zen. Euskal Herriko Musika Eskolen Elkarteko Zuzendaritza Batzordeko kide izan zen 1998tik 2001era. Kanaria Handiko Orkestra Filarmonikoko Koordinatzaile Artistikoa izan zen (2001); Madrilgo Orkestra eta Abesbatza Fundazioko gerente izendatu zuten (2009); Orkestra Sinfonikoen Espainiako Elkarteko (AEOS) Zuzendaritza Batzordeko kide izandakoa eta idazkari, bokal eta lehendakariorde karguak bete ditu (2015-2018).
2020ko otsailean, 2023ra arte, Scherzo Fundazioko zuzendari artistiko eta gerente izendatu zuten, eta Scherzo Fundazioko Interprete Handien Ziklo entzutetsuaren antolaketaren arduraduna izan zen. Ziklo horrek nazioarteko piano-jotzaile garrantzitsuenak biltzen ditu Madrilgo Musika Auditorio Nazionalean. 2020tik Granada Hiria Orkestrako Gerente karguan egon da orain arte.
Administrazio Kontseiluak erabaki du Gobernu Kontseiluari aurkeztea Euskadiko Orkestraren zuzendaritza nagusirako hautagaitza.
Aro berria
Kargu berrikuntza hau norabide-aldaketako prozesu baten parte da; ziklo baten amaieran eta musika-etapa berri baten hasieran kokatzen da, Euskadiko Orkestrak hazten eta bere ibilbide profesionala zabaltzen jarrai dezan.
Kontzertuak eta Sarrerak Urria
