Txalo eta “bravo” zaparrada Madrilen
Euskadiko Orkestra Sinfonikoak kontzertu zirraragarria eskaini zuen ostiralean, maiatzak 18, Madrilgo Auditorio Nazionalean, Unibertsitate Autonomoaren Egile eta Interprete Handien 45. Zikloari amaiera emateko.
Lehenik Joaquin Achucarro izan genuen, Beethovenen Pianorako 4. kontzertuarekin. Beste behin nabarmen gelditu zen bere beteranotasun eta interpretazio handia, baita ikusleek dioten estimua ere. Ezin izan zuen eszenatokitik alde egin Brahmsen Intermezzo bat oparitu gabe.
Achucarrok lekukoa Orkestrari pasa zion ondoren, zeinak, bakarrik jadanik, Txaikovskiren 4. Sinfonian bere onena eskaini zuen. Zuzendari titularra izandako Gilbert Vargaren zuzendaritzapean, Orkestra trinko eta sutsu aritu zen uneoro.
Beste txalo eta “bravo” zaparrada batek, Guridiren Hamar Euskal Melodien “Amorosa” xamurrari bide eman zion. Emozioen gaua izan zen, elkarretaratzeena, berrelkarketena eta ospakizun partekatuena, baita ere Robert Treviñorekin, RTVEren Orkestra lehen aldiz zuzentzetik zetorrena.
Informazio gehiago
Madril: XLV Ciclo de Grandes Autores e Intérpretes de la MúsicaZure interesekoa izan daitekeelakoan...
Kontzertuak eta Sarrerak Apirila
