11. Matinéea: Bach Camerata Miramon

Bachen ekoizpen kontzertante eta instrumentala, Köthenen egon zen bitartean (1717tik 1723ra), oso hizkuntza berritzaile eta abstraktua lantzeagatik nabarmendu zen. Bachen ustez, musika konposatzeak teknika harmonikoak eta kontrapuntistikoak ikertzea esan nahi zuen, horiek ahalik eta gehien zukutzea. Eta Köthen, non Anhalt-Kötheneko Leopoldo printzearen gortean kapera-maisu izan zen, horretarako toki egokia izan zen. Izan ere, printzeak musikarekiko zuen gogoberotasunaz gain, Bachek musikari gisa zuen funtzioa ez zen inoiz erlijio-errepertoriora mugatu bertan izan zen bitartean.

Christian Ludwigek, Brandenburgeko Margraveak, Bachen jotzeko moduarekin eta bere konposizioekin liluratuta, gorteko bere musika-taldearentzat pieza batzuk idazteko eskatu zion. 1721ean, Bachek kontzertu-bilduma bat eskaini eta dedikatu zion Ludwigi, martxoaren 24an, eta une hori gertatu zenetik 300 urte beteko dira egun gutxi barru. Margravea hil ondoren aurkitu zituzten kontzertuok partituraz betetako kutxa batean.

Matinée honetan, sei Brandenburgeko kontzertu hauetako hiru entzun ahal izango dira: hirugarrena, sol maiorrean, harizko instrumentuek (biolin-, biola- eta biolontxelo-trio banak) eta baxu jarraituak, kontzertu guztietan agertzen denak, osatzen dute; laugarrenak, hau ere sol maiorrean, hiru instrumentu solista, bi moko-txirula eta biolin bat ditu; eta bosgarrenak, re maiorrean, protagonismoa zeharkako flautari, biolinari eta klabezinari ematen die.

4. Kontzertua:

• Ricardo Ruiz, biolin nagusia.
• Hélène Billard-Alirol, 1. flauta.
• Oihana Kontxeso, 2. flauta.

5. Kontzertua:

• Mikel Ibáñez, biolin nagusia.
• Hélène Billard-Alirol, zeharkako flauta.
• Loreto Aramendi, klabezina.

3. Kontzertua:

• Ricardo Ruiz, biolin nagusia.