14. Matinéea: Arima Boskotea

22/23 Denboraldiko azken-hirugarren Miramongo Matinéean Arima Boskoteak Beethoven eta Dvoraken bi bioladun kintetoak eskainiko ditu, horietako lehena XIX. mende hasieran konposatutakoa eta bigarrena mende beraren amaieran.

Alde batetik, Ludwig Van Beethovenek Hari-kintetoa do maiorrean Op.29 lana, Matinée honetan entzungo dena, 1801ean idatzi zuen eta Moritz von Fries Kondeari eskaini zion. Mezenas honi obra gehiago ere dedikatu zizkion konpositore alemaniarrak: urte horretan bertan biolinerako bi sonata eta, geroago, bere Zazpigarren Sinfonia ospetsua ere bai. Kinteto honek Franz Schubert inspiratuko zuen tonalitate bereko kinteto propioa konposatzeko, nahiz eta Schubertek bi biolontxeloren alde egitea erabaki zuen, bi biolaren ordez.

Bestalde, Antonin Dvorak txekoslovakiarrak, 1892an 30 urte zituela Estatu Batuetara bizitzera joan zenak, kontzertu honetan interpretatuko den 3. Hari-kintetoa Op.97 1893ko udan idatzi zuen, Iowan zegoela. Kinteto hau idatzi eta berehala, Dvorakek bere Kuarteto Amerikarra argitaratu zuen. Bi ganbera-pieza horiek konpositoreak bere jatorrizko herrialdeko musika herrikoia eta inspirazio amerikarra arrakastaz uztartzen jakin izan zuela erakusten dute modu ezin hobean.