Kaabestri taldea Miramongo Matinéen itxieran

Eszenatokian hogeita lau musikari bilduz, gehienak Euskadiko Orkestra Sinfonikoko kideak, Kaabestrik "Battalia" aurkezten du, izenburu berdina duen Franz von Biber-en obra oinarri harturik. Partitura hau erreferentzia gisa harturik, XVII. eta XVIII. mendeetan murgilduko den kontzertua eraiki dute. Battallia orijinaltasun handiko musika-lana da, kontzeptu dramatiko baten alde lan egiten duten efektu ugari biltzen dituena. 1673. urtean idatzia, ondoren sarritan erabiliko diren errekurtsoen aurrekaria da, horien artean tonalitate politonalitatea eta "col legno" delakoa (harien kontra arkuaren zura kolpatzea). Obra musikazko eszenataz baliatzen dira maiaera dramatikodun gatazka bat islatzeko.

Testuinguru honetan, larunbatean garai bereko konpositore ezberdinak izango ditu lagun Biber-ek: Jan Dismas Zelenka, Barroko berantiarreko konpositoreengandik hurbil, egun oso estimatua da gai, kromatismo zein erabilitako progresioen orijinaltasungatik, guzti honek Bachengana gerturatzen duelarik; Johann Sebastian Bach bera eta honek idatzitako Brandenburgoko Kontzertuetatik hirugarrena, guztien artean ezagunena, ziur aski; eta Georg Philipp Telemannen Ouverture-Suite "Burlesque de Quixote", berau izan zen aitonen seme argiaren istorioa pentagrara eraman zuten lehenbiziko konpositoreetako bat, kasu honetan ganbera-orkestrarako pieza pipertsu, argitsu eta alaia sortuz.

Ekainaren 2 larunbatean Miramongo Matinéeak zikloaren azken emanaldia izango da Euskadiko Orkestraren egoitzan. Denboraldi poliedrikoa izan da aurtengoa; eskaintza, anitza benetan: ganbera musika, abesbatzarako musika, jazza, Euskadiko Orkestraren entsegu bat, nazioarte mailako ospedun bakarlariak... garai guztietako partiturak interpretatu dituztelarik. Amaiera gisa, Kaabestri taldea berriz ere arituko da gurean joandako denboraldian John Coriglianoren "Biolin gorria"rekin lortutako arrakstaren ondoren.

Kontzertua goizeko 11etan hasiko da eta sarrerak www.kutxasarrerak.net eta Telekutxa (943 00 12 00) bidez eros daitezke, eta kontzertu egunean baita Orkestraren egoitzan ere, 10.30etatik aurrera. Halaber, gogorarazten dizuegu doako autobus zerbitzua dagoela egoitzara etortzeko, 10.25etan Gipuzkoa Plaza, 4tik atera eta Antso Jakituna, 18an eta Madrilgo Hiribidea, 34ean geldialdiak egiten dituelarik.