Biolinda, biola ederrenak irekiko du Euskadiko Orkestraren Musika Familian zikloaren denboraldia

Bihar abenduaren 3a da Euskadiko Orkestraren Musika Familian zikloaren denboraldi berria abian jartzeko aukeratutako eguna. "Biola ez dago bakarrik" izenburu harturik, Orkestrako biola taldeak Biolinda, SOL-eko haria galdu duen italiar biola umoretsua lagunduko du biolaren mundua haurrei hurbiltzea helburu duen kontzertuan. Piazzolla, Bartók, iradier eta abarren musikak lagundurik bere senide biolina bezain ezaguna ez den eta bere tokia aldarrikatzen duen instrumentu honi buruz gehiago ezagutzeko aukera izango da. Gidoia Mikel Cañadak idatzi du eta Belén Otxotorena da ikuskizunaren zuzendaria. Bost urtetik gorako haurrentzako pentsatutako emanaldi honen aurretik Sentsibilizazio Tailer bat izango da.

Kursaal Fundazioarekin lankidetzan antolatutako kontzertu honetarako sarrerak Kutxaren webgunean (www.kutxa.net), erakunde honen kutxazainetako "Internet" kioskoetan, Telekutxa (943 12 00) eta Kursaaleko leihatilan daude salgai.

Denboraldi osoa, aurrekoetan bezala Donostia eta Gasteizen izango dena, 2012ko urtarrilaren bukaera aldera aurkeztuko da. Biharkoaren ondoren, Donostian hurrengo kontzertua 2012ko otsailan izango da.