Osteguna 24 Azaroa, 2011

Erosi Euskadiko Orkestraren musika Kultura Bonua erabiliz

25 eurorekin 40 euroko balioa duen KULTURA BONUA eros ahal izango da, Euskadiko Orkestraren kontzertuetarako sarrerak erosteko erabilgarri.

Euskadiko Orkestra Eusko Jaurlaritzaren Kultura Sailak abian jarritako KULTURA BONUA programari atxiki zaio aurtengoan ere.

25 eurorekin 40 euroko balioa duen KULTURA BONUA eros daiteke, Euskadiko Orkestraren kontzertuetarako sarrerak erosteko erabilgarri. Bonu hau abenduaren 12tik 2012ko urtarrilaren 5a bitartean (edo hornidura agortu arte) eskuratu ahal izango da, Bizkaian BBKren orotarako kutxazainetan, Gipuzkoan KUTXAren webgunean (www.kutxa.net) eta erakunde honen bulegoetako "Internet Kioskoetan", halaber, eta Araban VITAL KUTXAren webgunean (www.cajavital.es).

Sarrerak KULTURA BONUA erabiliz abenduaren 12tik 2012ko urtarrilaren 20a bitartean eros ahal izango dira. Sarrerak zein jarduerarako diren eta berau zein aretotan izango den kontutan izanik, sarrerak honako salmenta-guneetan eros ahal izango dira:

     -Abonu-Denboraldia: Donostiako Kursaal Auditorioko, Bilboko Euskalduna Jauregiko, Gasteizko Principal Antzokiko eta Iruñeako Baluarte Auditoriko leihatiletan.
    - Musika Familian Donostian (abenduaren 20tik aurrera salgai):
        - Kursaalean izango diren kontzertuetarako: Kursaal elkarguneko leihatilan.
        - Orkestraren Miramongo Egoitzan izango diren kontzertuetarako: Egoitzako leihatilan.
    - Miramongo Matinéeak: Orkestraren Miramongo Egoitzako leihatilan.
     - KlasikAT: Donostiako Victoria Eugenia Antzokiko, Bilboko Arriaga Antzokiko, Gasteizko Principal Antzokiko eta Iruñeako Baluarte Auditorioko leihatiletan.