Igandea 08 Martxoa, 2020

Istanbul: Euskadiko Orkestraren nazioarteko bigarren norakoa 2020an

Istanbul: Euskadiko Orkestraren nazioarteko bigarren norakoa 2020an

Joan den urtarrilaren 25ean, Euskadiko Orkestra Sinfonikoa Pariseko Thêatre des Champs-Élysées antzokian estreinatu zen, eta astelehen honetan Istanbulen izango da, 2020ko nazioarteko bigarren estreinaldia izango den honetan. Hitzordua astelehenean izango da, martxoak 9, Istanbulgo Cemal Resit Rey (CRR) Kontzertu Aretoan.

Euskadiko Orkestra Sinfonikoak bere bidea jarraitzen du nazioarteko zirkuituari berriz ekiteko. Lehenik, kultur enbaxadore izateko duen bokazio argiagatik eta, bigarrenik, bere musika kalitateagatik. Horrek Europako agertokietara itzultzea ahalbidetzen dio, duela urtebeteko Austria eta Alemaniara kasu eta, aldi berean, beste berri batzuen ateak irekitzea: joan den urtarrileko Parisko antzoki mitikoa, batetik, eta Europa eta Asiaren arteko mugan dagoen Bosforo ertzeko musika gune hau, bestetik. Istanbul kultur jarduera handiko hiria da, programazio entzutetsua duena, eta mundu osoko talde garrantzitsuak bertaratzen dira.

Programazioan 'Bask Ulusal Orkestrasi' bezala iragarrita, bere azken irteeretan egin duen bezala aurkeztuko du bere burua Orkestrak hiri turkiarrean: konpositore unibertsalen obra handi batekin, bere sendotasuna adierazteko helburuarekin, baita bere forma ona eta prestakuntza nabarmena erakusteko ere. Hala egin zuen Parisen Gustav Mahlerren Lurraren kantarekin, eta hala egingo du Istanbulen martxoaren 9an, astelehena, Anton Brucknerren Bederatzigarren sinfoniarekin. Obra hau konpositore austriarraren maisulantzat hartzen da. Robert Treviñok Istanbulgo kontzertua iragartzean aipatu zuen bezala, "Euskadiko Orkestrak bere gaitasun eta interpretazio maila handiagatik egin behar du ezagun, eta exijentzia honetako obrekin egin dezakegu".

Istanbulek eskatutako datak eragozten du Robert Treviñok kontzertu hori zuzendu ahal izatea eta, halakorik ezean, Hans Graf izango da batuta hartuko duena. Austriarra Euskadiko Orkestrako zuzendari titularra izan zen 90eko hamarkadaren erdialdean, eta behin baino gehiagotan itzuli da orkestrara, zuzendari gonbidatu gisa. Mundu osoan ezaguna den zuzendaria da, eta oso bruckneriarra; beraz, Treviñoren konfiantza osoa du Istanbulgo estreinaldi honetan lekukoa pasatzeko. Brucknerren aurretik Max Bruchen Biolinerako 1. Kontzertua defendatuko du Alena Baeva bakarlari gonbidatuak. Gaztea izan arren, Baeva nazioarteko ibilbide garrantzitsua egiten ari da eta artista eta musika-talde handiekin partekatu du agertokia. Alena Baeva Istanbulgo CRR aretoan aritu da dagoeneko, nahiz eta Euskadiko Orkestrarekin aritzen den lehen aldia den.

 

 

Sala Cemal Resit Rey (CRR):

 

Cemal Resit Rey Kontzertu Aretoa herrialdeko kontzertu-areto nagusietako bat da, eta musika klasikorako diseinatutako lehena. Cemal Resit Rey musikagile turkiarraren izena darama, hau ere orkestra zuzendaria eta Istanbulgo Orkestra Sinfonikoaren sortzailea. 1989ko martxoan inauguratu zuten. 30 urte hauetan, mundu osoko konpainiak hartu ditu, hiriko programazio klasikoa, jazz-programazioa eta dantza-programazioa ere bai, eta CRR Symphony Orchestra, CRR Turkish Music Ensemble eta CRR Jazz Orchestra taldeen emanaldiak izan ditu. Aurten, besteak beste, English Chamber Orchestra, Kremerata Baltica, The Tallis Scholars, Les Musicien du Louvre, Maxim Vengerov eta Bamberg Symphony Orchestra izan dira edo izango dira bertan.

 

Istanbul, CRR, martxoak 9,

20:00 Kontzertuaren aurkezpena
20:30 Kontzertua

Alena Baeva, biolina
Euskadiko Orkestra Sinfonikoa
Hans Graf, zuzendaria

Max Bruch: Biolinerako 1. Kontzertua [24’]
Anton Bruckner: 9. Sinfonia [63’]

Hurrengo ekitaldiak

Kontzertuak eta Sarrerak Martxoa

1 Ig
2 Al
3 Ar
4 Az
5 Og
6 Or
7 Lr
8 Ig
9 Al
10 Ar
11 Az
12 Og
13 Or
14 Lr
15 Ig
16 Al
16 martxoa, 2020 Astelehena, 20:00 h.
Abonu Denboraldia Fantastique Pinchas Steinberg Pamplona/Iruña
Fantastique
17 Ar
17 martxoa, 2020 Asteartea, 20:00 h.
Abonu Denboraldia Fantastique Pinchas Steinberg Donostia / San Sebastián
Fantastique
18 Az
18 martxoa, 2020 Asteazkena, 20:00 h.
Abonu Denboraldia Fantastique Pinchas Steinberg Vitoria/Gasteiz
Fantastique
19 Og
20 Or
20 martxoa, 2020 Ostirala, 20:00 h.
Abonu Denboraldia Fantastique Pinchas Steinberg Donostia / San Sebastián
Fantastique
21 Lr
21 martxoa, 2020 Larunbata, 11:00 h.
Miramongo Matinéeak 11. Matinéea: Belharra Donostia / San Sebastián
11. Matinéea: Belharra
21 martxoa, 2020 Larunbata, 20:00 h.
Abonu Denboraldia Fantastique Pinchas Steinberg Bilbao/Bilbo
Fantastique
22 Ig
23 Al
24 Ar
25 Az
26 Og
27 Or
28 Lr
28 martxoa, 2020 Larunbata, 20:00 h.
Abonu Denboraldia Sheherazade Mei-Ann Chen Bilbao/Bilbo
Sheherazade
29 Ig
30 Al
30 martxoa, 2020 Astelehena, 20:00 h.
Abonu Denboraldia Sheherazade Mei-Ann Chen Donostia / San Sebastián
Sheherazade
31 Ar
31 martxoa, 2020 Asteartea, 20:00 h.
Abonu Denboraldia Sheherazade Mei-Ann Chen Pamplona/Iruña
Sheherazade