Osteguna 20 Otsaila, 2020

Marian Gutiérrez Urbanetaren ‘Magma’ obraren estreinaldia, larunbat honetako Miramongo Matinéearen protagonista

 Marian Gutiérrez Urbanetaren ‘Magma’ obraren estreinaldia, larunbat honetako Miramongo Matinéearen protagonista

Luise Adolpha Le Beau eta Ludwig Van Beethovenen pianorako kuarteto banak osatuko du H.E.C. Laukoteak larunbat honetan, otsailak 22, 11:00etan, Miramongo Auditorioan eskainiko duen ganbera-kontzertu honetako errepertorioa.

Larunbat honetan, otsailak 22, 11:00etan, H.E.C. Laukoteak kontzertua eskainiko du Miramongo Matinéeen baitan, Euskadiko Orkestra Sinfonikoaren ganbera-musika zikloaren baitan, alegia. Taldea emakumeek osatzen dute oso-osorik, eta horietako hiru Euskadiko Orkestra Sinfonikoaren musikariak dira (Maialen Rezabal, biolina; Monika Mazur, biola; eta Beatriz Linares, biolontxeloa). Amaia Zipitriak osatuko du formazioa pianoan.

Marian Gutiérrez Urbaneta bizkaitarraren eskutik etorriko da Matinée honen ekarpen handia; hark, enkarguz, Magma obra sortu du berariaz kontzertu honetarako, eta irekiera gisa balioko du. Gutiérrez Urbanetak (Bilbo, 1969) musika prestakuntza zabala du Piano, Solfeo, Pedagogia musikal eta Konposizioko Goi Mailako Irakasle gisa. Irakaskuntzaren alorrean oso aktiboa izan da lurraldeko hainbat zentro garrantzitsutan, eta konpositore gisa bere obrak zenbait herrialdetan eta musika garaikideko jaialditan interpretatu izan dira. Gaur egun, konposatzen jarduteaz gain, irakaslea da Gasteizko Jesús Guridi Kontserbatorioan, eta Lengoaia musikal eta Akonpainamendu Departamentuaren buru da bertan.

Beste emakume baten beste konposizio bat, Luise Adolpha Le Beauren Pianorako kuartetoa, aukeratu dute Matinéearen itxiera bezala. XIX. mendearen erdialdetik XX. mendearen hasieran bizi izan zen Le Beau bezalako emakume batentzat ez zen erraza izan musikaren munduan leku bat hartzea, maskulinoak menperatzen baitzuen garai horretan musikaren esparrua. Paper femeninoa egongela burgesera bideratua egon zen denbora luzez, beti pianoan, eta akaso, kasuren batean, denbora-pasarako piezaren bat konposatzeko aukerarekin. Konbentzionalismo horiekin hautsi zuen Le Beauk, bere musika-prestakuntza bikainari eta konpositore gisa izan zuen talentuari esker. Bere musika ederra eta sakona da, beti erromantikoa baina ausardia formal handikoa.

Matinée honetan H.E.C. Laukoteak eskainiko duen beste obra Ludwig Van Beethovenen 2. Pianoarentzako kuartetoa da, bere pianorako beste bi kuartetoekin batera idatzia (1. eta 3.arekin), konpositoreak 15 urte baino ez zituenean, hil eta urtebetera arte argitaratu ez ziren arren, 1828an. Hain pieza goiztiarrak dira, ezen jatorrizko partituretan klaberako eta baxurako idatzita baitaude. Garai hartan, konfigurazio hori ez zen batere ohikoa, are gehiago, Mozarten bi kuarteto baino ez ziren existitzen formazio bererako.

Sarrera solteak (7€) salgai daude euskadikoorkestra.eus webgunean eta Kursaal Auditoriumeko leihatilan. Gainera, leku librerik geratuko balitz, Orkestraren egoitzako leihatilan bertan eros ahal izango lirateke kontzertuaren egunean.

Miramongo Matinéetara eroso joateko, Euskadiko Orkestrak doako autobus-zerbitzua eskainiko dio bertaratu nahi duen orori. 10:25ean abiatzen da autobusa Gipuzkoa Plaza 4tik eta geldialdiak egiten ditu Antso Jakituna 18an eta Madril Hiribidea 34an.

Miramongo Matinéeek Kutxa Fundazioaren babesa dute sortu zirenetik.

 

 

Egitaraua:

 

Gutiérrez Urbaneta, Magma, biolin, biola, biolontxelo eta pianorako [10’]
Beethoven, 2. Pianorako kuartetoa [21’]
Le Beau, Pianorako kuartetoa [24’]

Hurrengo ekitaldiak

Kontzertuak eta Sarrerak Urria

1 Az
2 Og
3 Or
4 Lr
5 Ig
6 Al
7 Ar
8 Az
9 Og
10 Or
10 urria, 2025 Ostirala, 19:30 h.
Beste jarduera batzuk Donostiako Orfeoiko Bazkide eta Adiskideen Kontzertua José Antonio Sainz Alfaro Donostia
Donostiako Orfeoiko Bazkide eta Adiskideen Kontzertua
11 Lr
11 urria, 2025 Larunbata, 11:00 h.
Miramongo Matinéeak 1. Matinéea: Kaabestri Donostia / San Sebastián
1. Matinéea: Kaabestri
12 Ig
13 Al
14 Ar
15 Az
16 Og
17 Or
18 Lr
18 urria, 2025 Larunbata, 11:00 h.
Miramongo Matinéeak 2. Matinéea: Haizea Donostia / San Sebastián
2. Matinéea: Haizea
19 Ig
20 Al
21 Ar
22 Az
23 Og
23 urria, 2025 Osteguna, 09:45 h.
Musika Gela Eskola Kontzertuak: Musika tantak Donostia / San Sebastián
Eskola Kontzertuak: Musika tantak
24 Or
25 Lr
25 urria, 2025 Larunbata, 12:00 h.
Musika Gela Musika tantak Donostia / San Sebastián Sarrerak erosi
Musika tantak
25 urria, 2025 Larunbata, 19:00 h.
Beste jarduera batzuk ABAO Bilbao Opera: La forza del destino Lorenzo Passerini Bilbao/Bilbo Sarrerak erosi
ABAO Bilbao Opera: La forza del destino
26 Ig
27 Al
28 Ar
28 urria, 2025 Asteartea, 19:30 h.
Beste jarduera batzuk ABAO Bilbao Opera: La forza del destino Lorenzo Passerini Bilbao/Bilbo Sarrerak erosi
ABAO Bilbao Opera: La forza del destino
29 Az
30 Og
30 urria, 2025 Osteguna, 11:15 h.
Musika Gela Eskola Kontzertuak: Musika tantak Donostia / San Sebastián
Eskola Kontzertuak: Musika tantak
31 Or
31 urria, 2025 Ostirala, 19:30 h.
Beste jarduera batzuk ABAO Bilbao Opera: La forza del destino Lorenzo Passerini Bilbao/Bilbo Sarrerak erosi
ABAO Bilbao Opera: La forza del destino