Euskadiko Orkestrak 26/27 Denboraldia aurkeztu du

Denboraldi Sinfonikoa hainbat proiektu berezik osatzen dute, hala nola Aita Donostiaren ‘La vie profonde de Saint François D’Assise’ obraren berreskurapenak, Bach inspirazio-iturri gisa aurkezteak, Amerika herri-tradizioaren eta energia erritmikoaren ispilu gisa, eta Mahlerren soinu-arkitektura erraldoiak. 

Programazio sinfoniko hau gauzatzeko, orkestrak nazioarteko proiekzio handiko 9 zuzendari, 6 instrumentu-bakarlari eta 3 ahots-bakarlari hartuko ditu, bai eta lurraldeko 4 abesbatza garrantzitsu ere.

Euskal izaerak presentzia nabarmena izango du konposizioaren alorrean, Aita Donostia, Sanjuan, Ozaita, Sorozabal eta Guridiren eskutik. Azken horren ‘Diez melodías vascas’ obrak lehen Euskal Jaurlaritzaren 90. urteurrena ekarriko du gogora. Interpretazioaren esparruan ere ordezkaritza handia izango du, Jone Martinez eta Luken Munguiraren ahotsekin, eta Donostiako Orfeoia, Easo Abesbatza, Easo Gazte eta Bilboko Koral Elkartearen parte-hartzearekin.

Orkestrak Jose Maria Sanmartin Gasteizko konpositorearen lehen grabazio sinfonikoa egingo du, haren heriotzaren 50. urteurrenean, eta Pascual Aldave nafar konpositorearen obra nagusia den ‘Akelarre’ diskoa argitaratuko du.

Euskadiko Orkestrak lehen aldiz parte hartuko du Granadako Nazioarteko Musika eta Dantza Jaialdian, 2027ko ekainean.

132 ahots behar dira ‘Abestu Euskadiko Orkestrarekin’ ekimenaren hirugarren ediziorako

Bi edizio arrakastatsuren ondoren, abeslari ez-profesionalek Euskadiko Orkestrarekin abesteko aukera ematen duen proiektu parte-hartzailea bueltan dator. Hiru eszenatoki handitan abestuko du herritarren abesbatzak: Euskalduna, Kursaal eta Baluarte.

Izen-ematea zabalik dago ekainaren 10etik 23ra eta zozketa bidez aukeratutako ahotsak ekainaren 25ean iragarriko dira. Kontzertuak azaro amaieran izango dira eta aurreko bi hilabeteetan 10 entsegu kolektibo egingo dira.

‘Musikazaleak’ ekimeneko kideek ikasturtea amaituko dute kontzertu inklusibo, integratzaile eta hunkigarriekin

Adimen-desgaitasuna, garuneko paralisia eta autismoaren espektroko nahasmenduak dituzten helduak izan dira gaur eguerdian Miramongo Euskadiko Orkestraren egoitzan egin den kontzertuaren protagonistak. Hilero musika-tailerretan ikastaro oso bat egin ondoren, egindako lana erakutsi diete gaur lankideei eta familiei.

Bihar Bilboko ‘Musikazaleak’ ekimeneko kideen txanda izango da, Juan Crisostomo de Arriaga Kontserbatorioan, eta ostegunean talde arabarrak ere kontzertu propioa eskainiko du Gasteizko Federico Garcia Lorca Antzokian.

Schuberten ‘Amuarraina’ kinteto ezagunarekin amaituko da larunbat honetan Miramongo Matinéeen 25/26 Denboraldia

Miramon Ensemblek Euskadiko Orkestraren ganbera-musika zikloa itxiko du errepertorioko obra entzutetsuenetako batekin larunbat honetan, ekainak 6, 11:00etan, Miramonen. Sarrerak salgai daude 11 eurotan.

Boris Giltburg pianojole saritua izango da protagonista Euskadiko Orkestraren Denboraldiko azken programa sinfonikoan

Moskutarrak Prokofieven ‘Pianorako 3. Kontzertua’-ri egingo dio aurre Michal Nesterowiczek zuzenduko dituen eta Txaikovskiren ‘Bosgarren’ ezin ezagunagoarekin itxiko diren hitzorduetan.

Kontzertuak ekainaren 5etik 9ra izango dira Iruña, Bilbo eta Donostian. Sarrerak salgai daude 10 eurotik aurrera.

Miramongo Matinéeek Argentinara bidaiatuko dute larunbat honetan Piazzollaren tangoaren erritmora

Tango Berria boskoteak Astor Piazzollaren hamar obra barne hartuko dituen kontzertu monografikoa eskainiko du larunbat honetan, maiatzak 23, 11:00etan, Miramonen. Sarrerak bukatu egin dira.