Osteguna 02 Otsaila, 2012

Euskadiko Orkestrak Musika Gelaren denboraldi berria aurkeztu du

Guztira 30tik gora musikazko topaketa izango dira, joan zen denboraldian 7.500 haur baino gehiago bildu zituen emimenaren baitan.

Orkestraren egoitzan aurkeztu berri da komunikabideen aurrean Orkestraren Musika Gelaren denboraldi berria. Prentsaurrekoan aritu dira Orkestrako zuzendari nagusia, Iñigo Alberdi; Orkestrako Hezkuntza Departamentuaren koordinatzailea, Mikel Cañada; Donostiako Udaleko Berdintasuneko, Migrazioko, eta Gazteriako zinegotzi ordezkaria, Naiara Sampedro; Kursaal Fundazioaren zuzendari artistikoa, José Antonio Echenique; El Diario Vasco-ren ordezkaria, Santiago Ipiñazar eta Txema Vitoria, Txirri, Mirri eta Txiribiton-en kidea.

Euskadiko Orkestrak Musika Gela izenpean biltzen ditu bertako Hezkuntza Departamentuak diseinatutako jarduera guztiak: Musika Familian, Gasteizen eta Donostian denboraldi orotan kontzertuak eskainiz, eta Eskola-haurrentzako Jarduerak, hezkuntzaren arlora bideratutako ekimenak aurrera eramanez, horien artean Eskola-haurrentzako Kontzertuak, Bisitak Orkestraren Egoitzara, Tailerrak Ikastetxeetan eta Entsegu Irekiak. Gainera Sinfokids-en bigarren denboraldian ari gara lanean.

Denboraldi honetan guztira 30etik gora dira Euskadiko Orkestra Sinfonikoarekin elkar hartuta izango diren musika-ekitaldiak. Aipagarria da joan zen denboraldian gure jarduerek 7.500 haur baino gehiago bildu zituztela. Eta bere hogeita hamar urtetako ibilbidean Euskadiko Orkestra Sinfonikoaren jarduera pedagogikoak 146.000 pertsona baino gehiago bildu ditu.

Musika Familian zikloaren baitan larunbatean, hilak 4, Donostiako Kursaaleko ganbera aretoan eta igandean Gasteizko principal Antzokian Euskadiko Orkestra Sinfonikoko ganbera talde batek eta Per Poc txotxongilo konpainiak "Soldadu baten istorioa" ikuskizuna eskainiko dute. Per Poc konpainiako Santi Arnalek sortu eta zuzendutako txotxongilo eta itzalek eta Eta Orkestrako musikariek Stravinskyren obraren moldaketa aurkeztuko digute. Kontzertu hauen aurretik Sentsibilizazio Tailerra izango dute aurretik. Ikuskizunen aurreko jarduera hau entzute aktiboa indartzera bideraturik dago. Musika Familian Gasteizko Udalarekin eta Kursaal Fundazioarekin koprodukzioan burutuko da aurtengoan ere.

Donostiako kontzerturako sarrerak Kursaaleko Leihatilan, Telekutxa bidez (943.00.12.00) eta www.kutxasarrerak.net webgunean eros daitezke. Gasteizko kontzerturako sarrerak, berriz, Principal Antzokiko Leihatilan, telefonoz (945.16.10.45) edo www.vitoria-gasteiz.org eta http://entradas.cajavital.es webguneetan eros daitezke.