Astelehena 14 Urria, 2019

Robert Treviñok Ondine diskoetxearekin hainbat urtetarako hitzarmena sinatu du

Robert Treviñok Ondine diskoetxearekin hainbat urtetarako hitzarmena sinatu du

Bere zuzendaritzapeko bi orkestrekin grabatuko du: Malmö Symphoniorkesterrarekin Beethovenen sinfonia-ziklo batekin hasiko da, eta euskal orkestrarekin estatubatuar konpositore batzuen ezezagun samarrak diren obra batzuk grabatuko ditu.

Robert Treviñok, gaur egun eskaera gehien jasotzen ari diren zuzendari gazte estatubatuarretako batek, Ondinerekin asmo handiko eta epe luzeko grabazio-akordio bat sinatu berri du. Treviño Euskadiko Orkestra Sinfonikoaren eta Malmöko Orkestra Sinfonikoaren zuzendari titularra da, eta bi orkestra horiekin egingo ditu akordio horren baitan gauzatuko diren lehen grabazioak: Beethovenen sinfonien ziklo oso bat, Malmön aurten egingo den Beethoven Festibaletik eratorritakoa, eta, euskal orkestrarekin, Howard Hansonen ahaztutako obrak barne hartuko dituen errepertorio estatubatuarraren azterlan bat. Hitzarmenak argitalpen digitalak ere aurreikusten ditu.

Ondine, Naxos taldearen parte dena, munduko diskoetxe independente prestigiotsuenetakoa da eta sarri egin ditu grabazioak Christoph Eschenbach, Vladimir Ashkenazy, Esa-Pekka Salonen eta Hannu Lintu bezalako zuzendari garrantzitsuekin. “Ondinek soinez soin lan egiteko aukera eskaintzen duten artistak baino ez ditu hautatzen”, dio diskoetxearen zuzendari fundatzaile Reijo Kiilunen-ek, “Artista gutxi batzuk bakarrik aukeratzen ditugu, ohiko errepertorioaren interpretazio ameslari eta irudimentsuak egiteko gaitasuna dutenak, baita obra musikal ezezagunagoak publiko aurrean ezagutzera emateko gogamen abenturazalea dutenak ere. Robert Treviñok zalantzarik gabe baldintza horiek betetzen ditu, botere musikal handiko zuzendaria baita eta jakin-min handiko adimen originala baitauka. Oso pozgarria da niretzat Ondine familiara ongietorria ematea”.

Treviñok, diskozale amorratua eta grabazio-prozesuaren maitalea, aitortzen du “aspalditik zuela begirada jarria Ondinerekin kolaboratzeko helburuan. Leif Segerstamekin egindako Sibeliusen grabazioek, historia osoko nire gogokoen direnek, modu paregabean erakusten dute produkzioak eta intepretazioak bat egin dezaketela balio handiko emaitza bat eskaintzeko. Betidanik jakin izan dut tradizio horren parte izan nahi nuela. Reijo pertsonan ezagutu ostean are pozikago nago Ondine artista batean bilakatuko naizela jakiteaz. Desiratzen nago Ondinerekin eta nire orkestrekin lan bikain bat egiteko. Plazera da maila honetako kideekin lan egin ahal izatea”.

Malmöko Orkestra Sinfonikoarekin egingo duen Beethovenen sinfonia guztien grabazioa Treviñok berak hiri suediarrean denboraldi honetan zuzenduko duen Beethoven Festibaletik sortu da. Kiilunenen hitzetan, grabazio hau elkarlan honen abiapuntu naturala da. Bederatzigarren Sinfonian parte hartuko duten bakarlariak honakook dira: Kate Royal (sopranoa); Christine Rice (mezzosopranoa); Tuomas Katajala (tenorra); eta Derek Welton (baxua). Abesbatza MSO Festival Chorus izango da. Beethovenen grabazioak goraipatua izan den Malmö Live Concert Hall berrian egingo dira.

Euskadiko Orkestra Sinfonikoarekin egingo den lehen grabazioa 2020ko abuzturako dago aurreikusita. Grabazio guztien ekoizlea Ingo Petry izango da.

 

Hurrengo ekitaldiak

Kontzertuak eta Sarrerak Iraila

1 Ar
2 Az
3 Og
4 Or
5 Lr
6 Ig
7 Al
8 Ar
9 Az
10 Og
11 Or
12 Lr
13 Ig
14 Al
15 Ar
16 Az
17 Og
18 Or
19 Lr
20 Ig
21 Al
22 Ar
23 Az
24 Og
25 Or
25 iraila, 2020 Ostirala, 18:00 h.
Abonu Denboraldia Schubert Robert Treviño Vitoria/Gasteiz
Schubert
25 iraila, 2020 Ostirala, 20:30 h.
Abonu Denboraldia Schubert Robert Treviño Vitoria/Gasteiz
Schubert
26 Lr
27 Ig
28 Al
28 iraila, 2020 Astelehena, 18:00 h.
Abonu Denboraldia Schubert Robert Treviño Donostia / San Sebastián
Schubert
28 iraila, 2020 Astelehena, 20:15 h.
Abonu Denboraldia Schubert Robert Treviño Donostia / San Sebastián
Schubert
29 Ar
29 iraila, 2020 Asteartea, 18:00 h.
Abonu Denboraldia Schubert Robert Treviño Donostia / San Sebastián
Schubert
29 iraila, 2020 Asteartea, 20:15 h.
Abonu Denboraldia Schubert Robert Treviño Donostia / San Sebastián
Schubert
30 Az
30 iraila, 2020 Asteazkena, 18:00 h.
Abonu Denboraldia Schubert Robert Treviño Bilbao/Bilbo
Schubert
30 iraila, 2020 Asteazkena, 20:15 h.
Abonu Denboraldia Schubert Robert Treviño Bilbao/Bilbo
Schubert