1. Aurrezte handia sarrera solteen erosketarekiko (%40rainokoa).
2. Abonu-kontzertuen sarrera solteak tarifa oso murriztuan erosteko aukera lau hiriburuetan (gehienez bi sarrera kontzertu-programako).
3. Deskontua Miramongo Matinéen abonamenduan.
4. Lehen eskuko informazioa: hurrengo kontzertuaren abisua SMS bidez; esku-programa eta Euskor albiste-buletina posta elektronikoz.

Orkestraren programazioan aspaldidanik erabat sustraituta dagoen hezkuntza-ziklo hau herritarrei, oro har, eta gazteei, bereziki, musika gerturatzeko helburuarekin jaio zen. Bere baitan eskaintzen diren kontzertuek izaera didaktikoa, pedagogikoa eta gertukoa daukate, eta askotariko adin-taldeei zuzendutakoak dira, 2 urtetik hasi eta 18 urteraino.

Denboraldi bakoitzean, Mikel Cañadak koordinatzen duen Hezkuntza Sailetik, 40 jarduera inguru eskaintzen ditugu orkestra gizartearen eta kulturaren arlo guztietara iritsiko den heziketa-gunea bilakatzeko.