Orkestraren programazioan aspaldidanik erabat sustraituta dagoen hezkuntza-ziklo hau herritarrei, oro har, eta gazteei, bereziki, musika gerturatzeko helburuarekin jaio zen. Bere baitan eskaintzen diren kontzertuek izaera didaktikoa, pedagogikoa eta gertukoa daukate, eta askotariko adin-taldeei zuzendutakoak dira, 2 urtetik hasi eta 18 urteraino.

Denboraldi bakoitzean, Mikel Cañadak koordinatzen duen Hezkuntza Sailetik, 40 jarduera inguru eskaintzen ditugu orkestra gizartearen eta kulturaren arlo guztietara iritsiko den heziketa-gunea bilakatzeko.

Testuinguru horretan, Eusko Jaurlaritzako Kultura Sailetik bultzatu eta garatua, Euskadiko Orkestra 1982an jaio zen musika ondasun partekatu, ondare aberats gisa hartzen duen gure gizartean. Orkestra, ondorioz, ondare horren gordailuzaina da eta, halaber, aipatua hedatzeko eta garatzeko konpromisoa hartu du. Estatu-mailan erreferentzia den talde sinfonikoa da egun, bere erkidegoan sendoki errotutako taldea. Bere garaiko orkestra bat da, exigentzia-maila oso handikoa eta garai guztietako musika sinfonikoa hedatzeko konpromiso irmoa duena, baina arreta berezia eskaintzen diona euskal musikaren sorkuntza eta hedatzeari, gure mugen barruan baina baita gure herritik at ere.