Euskadiko Orkestra Senpere eta Getarian, Musika aitzaki zikloaren baitan
76. Donostiako Musika Hamabostaldiaren baitan mugarri izan diren "Tosca" operaren eszenaratzean eta "Mendi-Mendiyan" operaren kontzertu-bertsioan esku hartu ostean, Euskadiko Orkestrak Musika Aitzaki zikloaren baitan bi kontzertu eskainiz ariko da azkenekoz aurtengo Musika Hamabostaldian: abuztuaren 27an Senpereko Larre aretoan eta 28an, berriz, Getariako San Salbador elizan izango da.
Musika Aitzaki zikloaren helburua hiritik urrun dauden espazioak Hamabostaldiaren gune bilakatzea du helburu.
Kontzertu hauetan Euskadiko Orkestrak, ganbera orkestra osaturik eta Lorenz Nasturica-Herschcowici biolinista zuzendari duela, J. Haydn, W.A. Mozart eta L.V. Beethovenen obrak interpretatuko ditu.
Euskadiko Orkestrak "Aitaren etxea" telesailerako soinu banda grabatu du
Euskadiko Orkestra Sinfonikoa grabaketa berri batean murgilduta. Oraingoan ETBk irailetik aurrera emitituko duen telesail berriaren soinu banda irartu du Miramongo bere egoitzan. Jabi Elortegik ("Zorion perfektua", "Goazen!") zuzendu eta Pausoka-k ekoitzia, "Aitaren etxea" izenburudun sail hau 50. Hamarkadan kokatzen da. Partitura Fernando Velázquez konpositoreak egina da ("Lo Imposible, "Ocho apellidos vasco", "Hércules") eta berak zuzendu du Orkestra soinu banda honen grabaketan.
"Mendi-Mendiyan" obraren bertsio sinfonikoa eta Musika Aitzaki dira Euskadiko Orkestrak Musika Hamabostaldian burutuko dituen gainerako jarduerak
Mendi-Mendiyan. Abuztuaren 22an. José María Usandizaga donostiar konpositorearen jaiotzaren mendeurrena betetzen den honetan, haren operatako bat Euskadiko Orkestra Sinfonikoaren atriletan izango da beste behin. Oraingoan, Usandizagaren lanik ezagunena, Mendi-Mendiyan, alegia. Musika Hamabostaldiaren eta Donostia 2016-ren eskutik, obra honen kontzertu-bertsioa izango da entzungai Kursaal Auditorioan. Antoni Ros Marbák zuzenduta, Orkestrarekin batera ariko dira hala nola Arantza Ezenarro (Andrea), Miguel Borrallo (Joshe Mari), Olatz Saitua (Txiki), José Manuel Díaz (Juan Cruz) eta Easo Abesbatza.
Musika Aitzaki. Abuztuaren 27 eta 28an. Hiritik urrun dauden guneak Hamabostaldiko espazio bihurtzea helburu duen ziklo honetan, Euskadiko Orkestra Sinfonikoko musikari talde batek eta Lorenz-Nasturica Herschcowici biolinistak kontzertu bana eskainiko dute Senpereko Larre Aretoan (abuztuak 27) eta Getariako San Salvador elizan (abuztuak 28). Egitarauan, Haydn, Mozart eta Beethovenen lanak.
Euskadiko Orkestra Sinfonikoak "Tosca" interpretatzearekin irekiko du bere esku-hartzea aurtengo Musika Hamabostaldian
Euskadiko Orkestra Sinfonikoak Tosca opera interpretatuko du abuztuaren 13 eta 15ean, 76. Donostiako Musika Hamabostaldiaren baitan. Kursaal Auditorioko zulogunetik, Orkestrak Miguel Ángel Gómez Martínezen zuzendaritzapean interpretatuko du G. Pucciniren opera hau. Bakarlari taldearen buru Ainhoa Arteta sopranoa izango da, Floria Toscaren papera interpretatuko duelarik. Aipagarriak dira halaber Teodor Ilincai (Mario Cavaradossi), Roberto Frontali (Il Barone Scarpia), David Lagares (Cesare Angelotti), Valeriano Lanchas (Il Sagrestano) eta Francisco Vas (Spoletta). Abesbatzarako zatiak Xalba Rallok zuzentzen duen Easo Abesbatzak abestuko ditu.
Honako hau Paco Azorínek zuzendutako ekoizpenaren eszenaratzea izango da, Bartzelonako Gran Teatre del Liceu, Sevillako Teatro de la Maestranza eta Salas del Arenal aretoek elkarlanean burututakoa.
Izen-emate epe berria zabaldu da Orkestra Ikasketen Masterrerako
Irailaren 15era arte, Musikenek Euskadiko Orkestra Sinfonikoarekin lankidetzan abian jarritako Orkestra Ikasketa Masterrerako izena emateko epe berria ireki da. Izen-ematea Musikeneren webgunearen bidez egin daiteke. Master hau ezaugarri hauetako bakarra da Estatuan eta orkestra errepertorioan espezializatzeko eta oposaketak prestatzeko pentsatua dago.
Musikeneko irakasle entzutetsuekin formatzea, hari orkestra baten proiektuan parte hartzea Gordan Nikolic kontzertino-zuzendari duela eta Mariana Sirbu, Annemarie Moorcroft, Raphaël Pidoux eta Frithjof Grabnera bezalako profesionalen aholkua jasotzea dira, besteak beste, Musikenek Euskadiko Orkestra Sinfonikoarekin batera abian jarri duen Orkestra Ikasketen Masterrean parte hartzearen alde erakargarriak. Ezaugarri hauetako Master bakarra da Estatuan eta Euskadiko Orkestra Sinfonikoan praktika ordainduak dituena, Orkestra errepertorioan espezializatzeko eta oposaketak prestatzeko pentsatua, 60 ECTS ditu eta urte beten edo bi urtetan egin daiteke. Matrikularen prezioa 6.720 eurokoa bada ere, ikasle guztiek 1.400 euro jasoko dituzte orkestrako praktikengatik eta Gizarte Segurantzan alta emango zaie. Horretaz gain, AIE elkarteak bi beka emango ditu, 1.500 eurokoa bakoitza, sarrera probetan bi kalifikazio altuenentzat.
Informazio gehiago
Orkestra Ikasketen Master Ofiziala. EskupaperaEuskadiko Orkestra Sinfonikoa 76. Donostiako Musika Hamabostaldian
Euskadiko Orkestra Sinfonikoa Donostiako Musika Hamabostaldian da berriz ere. Tosca operaren eszenaratzean ariko da abuztuaren 13 eta 15ean, 22an Mendi-Mendiyan operaren kontzertu-bertsioa eskaniko du eta Musika Aitzaki zikloan ere esku hartuko du, Senpere eta Getarian kontzertu bana eskainiko duelarik, hilaren 27 eta 28an.
Tosca. Abuztuaren 13 eta 15ean. Kursaal Auditorioko zulogunetik, Euskadiko Orkestrak Miguel Ángel Gómez Martínezen zuzendaritzapean interpretatuko du G. Pucciniren opera hau. Bakarlarien artean, besteak beste, Ainhoa Arteta (Floria Tosca), Teodor Ilincai (Mario Cavaradossi), Roberto Frontali (Il Barone Scarpia), David Lagares (Cesare Angelotti), Valeriano Lanchas (Il Sagrestano) eta Francisco Vas (Spoletta) izango dira; abesbatzarako zatiak Xalba Rallok zuzentzen duen Easo Abesbatzak abestuko ditu. Honako hau Paco Azorínek zuzendutako ekoizpenaren eszenaratzea izango da, Bartzelonako Gran Teatre del Liceu, Sevillako Teatro de la Maestranza eta Salas del Arenal aretoek elkarlanean burututakoa.
Mendi-Mendiyan. Abuztuaren 22an. J.M. Usandizaga donostiar konpositorearen jaiotzaren mendeurrenena betetzen den honetan, haren operatako bat Euskadiko Orkestraren atriletan da beste behin. Oraingoan, Usandizagaren lanik ezagunena, Mendi-Mendiyan, alegia. Musika Hamabostaldiaren eta Donostia 2016-ren eskutik, obra honen kontzertu-bertsioa izango da entzungai Kursaal Auditorioan. Antoni Ros Marbák zuzenduta, Orkestrarekin batera ariko dira hala nola Arantza Ezenarro (Andrea), Miguel Borrallo (Joshe Mari), Olatz Saitua (Txiki), José Manuel Díaz (Juan Cruz) eta Easo Abesbatza.
Musika Aitzaki. Abuztuaren 27 eta 28an. Hiritik urrun dauden guneak Hamabostaldiko espazio bihurtzea helburu duen ziklo honetan, Euskadiko Orkestra Sinfonikoko musikari talde batek eta Lorenz-Nasturica Herschcowici biolinistak kontzertu bana eskainiko dute Senpereko Larre Aretoan (abuztuak 27) eta Getariako San Salvador elizan (abuztuak 28). Egitarauan, Haydn, Mozart eta Beethovenen lanak.
Euskadiko Orkestra VII Premios Fundación BBVA Fronteras del Conocimiento sarietan
Hilaren 22an Euskadiko Orkestrak Madrilgo Teatro Real antzokiko eszenatokian eman zion amaiera 14/15 denboraldiari. Bertan aritu zen VII Premios Fundación BBVA Fronteras del Conocimiento sarietan sarituak izandakoen omenezko kontzertuan. Jun Märklek zuzenduta, nabarmentzekoak dira saritutako G. Kurtágen obra baten interpretazioa eta baita Joaquín Achúcarro bakarlari aritu zela.
Ekainaren 22 astelehenean, Euskadiko Orkestrak Madrilgo Teatro Real antzokiko eszenatokian eman zion amaiera 14/15 denboraldiari. Bertan aritu zen VII Premios Fundación BBVA Fronteras del Conocimiento sarietan sarituak izandakoen omenezko kontzertuan.
Jun Märklek, bere titularrak zuzenduta, Orkestrak György Kurtágen Biola eta orkestrarako mugimendua interpretatu zuen. Izan ere konpositore hau izan da VII. sari hauetan Musika Garaikidea atalean saritua. Bakarlari lanetan, Philip Dukes biolajotzailea aritu zen.
Aipagarria izan zen halaber Joaquín Achúcarroren interpretazioa. Orkestrarekin batera Maurice Ravelen Ezker eskurako kontzertua jo zuen. Musikalan hau 2000. urtean grabatu zuen Achúcarrok Orkestrarekin batera, BBVA Fundazioaren babesarekin burututako Ravelen inguruko disko monografikoan.
Politika, gizarte zein kultur arloko pertsona ugari bildu zituen emanaldia osatuz, bigarren zatian, Euskadiko Orkestrak Hector Berliozen Sinfonia Fantastikoa interpretatu zuen.
Euskadiko Orkestra Sinfonikoa Jun Märklen zuzendaritzapean Miramongo Matinéen itxieran
Larunbatean, hilaren 20an, Euskadiko Orkestra Sinfonikoaren Miramongo egoitzak Orkestraren entsegu bat hartuko du, Miramongo Matinéen denboraldiko azkeneko emanaldian. Hector Berliozen Sinfonia Fantastikoa atriletan dutela, Orkestrak bere zuzendari titular Jun Märkl izango du podiumetik gidari. Lehenbiziko aldia da Jun Märklek Orkestra Miramongo Matinéen baitan zuzentzen duela.
Sinfonia Fantastikoa, sinfonia itzela eta berriztatzailea. entseguaren atariko, Mikel Chamizok musika kritiko eta konpositoreak Sinfonia Fantastikoaren inguruan hitz egingo du. Berliozek 1830ean aurkeztutako Sinfonia Fantastikoak, egileak berak Artista baten bizitzako pasadizoa izenburupean ezagutzera emandako musika bihurtutako eleberriak, ez zuen benetako aurrekaririk. Berliozek kontzeptu guztiz berria sartu zuen musikaren arloan eta, gainera, orkestraren tratamenduan erabat berriztatzaile eta egikera harrigarriko maisu-lan bat utzi zigun. Amodio, pasioa, maitasunaren galtzea eta opioarekin hartu-emanak biltzen dituen istorio hau ‘kontatzeko' teknika batzuk asmatu zituen, adibidez, idée fixe delakoa (behin eta berriz itzultzen den doinua), eta horietako batzuk ezin besteko bihurtu ziren Lisztek gero garatutako poema sinfonikoan eta Wagner-en operetan, leimotiv moduan.
Matinée honekin amaitzen da berean, besteak beste, Orkestrako kideek osatutako ganbera taldeak, Bilboko Koral Elkartearen zein KEA Ahots Taldearen ahotsak eta Elisabeth Leonskaja pianista hartu dituen denboraldia. Miramongo Matinéeak irailean itzuliko dira Orkestraren egoitzako eszenatokian formatu txikian kalitatezko musika eskaintzea helburuari tinko eutsiz.
Euskadiko Orkestra, Jun Märklek zuzenduta, Donostiako Orfeoia eta Olena Tokar sopranoa: "Agur Itzela"
Euskadiko Orkestra Sinfonikoak, joan den ostiralean 2015/2016 denboraldia aurkeztu berri duela, 2014/2015 Abonu Denboraldiari amaiera emateko ahots-musikaren bi obra eder interpretatuko ditu: Aita Madinaren Aita Gurea eta F. Poulencen Gloria; gainera, H. Berliozen Sinfonia Fantastikoa. Amaiera distiratsu honetan, Jun Märkl bere titularrak zuzenduko duen Orkestrarekin batera ariko dira Donostiako Orfeoia eta Olena Tokar sopranoa. Bihar ekainak 8 astelehena Iruñeako Baluarten, 9an Bilboko Euskaldunan, 10ean Gasteizko Principal Antzokian eta 11 eta 12an Donostiako Kursaalean.
"Agur itzel" baten neurrira egindako egitaraua. Aita Madinak 1947an Argentinan idatzitako Aita Gurea obra laburrak, baina emozio handikoak, abiatuko du emanaldia. Kritikak ""itzela da bere soiltasunean" esana du partitura eder honen gain. Jarraian, Francis Poulencen Gloria XX. mendeko klasiko sinfoniko-koralari utziko dio lekua. Aldi berean serioa eta jostagarria den obra honek Donostiako Orfeoiaren ahotsetan izango du itzultzaile onena, sarri askotan eta eszenatoki ugaritan interpretatu baitute. Olena Tokar ukrainiar soprano gaztea, Bartzelonako Francisco Viñas eta BBC Singer of the World Competition lehiaketetan finalista izandakoak bere gain hartuko du bakarlariaren paper eztia.
Programa osatzeko, Héctor Berliozen obra ezagunena izango da entzungai, Sinfonia Fantastikoa edo Artista baten bizitzaren pasartea -jatorrian, frantziarrak izen hori jarri zion-. Musika programatikoaren adibide goiztiar honek musikagilearen maitasunezko abenturak eta opioarekiko harremana biltzen ditu, Orkestrak franko-alemaniar tradizioako errepertorio sinfonikoan oso aditua den Jun Märkl zuzendari titularraren aginduetara burutuko duen erronka sinfoniko izugarri honetan. Gainera, Aula Jordá Gela hitzarmenaren baitan, Musikeneko ikasle talde bat istrumentista gisa ariko da sinfonia honetan.
Informazio gehiago
Esku-egitarauaEuskadiko Orkestraren 2015/2016 Denboraldia: kontzertu gehiago, presenteago, indartsuago, sendoago eta konektatuago
Euskadiko Orkestra Sinfonikoaren 2015/2016 Denboraldia aurkeztu da Orkestraren Miamongo Egoitzan. Kultura Sailburu eta Orkestraren Presidente Cristina Uriarte, Zuzendari Titular Jun Märkl eta Zuzendari Nagusi Oriol Rochek datozen hilabeteetarako jardueraren lerro nagusiak eman dituzte ezagutzera.
Kontzertu gehiago, presenteago, indartsuago, sendoago eta konektatuago izan dira Euskadiko orkestraren hiru arduradun gonerek gehien erabilitako hitzak.
Hezkuntza, Hizkuntza Politika eta Kultura Sailburu eta Orkestrako Presidente Cristina Uriartek, proiektuari bere erabateko babesa agertuz, Euskadiko Orkestra "indartsuagoa, sendoagoa eta gure Herrialdean musikaren alorrean funtsezko tresna izatea helburu harturik" dagoen erakundea dela adierazi du. "Gure herriko konpositore, abesbatza eta kultur gertakariekin estuki lotuta egoteko asmo tinkoa erakusten duen Denboraldi berriko programazioak islatzen duen bezala", gaineratu du.
Euskadiko Orkestrako zuzendari titular Jun Märklek adierazpen honi eutsi eta bi kontzeptu gehitu ditu: "taldearen ahal handia eta berau osatzen duten musikarien kalitatea lantzea, Orkestra nazioarte mailan kokatuko duten obra handiak interpretatzeko". "Hezkuntzak Orkestraren estrategia nagusi gisa duen garrantzia" azpimarratu du, horren inguruan "Anoetako Estadioan EMUSIK 2016 egitasmoan esku hartuko dugu" ere esan du Jun Märklek.
Ausartago, konplizeago, konektatuago, eta presenteago. Hauek dira Euskadiko Orkestrako zuzendari nagusi Oriol Rochek Denboraldi berria aurkezteko erabilitako adjektiboetako batzuk. Ondoren, sakonki azaldu ditu. Guztiek partekatzen dute, Uriarte eta Märklek ere bai, Euskadiko Orkestra bere euskarri den gizartearekin lotzeko asmoa, "jendeak Euskadiko Orkestra gehiago nahi duelako".
Ausartagoa Abonu Denboraldian eskainiko dituen kontzertuen kopurua handitu delako, programazioan etengabeko kontrastea bilatu izanagatik edo maila gorenekoak badira ere gure eszenatokietan aritzen ez diren artistak aurkezteagatik; bide batez, Orkestraren jarraitzaile den ikuslegoari eta, bereziki, abonatuei programazioaren diseinuan konfidantza izan dezatela eskatu die. Bebesle edo lankide diren erakundeei, komunikabideei eta publikoari eta bereziki abonatuei eskertza ere etengabekoa izan da prentsaurrekoan. Bertan eman da ezagutzera gainera Orekestrak 2015/2016 Denboraldian lagun izango duen irudia.