José Miguel Pérez Sierraren zuzendaritzapean, Euskadiko Orkestra Sinfonikoa Festival Musique en Côte Basque jaialdiaren aurtengo edizioaren irekieran ariko da irailaren 5ean. Donibane Lohitzuneko elizan izango den kontzertuan Orkestrak Miguel Ituarte G. Fauréren Pavane, M. de Fallaren Noches en los jardines de España, zeinetan Miguel Ituarte pianista izango den bakarlari, M. Ravelen Ma mère l'Oye eta N. Rimsky-Korsakoven Capriccio Español.

Orkestra jaialdi honekin lankidetzan aritzen den hirugarren aldia da honakoa. Irailaren lehenbiziko hiru asteaburuetan zehar, Musique en Côte Basque jaialdian esku hartuko dute Katia eta Marielle Labèque piano bikotea eta Orchestre National Bordeaux Aquitaine orkestra, besteak beste.

Donostia Zinemaldiaren 62. edizioak sei film luze aurkeztuko ditu aurten Euskal Herrian ekoitziriko zinemari zuzendutako Zinemira sailean. Horien artean, Orskar Tejedorrek zuzendutako "Notas en movimiento" (Notak mugimenduan) dokumentala. Malandain Ballet Biarritzek koreografia berria estreinatuko du, Versalleseko Jauregiko Operan, Euskadiko Orkestra Sinfonikoak zuzenean interpretatutako musikarekin. Dokumentalak obra berri honen prestaketa jasotzen du, ballet konpainia baten eta orkestra sinfoniko baten sorkuntzaren egunerokoaren barruko jarraipena eginez, ikusleak ezagutzen ez duen alderditik: giza-alderditik.

"Notak mugimenduan" dokumentalarekin batera Juanmi Gutiérrezen "Abriendo puertas" (Ateak zabalduz); Rafa Molés eta Pepe Andreuren "Five Days to Dance", de Rafa Molés y Pepe Andreu; Raúl de la Lafuenteren "I am Haiti"; Gorka Gamarraren "Lantanda", eta Gentzane Martínez de Osaba eta Alexander García de Vicuñaren "Señales de vida: Néstor Basterretxea" izango dira ikusgai.

Zinemira saila Donostia Zinemaldiak antolatzen du, Eusko Jaurlaritzako Kultura Sailarekin, Euskadiko Filmategiarekin, eta EPE eta IBAIArekin lankidetzan, baita Irizar enpresaren eta EITBren babesarekin ere. 

Denboraldia Musika Hamabostaldian bitan aritzearekin ireki ostean, Euskadiko Orkestra bizi bizi ariko da irailan zehar. Izan ere, hainbat jaialditan esku hartzeaz gain, hilaren bukaera aldera abiatuko dira Abonu zein Miramongo Matinéeak zikloen denboraldi berriak. Hori dela eta, Orkestrak Donibane Lohitzune, Soria, Donostiako Zinemaldian eta Abonu Denboraldiaren atarikoan eskainiko dituen emanaldi hauetan eskainiko dituen egitarauen prestaketan buru-belarri dihardu egunotan.

Irailaren 5ean, José Miguel Pérez Sierraren zuzendaritzapean eta Miguel Ituarte pianojotzailea lagun duela, Orkestra Musique en Côte Basque jaialdian ariko da beste behin. Kontzertua Donibane Lohitzuneko elizan izango da; atriletan, G. Fauré, M. de Falla, M. Ravel eta N. Rimsky-Korsakovek sinatutao partiturak. Hilaren 20an, Donostiako 62. Zinemaldiaren programazioaren baitan, espainiar konpositoreek zinemarako sortutako musika bilduko duen kontzertua izango da Orkestraren Miramongo egoitzan, aurreko urteetan bezala oraingoan ere SGAE Fundazioarekin lankidetzan. Hurrengo konpromezua, berriz, Sorian, Otoño Musical Soriano jaildian; han ariko da Orkestra irailaren 25ean, Rumon Gamba zuzednari duela eta María Bayo sopranoa bakarlari, J. Guridiren Seis canciones castellanas interpretatuko dituelarik.

Eta irailaren 26an Euskadiko Okestrak bere 32. Abonu Denboraldia irekiko du Bilboko Euskalduna Jauregian. 29an Iruñeako Baluarten eta 30ean Gasteizko Principal Antzokian izango den lehenbiziko programa hau Rumon Gamba maisuak zuzenduko du eta María Bayo izango da bakarlari; Leioako Kantika Korala abesbatza ere lankide izango du Orkestrak.

Eta azkenik, iraileko agenda osotuz, Miramongo Matinéeak, Orkestraren ganbera zikloaren denboraldi berria hilaren 27 larunbatean abiatuko da: Bilboko Koral Elkartearen eskutik, G. Fauréren Requiema izango da entzungai.

Donostiako Musika Hamabostaldiaren baitan, abuztuaren 22 ostiralean, Euskadiko Orkestrak kontzertu sinfoniko bat eskainiko du bere musika aholkulari Jun Märkl maisuaren gidaritzapean. Egitarauan, José María Usandizagaren "Las Golondrinas" drama lirikoko "Pantomima", Robert Schumannen 3. Sinfonia, "Renaniarra" deritzona; eta, bigarren zatian, Ludwig Van Beethovenen "Egmont" obra. Kursaaleko eszenatokian, Orkestrak Raquel Lojendio sopranoa eta narratzaile ariko den Alex Brandemühl aktorea izango ditu lagun.

Hau izango da Jun Märklek, musika aholkulari izendatua izan zenetik, Orkestra zuzenduko duen lehenbiziko aldia.

Euskadiko Orkestrak honenbestez osatuko du bere jarduna sortu zenetik hain gertukoa duen Donostiako Musika Hamabostaldiaren 75. edizio honetan. Izan ere, 1982 urtean sortu zenetik, Orkestra urtero aritu da jaialdi honetan. 

Euskadiko Orkestrak G. Pucciniren "La Bohème" operaren eszenaratzean dihardu egunotan, Donostiako 75. Musika Hamabostaldiaren baitan. Orkestrak José Ramón Encinarren zuzendaritzapean ariko da zulogunean. Libretoari hertsiki lotuta dagoen Valentziako Palau de les Arts erakundearen ekoizpen honen eszenaratzea "erraietatik egina eta erromantikoa" da, Davide Livermore eszena-zuzendariaren hitzetan. "La Bohème" 42 urteren buruan itzuli da Musika Hamabostadira, jaialdiaren historia gehien interpretatu den operen artean badago ere; izan ere, Hamabostaldiaren estreinako aldian eszenaratu zen, 1939. urtean.

Ondoren, abuztuaren 22an, Orkestrak kontzertu sinfoniko bat eskainiko du, bere musika aholkulari Jun Märkl maisuaren gidaritzapean. Egitarauan, José María Usandizagaren "Las Golondrinas" drama lirikoko "Pantomima", Robert Schumannen 3. Sinfonia, "Renaniarra" deritzona; eta bigarren zatian Ludwig Van Beethovenen "Egmont" obraren Obertura. Kursaaleko eszenatokian, Orkestrak Raquel Lojendio sopranoa eta narratzaile ariko den Alex Brandemühl aktorea izango ditu lagun.

Orkestrak honenbestez osatuko du bere jarduna sortu zenetik hain gertukoa duen Donostiako Musika Hamabostaldiaren 75. edizio honetan.

Egonkortasuna, zabalkuntza eta kalitatea: hiru oinarri hauek izan zituen hizpide Oriol Rochek bere burua Euskadiko Orkestra Sinfonikoaren zuzendari nagusi gisa aurkezterakoan. Joxean Muñoz, Eusko Jaurlaritzako Kultura, Gazteria eta Kirol sailburuordea izan zen Orkestraren Miramongo egoitzan izandako aurkezpen hau egiteaz arduratu zena.

Zuzendari nagusi berriak lehendabizi Orkestraren aurrean aurkeztu zuen bere burua, harrera ona izan zuelarik. Ondoren, prentsaurrekoan aritu zen, bertaratutako komunikabide ugarien aurrean. Proiektu ilusiogarri baten aurrean dagoela adierazi zuen, Orkestraren buru izatea egokiera dela eta sortutako aukerei erantzuna ematea espero duela. Orkestrari dagokionez, finkatutako proiektua dela esan zuen, serioa eta aukera handiak dituena. Zentzu berean, Euskal Herrian eta Espainiar Estatu mailan duen posizionamendua nabarmentzearekin batera, Euskadiko Orkestraren nazioarte mailako zabalkuntza indartzearekiko interesa agertu zuen. Errepertorioari dagokionez, euskal musika garaikidearekiko konpromezua adierazi eta, era berean, orokorrean euskal errepertorioa babestearen garrantzia azpimarratu zuen.

Joxean Muñozek orkestraren eta herriaren proiektuarekiko konpromezuan, seriotasunean eta profesionaltasunean funtsatu zuen Oriol Roch Euskadiko Orkestraren zuzendari nagusi aukeratu izana. Roch datorren abuztuaren 25ean hasiko da Euskadiko Orkestran lanean.

Oriol Roch Izard

2004. urtetik gaur egunera arte Galiziako Errege Filarmonikaren Zuzendari Teknikoa izan da. Erakunde hori Santiago de Compostelako Partzuergoaren mende dago, eta Estatuaren, Galiziako Xuntaren eta Santiagoko Udalaren arteko erakunde partaidetua da. Ardura tekniko gorena izanik, Galiziako Filarmonikari bultzada eman dio galiziar komunitatean sendotuz, bere presentzia Espainiako Estatuan eta atzerrian bermatzeaz gainera; denboraldi oso bat kudeatu du, ospe eta kalitate handiko artistekin, aurrekontuak beherakada handia izan zuen une batean; bere taldearekin hezkuntza laguntza eredu bat bermatu du Musika Ikasketen Goi Eskolako musikari gazteen trebatzaile gisa.

1990etik 2002ra arte Teatre Lliure Ganbera Orkestraren kudeatzaile izan zen, Josep Pons zuzendari duena. Teatre Lliuren egindako kudeaketari esker, konpainiak nazioarte eta estatu mailako presentzia eskuratu zuen, Bartzelonan egindako kontzertu denboralditik haratago. Tamaina handiagoko eta diziplinen arteko proiektuetara egindako aldaketa kudeatu zuen, eta horrek ospe handiagoa eman zion proiektuari. Harmonía Mundi (Frantzia) editorearekin akordio bat kudeatu zuen urtero bi disko salgai jartzeko; gaur egun ere nazioarteko arrakasta dute.

Lehenago, Bartzelonako 1992ko Joko Olinpikoetako Batzorde Antolatzailean eta Bartzelonako Azokan lan egin zuen, kultura dinamizazio lanetan. Gainera, Orfeón Leridanok antolatutako Orkestra Sinfonikoari buruzko ikastaroaren arduraduna izan zen hiru ediziotan.

Egindako ikasketei dagokienez, Enpresa Kudeaketan egindako graduondokoa (Universitat Ramon Llull) izateaz eta hizkuntza maila altua (ingelesa eta frantsesa) izateaz gainera, Historia Garaikidean lizentziaduna da (Bartzelonako Unibertsitatea).

Hezkuntza, Hizkuntza Politika eta Kulturako sailburu Cristina Uriartek Gobernu Kontseiluari proposatuko dio Oriol Roch Izard Euskadiko Orkestra Sinfonikoaren zuzendari nagusi berri gisa izendatzea, Iñigo Alberdiren ordezko; hilaren 29an egingo dute bilera.

Oriol Roch Galiziako Orkestra Filarmonikoaren zuzendari teknikoa izan da azken 10 urteetan. Bartzelonan jaio zen 1964an, orkestren kudeaketan esperientzia handia du eta ilusioz ekingo dio aro berriari.

Oriol Rochek Iñigo Alberdi ordezkatuko du, Orkestra azken 8 urteetan kudeatu duena. Horietan, Orkestraren profesionaltasuna bermatu eta indartu du, gizartearekin elkartu du eta publikoen fideltasuna lortu du.

Oriol Roch Izard

2004. urtetik gaur egunera arte Galiziako Errege Filarmonikaren zuzendari teknikoa izan da. Erakunde hori Santiago de Compostelako Partzuergoaren mende dago, eta Estatuaren, Galiziako Xuntaren eta Santiagoko Udalaren arteko erakunde partaidetua da. Ardura tekniko gorena izanik, Galiziako Filarmonikari bultzada eman dio galiziar komunitatean sendotuz, bere presentzia Espainiako Estatuan eta atzerrian bermatzeaz gainera; denboraldi oso bat kudeatu du, ospe eta kalitate handiko artistekin, aurrekontuak beherakada handia izan zuen une batean; bere taldearekin hezkuntza laguntza eredu bat bermatu du Musika Ikasketen Goi Eskolako musikari gazteen trebatzaile gisa.

1990etik 2002ra arte Teatre Lliure Ganbera Orkestraren kudeatzaile izan zen, Josep Pons zuzendari duena. Teatre Lliuren egindako kudeaketari esker, konpainiak nazioarte eta estatu mailako presentzia eskuratu zuen, Bartzelonan egindako kontzertu denboralditik haratago. Tamaina handiagoko eta diziplinen arteko proiektuetara egindako aldaketa kudeatu zuen, eta horrek ospe handiagoa eman zion proiektuari. Harmonía Mundi (Frantzia) editorearekin akordio bat kudeatu zuen urtero bi disko salgai jartzeko; gaur egun ere nazioarteko arrakasta dute.

Lehenago, Bartzelonako 1992ko Joko Olinpikoetako Batzorde Antolatzailean eta Bartzelonako Azokan lan egin zuen, kultura dinamizazio lanetan. Gainera, Orfeón Leridanok antolatutako Orkestra Sinfonikoari buruzko ikastaroaren arduraduna izan zen hiru ediziotan.

Egindako ikasketei dagokienez, Enpresa Kudeaketan egindako graduondokoa (Universitat Ramon Llull) izateaz eta hizkuntza maila altua (ingelesa eta frantsesa) izateaz gainera, Historia Garaikidean lizentziaduna da (Bartzelonako Unibertsitatea).

Behin Gobernu Kontseiluak izendapena onartuta, zuzendari berriaren aurkezpen ofiziala abuztuaren 5ean izango da.

2010. urtean sortu zenetik Euskadiko Orkestra kide duen Hezkuntza Kontzertuen Antolatzaileen Sareak (ROCE) V. Topaketa izango du. Kanaria Handiko Las Palmasen izango da, uztailaren 3, 4, 5, eta 6an, Kanaria Handiko Orkestra Filarmonikoak antolatuta. Topaketa honen baitan, hilaren 5ean, Euskadiko Orkestrako Hezkuntza Departamentuko koordinatzaile Mikel Cañadak "Barrokino: del atril a la escena" txostena aurkeztuko du, Musika Familian zikloaren 2013/2014 denboraldian estreinatutako ikuskizuna oinarri harturik.

Kalitatezko kontzertu zein hezkuntza-ekintzak antolatzea beharra, helburua eta, egun, errealitatea da musika eragileen artean (auditorioak, orkestrak, antzokiak, ...). Hezkuntza zein gizarte proiektuetan egindako ahaleginek arrakasta izan dezaten, interpretatzaile eta musikariak funtsezkoak dira. ROCE 2014 Topaketa interpretatzaileekhezkuntza zein gizarte proiektuetan duten paperaren inguruan ezagutza, elkartruke eta hausnarketa gune izango da: zer egiten duten, nola egiten duten eta zergatik egiten duten. Ikuspegiak, zailtasunak, esperientziak, erronkak, arazoak, proposamenak, aurkikuntzak, ...

ROCE 2014 Topaketa kontzertu didaktikoak eta hezkuntza zein musikaren hedakuntzarekin harremandutako bestelako jarduerak sortu eta antolatzearekin interesaturiko erakunde, profesional eta pertsonak biltzeko gune irekia da: interpretatzaileak (musikariak, zuzendariak, aktoreak, ...), irakasleak, programatzaileak, kudeatzaileak, musika ikasleak eta abar; eta baita ikuslegoa ere.

Ekainaren 28 larunbatean etb1en Euskadiko Orkestrak Pirritx, Porrotx eta Marimotots pailazoekin, Orfeoi Txiki eta Gaztearekin eta beste hainbat lagunekin joan zen ekainaren 20an Donostiako Kursaalean eskainitako "Sentitu, pentsatu, ekin!" ikuskizuna. Kontzertu honekin amaitu zen Gasteiz, Bilbo, Iruña eta Donostian bertan barrena egindako ibilaldia. Familiak, haur eta helduak, guztira 8.200 pertsona izan dira gurekin batera Musika Gelaren ikasturte amaiera dantza eta kantuz ospatzen.

Azken hilabeteotan, Euskadiko Orkestraren Musika Gelaren jarduera 12.000 pertsonek partekatu dute, Musika Familian, Eskola kontzertuak, Sentsibilizazio Tailerrak, Ikastetxeetan Tailerrak, Orkestraren Miramongo egoitzara bisitaldiak eta abarretan.

Honenbestez, kontzertu hauekin amaitu da halaber Euskadiko Orkestraren 2013/2014 denboraldia. Ehundik gora kontzertu izan dira, publiko ugari zein askotarikoari eskainiak.