"Bohemia" izenburupean, martxoaren 2tik 5era Musika-Música jaialdia izango da berriz ere Bilboko Euskalduna Jauregian. Euskadiko Orkestra bitan ariko da bertan: kontzertu bana emango du martxoaren 3an eta 4ean. Bi emanaldietan, Thierry Fischer izango du zuzendari.

"Bohemiaren bihotza ozen eta betirako pilpiratzen da bere musikan, bere kolore nazional eta grina kosmopolitarekin, mundu osora zabalduz bere musikarien inspirazio oparoa. Ehun urteko musikagintza bohemiarraren edertasunak erakusten digu zeinen musika bizia den eta nolako oparia gure belarrientzat". Horrela jasotzen da Musika-Música jaialdiaren aurtengo programazioa biltzen duen liburuxkaren hitzaurrean. Testuinguru horretan, martxoaren 3 ostiralean, arratsaldeko 18:30etan, Orkestrak G. Mahlerren 4. Sinfonia joko du, Miah Patersson soprano suediarra lagun duela. Eta hurrengo egunean, goizeko emanaldian (13:30etan), B. Smetanaren "Nire aberria" poema sinfonikoen zikloko "Moldau" eta A. Dvoraken 8. Sinfonia aurkeztuko ditu.

Bi kontzertuetan, Thierry Fischerrek zuzenduko du Euskadiko Orkestra Sinfonikoa. Bera da Utah Symphony Orchestra-ko (EEBB) musika zuzendaria eta Nagoyako (Japonia) Orkestra Filarmonikoko ohorezko zuzendari gonbidatua.

Bai Miah Persson eta baita Thierry Fischer ere estreinako aldiz ariko dira Euskadiko Orkestrarekin lankidetzan.

Otsailaren 19an García Lorca Antzokian "Ene haize maitea" ikuskizuna izango da, 2 urtetik 6 urtera bitarteko haurtxoentzat. Ekoizpen berri horrek erakusten digu bizitzeko ezinbesteko dugun aireak gure egunerokotasunean beste zenbat egoerekin harremana duen. Euskadiko Orkestra Sinfonikoko musikariek osatutako haize-metal boskote batek, klake dantzari batek (Larraitz Ugartemendia), perkusiojole batekin (Anthony Lafargue, EOSeko kidea halaber) eta aurkezlearekin batera (Ana Eguiazabal), denek elkarrekin jolas egingo dute txikitxoenek aire kuttunarekin jolasteko beste modu bat ezagutu dezaten.

Aukeratutako jolasa eta irakaspenak uztartuko dituen topaketa horretarako hautatu diren musiken artean daude egile klasikoen piezak (Mozart, Brahms, Strauss edo Saint-Saëns), jazz pieza ahaztezinak ("Am I blue?" eta "My baby just cares for me") eta jada zinerako musikaren historia bilakatu diren melodiak ("The Mission" ete "Indiana Jones").

Azken sarrerak salgai www.principalantzokia.org webgunean, tel. 945161045, Kutxabank kutxazainetan eta García Lorca eta Principaleko leihatiletan.

Musika Familian zikloaren baitan, Gasteizko Udal Antzoki sarearekin lankidetzan.

Eskola Kontzertuen bi txanda izango dira. Lehenbizikoa abian da jada, otsailaren 14tik 21era, Orkestraren Miramongo egoitzan. Egunotan Haur Hezkuntza eta Lehen Hezkuntzako lehenbiziko zikloko (2tik 6 urtera) 2.000 haurtxo bertaratuko dira "Ene haize maitea" ikuskizunaz gozatzera. Esate baterako, gaur Zubieta, Oiartzun eta Donostiako 300 haurtxo etorri dira, eta bihar Zerain, Olaberria, Gabiria, Ezkio-Itsaso, Idiazabal zein Donostiako haurren txanda izango da.

"Ene haize maitea" ekoizpenak erakusten digu bizitzeko ezinbesteko dugun aireak gure egunerokotasunean beste zenbat egoerekin harremana duen. Euskadiko Orkestra Sinfonikoko musikariek osatutako haize-metal boskote batek, klake dantzari batek (Larraitz Ugartemendia), perkusiojole batekin (Anthony Lafargue, EOSeko kidea halaber) eta aurkezlearekin batera (Ana Eguiazabal), denek elkarrekin jolas egingo dute txikitxoenek aire kuttunarekin jolasteko beste modu bat ezagutu dezaten. Aukeratutako jolasa eta irakaspenak uztartuko dituen topaketa horretarako hautatu diren musiken artean daude egile klasikoen piezak (Mozart, Brahms, Strauss edo Saint-Saëns), jazz pieza ahaztezinak ("Am I blue?" eta "My baby just cares for me") eta jada zinerako musikaren historia bilakatu diren melodiak ("The Mission" ete "Indiana Jones").

Ondoren, martxoaren 8 eta 9an, Kursaal Auditoriumak berean hartuko du berriz ere "Romeo eta Julieta" txotxongilo eta orkestra sinfonikorako ikuskizuna; 8 eta 18 urte bitarteko Lehen eta Bigarren Hezkuntzako 4.200 ikasletik gora izango dira bi emanaldi horietan izango direnak. Eszenatokian bilduko dira Euskadiko Orkestra eta Per Poc txotxongilo konpainia (www.perpoc.com), Orkestrarekin estreinakoz ariko den Benjamin Levyren zuzendaritzepean (www.benjaminlevi.fr). Elkarrekin ikuskizun bilakatuko dute, Shakespearerek sortutako intransigentziaren zein aurreiritzien tragedia ezagutu zuenean, Prokofievek irudikatutako edertasuna eta indarra. Per Poc konpainiako kideek zera diote euren txotxongiloen inguruan: "Erraldoiak dira, baina, aldi berean, arinak. Ehundurak eta koloreak aurpegierari gainjartzen zatzaie. Zenbait unetan amets bateko izakiak dira, amets gaizto batekoak bestetan.

Euskadiko Orkestrak Gipuzkoako Batzar Nagusien eta Donostiako Udalaren Hezkuntza Atalarekin lankidetzan antolatzen ditu Eskola Kontzertuak.

Aurkeztu berri dira Euskadiko Orkestra Sinfonikoaren Musika Fmailian zikloko kontzertuak Gasteizen. Prentsaurrekoan jardun dira Nora Igartua, Gasteizko Udaleko Kultura, Hezkuntza eta Kirol zuzendaria; Oriol Roch, Euskadiko Orkestra Sinfonikoaren zuzendari nagusia; eta Mikel Cañada, Orkestraren Hezkuntza Departamentuaren koordinatzailea.

Euskadiko Orkestra Sinfonikoarentzat beti da lehentasuna, denboraldiro, familiek nahiz hezkuntza-komunitateak gure musika-ekimenez gozatzeko aukera izan dezatela. Helburu horrekin, Musika Gelaren bidez garatzen du Orkestraren Hezkuntza Departamentuak Musika Familian zikloa, ikastetxeentzako jarduerak eta proiektu gizarteratzaileekin batera.

MUSIKA FAMILIAN. Otsailaren 19an García Lorca Antzokian "Ene haize maitea" ikuskizuna izango da, 2 urtetik 6 urtera bitarteko haurtxoentzat. Ekoizpen berri horrek erakusten digu bizitzeko ezinbesteko dugun aireak gure egunerokotasunean beste zenbat egoerekin harremana duen. Euskadiko Orkestra Sinfonikoko musikariek osatutako haize-metal boskote batek, klake dantzari batek (Larraitz Ugartemendia), perkusiojole batekin (Anthony Lafargue, EOSeko kidea halaber) eta aurkezlearekin batera (Ana Eguiazabal), denek elkarrekin jolas egingo dute txikitxoenek aire kuttunarekin jolasteko beste modu bat ezagutu dezaten. Aukeratutako jolasa eta irakaspenak uztartuko dituen topaketa horretarako hautatu diren musiken artean daude egile klasikoen piezak (Mozart, Brahms, Strauss edo Saint-Saëns), jazz pieza ahaztezinak ("Am I blue?" eta "My baby just cares for me") eta jada zinerako musikaren historia bilakatu diren melodiak ("The Mission" ete "Indiana Jones").

Ondoren, martxoaren 10 ostiralean, Principal Antzokiak berriz ere berean hartuko du, 10 urteren bueltan, "Romeo eta Julieta" txotxongilo eta orkestra sinfonikorako ikuskizuna; eszenatokian bilduko dira Euskadiko Orkestra eta Per Poc txotxongilo konpainia (www.perpoc.com), Orkestrarekin estreinakoz ariko den Benjamin Levyren zuzendaritzepean (www.benjaminlevi.fr). Elkarrekin ikuskizun bilakatuko dute, Shakespearerek sortutako intransigentziaren zein aurreiritzien tragedia ezagutu zuenean, Prokofievek irudikatutako edertasuna eta indarra. Per Poc konpainiako kideek zera diote euren txotxongiloen inguruan: "Erraldoiak dira, baina, aldi berean, arinak. Ehundurak eta koloreak aurpegierari gainjartzen zatzaie. Zenbait unetan amets bateko izakiak dira, amets gaizto batekoak bestetan. Aurrez, 2007an "Romeo eta Julieta" antzezteaz gain, 2012. urtean, Orkestrak eta Per Poc-ek "Soldadu baten istorioa" aurkeztu zuten Gasteizen.

Euskadiko Orkestrak Musika Familian zikloaren baitan ematen duen kontzertu oro Udal Antzoki Sarearekin lankidetzan ekoizten da.

Otsailaren 14an hasi eta 21a bitartean, Euskadiko Orkestra Sinfonikoaren Musika Gelak "Ene haize maitea" ikuskizuna eszenaratuko du. Ekoizpen honek erakusten die 2tik 8 urtera bitarteko haurrei bizitzeko ezinbesteko dugun aireak gure egunerokotasunean beste zenbat egoerekin harremana duen. Euskadiko Orkestrako musikariek osatutako haize-metal boskote batek, klake dantzari batek, perkusiojole batekin eta aurkezlearekin batera, denek elkarrekin jolas egingo dute txikitxoenek Aire kuttunarekin jolasteko beste modu bat ezagutu dezaten.

Otsailaren 14tik 21era, Eskola Kontzertuak zikloaren barnean, haur hezkuntzako eta lehen hezkuntzako lehenbiziko zikloko 2100 ikaslek ikusiko dute "Ene haize maitea" Orkestraren Miramongo egoitzan. Ziklo hori Gipuzkoako Batzar Nagusiekin eta Donostiako Udalarekin lankidetzan burutzen da.

Bestalde, Musika Familian zikloan, "Ene haize maitea" publiko ororentzat emango da otsailaren 19an Gasteizko García Lorca Antzokian (Gasteizko Udalaren Antzoki sarearekin lankidetzan) eta martxoaren 25an, berriz, Donostian, Kursaaleko ganbera aretoan (Kursaal Eszenarekin lankidetzan).

Otsailaren 11 larunbatean, flauta erabateko protagonista bihurtuko da Miramongo Matinéean. Euskadiko Orkestra Sinfonikoko flauta laukoteak emango duen kontzertuan, instrumentu hori berrezagutzeko aukera izango dugu, bere dimentsio osoan, oraingoan bakarka, orkestraren organikoaz at. Goizeko 11:00etan, Orkestraren Miramongo egoitzan.

Euskadiko Orkestra Sinfonikoko flauta laukotea osatzen duten musikariak, hau da, Bruno Claverie, Hélène Billard-Alirol, Oihana Kontxeso eta Carlos Rosat, Quatuor Arkadia izena hartuta aurkezten dira Matinée honetan. Euren asmoa da elkarrekin lanean daramatzaten 20 urteak ospatzea "musikazko momentu bat partekatuz". Emanaldiko esku-egitarauan zera adierazten dute: "Gure irakasle izandakoez oroituko gara, gure hotsaren musikaltasuna erakutsiko dugu eta Orkestrarekin batera egindako bidaia ederrean zehar geureganatutako heldutasunaren isla izango da. Bilaketa da musika, eta enbaxadore gauzkan ibilbide unibertsal zoragarria ere bada".

Xabier Sarasaren Lau flautarako tiranaren erabateko estreinaldia. Larunbatean estreinako aldiz entzun ahal izango da Euskadiko Orkestrako flauta laukoteak bere lankide Xabier Sarasari eskatutako obra. Partitura berri horren inguruan EOSeko tronpa eta konpositoreak esan du: " Beti da pozbidea norberaren lan bat egitarauan ikustea; are gehiago lankideek eskatua bada. Badago Guridik flauta eta pianorako idatzitako tirana eder bat, non erritmoa aldatzen doan 6/8tik 3/4ra. Erritmo aldaketa hori oinarri hartuta, 5/4 konpasa erabili du eta etengabean aldatzen doa 2+3tik 3+2ra". Musikagile horren ekoizpena sakonago ezagutzeko aukera izango da Matinéea. Izan ere, kritikak harrera oso ona egin zion bere Fanfarria #3308, joan zen urria euskadiko Orkestraren Abonu Denboraldiaren baitan estreinatu zenean.

Egitaraua osatuz, flautarako idatzi duten XX. mendeko hiru konpositore frantziar ezagutzeko aukera izango da: Marc Berthomieu, Jacques Castérède eta Raymond Guiot.

Gainera, garai ezberdinetako eta leku askotako hogeita hamar flauta ikusgai. Kontzertuaren osagarri gisa, CRM bildumako hogeita hamar bat izango dira ikusgai Orkestraren Miramongo egoitzako hallean. Erakusketak ibilbide bitxia egiten du bai historian zehar eta baita munduko leku zein kultura ezberdinetan zehar, horretarako antzinako musika tresna baliatuz.

Miramongo Matinéek Kutxa Fundazioaren babesa dute.

Barrearen melodia da zoriontasunaren osagai magikoetako bat eta, gainera, musika eta jolasaz lagunduta badator, bermatuta dago ondo pasako dugula. Horiek izango dira, hain zuzen, otsailaren 11n BBK Sala beteko duten elementuak: "Musika ari du" izango da ikusgai. Haurrentzako ikuskizun hori Euskadiko Orkestra Sinfonikoaren Musika Gelaren eta Pirritx, Porrotx eta Marimotots pailazoen ekoizpena da.

Euskadiko Orkestrako musikariek osatutako hari laukote batek eta Xabier Zabala konpositorea izango dituzte lagun pailazoek txikienei musika nonahi dagoel eta horren garrantzia erakusterakoan. Hari laukotea osatzen duten musikariak dira Oscar López eta Igor Torre (biolinak), Arkaitz Martínez (biola) eta Jon Larraz (biolontxeloa).

Otsailaren 11 bi emanaldi izango dira publiko ororentzat: 17:00etan eta 18:30etan.

Bi emanaldi horietaz gain, Bizkaiako hainbat ikastetxetako ikasleentzat saio bereziak izango dira otsailaren 10, 13, 14, 15 eta 16an. Horrela, 24 ikastetxetako 1500 haur bertaratuko dira BBK Sala ikuskizunaz gozatzera.

"Musika ari du" ikuskizuna BBK Salak familiei zuzendutako aisia eta kultura eskaintzaren baitan kokatzen da, erakundeak apostu egiten baitu euskara eta artea lagundu eta sustatzeko.

Otsailaren 11rako sarrerak salgai BB Salan, Kutxabankeko kuxazainetan eta www.kutxabank.es webgunean.

Bihar larunbata, hilak 28, ganbera musika itzuliko da Miramongo Matinéeak ziklora, modu berezian itzuli ere. Iaz Dantzaz Konpainia lagun zuela aritu zen Cuarteto Dionysus-ek pieza itzela dakar: Mozarten Requiem ederra, baina oraingoan bertsio intimista bezain hunkigarrian, hari laukoterako moldatuta. Gainera, musika-lan horren sakontasunean are gehiago murgiltzeko, requiem mezako jatorrizko latinezko testua errezitatuko du Cástor Narvartek, Euskadiko Orkestra Sinfonikoko biola-jotzaileetako batek. Goizeko 11:00etan, Orkestraren Miramongo egoitzan.

Requiema, jenioaren musikazko testamentua. Hiltzear zegoela ekin zion Mozartek bere azken lana izango zen Requiema idazteari. Hilurren zegoela ikusirik, nahi izan zuen bere ikasle Franz Xaver Süssmayr-ek lagun ziezaion, horrela lanerako sortutako ideia oro bereganatu zezan. Azkenean, Mozart Requiema amaitu baino lehenago hil zenez, Süssmayr-ek bukatu zuen eta, ondoren, austriar mediku eta musikan aditu Peter Lichtenthalek idatzi zuen hari-laukoterako moldaketa.

Cuarteto Dionysus osatzen duten musikariak dira Irene Echeveste eta Larraitz Oiarzabal, biolinak; Delphine Dupuy, biola; eta Juan Ignacio Emme biolontxelojotzailea. Laurak Euskadiko Orkestra Sinfonikoko kideak dira.

Miramonera autobusez. Euskadiko Orkestrak Matinéetako publikoaren esku doan jartzen duen autobus zerbitzua da Miramongo egoitzara heltzeko biderik erraz eta erosoena. 10:25etan abiatzen da Gipuzkoa Plaza 4tik eta geldialdiak egiten ditu Antso Jakituna 18 eta Madrilgo Hiribideko 34ean.

Sarrerak. Matinée guztietarako sarrerak webgune honetako TICKET atalean, www.kutxabank.es webguneetan eta Kursaal zein Orkestraren egoitzako leihatiletan eros daitezke. 7 euroko prezio bakarra dute.

Miramongo Matinéek Kutxa Fundazioaren babesa dute.

"Munduko lorerik handiena", Soinu Mosaikoa proiektuaren emaitza: iritsi da azkenik hainbeste gura izandako estreinaldia, Orkestraren eta Gautena, Aspace eta Uliazpiko 19 kideen eskutik, Donostia eta Gasteizen. "Soinu Mosaikoa" Orkestra Sinfonikoen Espainiar Elkartearen, BBVA Fundazioaren eta Plena Inclusión federakuntzaren ekimena da. Bere sorburua eta aurrekari argia ditu Euskadiko Orkestra Sinfonikoaren eta Adimen edo Garapen Urritasuna duten Pertsonen Elkarteen Euskal Federazioaren (FEVAS) arteko lankidetzan. Erabateko gizarteratzearen alde 2009. urtetik bi erakundeen arteko jarduera
aitzindaria, aurten estreinakoz, estatu mailan 14 orkestra sinfonikora zabaldu da.

Urtebeteko lanaren ostean, hilean behin soinu sorkuntza tailer bana egin ondoren, heldu da lortutako emaitza publikoaren aurrean aurkezteko unea: Euskadiko Orkestra Sinfonikoko musikariekin nahasturik, 19 partehartzaileek bat-bateko hainbat saio egingo dute; horrela, Emilio Aragonen "La flor más grande del mundo" lan sinfonikoarekin bat egingo duten atmosfera eta ehundurak sortuko dituzte. Inprobisazioei eta obra sinfonikoari José Saramagoren izenburu bereko ipuina gehituko zaie.

Abonu Denboraldian Donostian (urtarrilaren 27an eta 30ean) aurkezteaz gain, Orkestrak Musika Familian zikloan ere emango du emaitza hori, Kursaal Eszenarekin lankidetzan: otsailaren 4ean, Kursaal Auditoriumean, arratseko 18:00etan; azken kontzertu hori publiko orori zuzenduko zaio eta ipuina zein musika zeinu hizkuntza bidez ere interpretatuko dira.

Euskadiko Orkestra Sinfonikoa da "Soinu Mosaikoa" proiektuaren emaitza, Abonu Denboraldian programatzeaz gain, bere Musika Familian zikloan txertatuko duen orkestra bakarra, Kursaal Eszenarekin lankidetzan eta El Diario Vasco-k babestua. Orkestrak horrela egin du zinez uste duelako aldaketarako gailua dela, edozein adinetako pertsonengan gizarte inklusiboa sortu beharraren kontzientzia sortzeko baliagarria.

Azpimarragarri da Musika Familian zikloaren baitan otsailaren 4an izango den kontzertua bereziki pentsatua dagoela publiko ororentzat. Musika eta narrazioa zeinu hizkuntza transkribatuko ditu Ainhoa Moiuak. Gainera, Zuriñe Hidalgo aktorea ere ariko da emanaldi horretan.

Kontzertu egutegia:

Abonu Denboraldia

Kursaal Auditoriuma. Donostia.
2017/01/27, ostirala. 20:00etan.
2017/01/30, astelehena. 20:00etan.
> Sarrerak 7€tik gora,
www.euskadikoorkestra.eus, www.sarrerak.kursaal.eus,
Kursaaleko leihatilan.

Principal Antzokia. Gasteiz.
2017/02/02, osteguna. 20:00etan.
> Sarrerak 7€tik gora,
www.euskadikoorkestra.eus, www.principalantzokia.org,
Principaleko leihatila (945 16 10 45).

Musika Familian

Kursaal Auditoriuma. Donostia.
2017/02/04, larunbata. 18:00etan. Sentsibilizazio Tailerra 16:45etan.

> Sarrerak 7€ eta 3€ (< 12 urte)
www.entradas.dirariovasco.com, www.sarrerak.kursaal.eus
Kursaaleko leihatilan.

Bihar ostirala, urtarrilaren 27an, hasi eta otsailaren 2 ostegunera bitartean, Euskadiko Orkestra Sinfonikoak Abonu programa berri bat aurkeztuko du. Argudioz beteriko programa izango da: batetik, Nicholas Angelich pianista bakarlari gonbidatu izango du estreinakoz; Beethovenen errepertorioan eskarmentuduna, horren Pianorako 4. kontzertua joko du. Bestetik, Donostia eta Gasteizen, Emilio Aragonen "La flor más grande del mundo" (munduko lorerik handiena) obraren bertsioa estreinatuko du, Soinu Mosaikoa proiektuaren baitan Orkestrak eta Gautena, Aspace eta Uliazpiko kideek partekatutako urtebeteko lanaren emaitza. Bilbo eta Iruñean, aldiz, Orkestrak VII. AEOS-BBVA Fundazioaren Konposizio Sarian garaile suertatu zen lana interpretatuko du: Fernando Buideren "Fragmentos del Satiricón", alegia.Lau hiriburuetan egitaraua osatuz, P.I. Tchaikovskyren "Romeo eta Julieta" obertura-fantasia izango da entzungai. Hau guzti hau Ainars Rubikis maisuak zuzenduko du.

Kontzertuak
Urtarrilaren 27 eta 30ean. Donostiako Kursaal Auditoriuma, 20:00etan.
Urtarrilaren 31n. Iruñeako Baluarte Auditoriuma, 20:00etan.
Otsailaren 1an. Bilboko Euskalduna Jauregia, 20:00etan.
Otsailaren 2an. Gasteizko Principal Antzokia, 20:00etan.

Abonu Denboraldiko kontzertu hauetarako sarrerak salgai daude orkestraren webgunean (www.euskadikoorkestra.eus), kontzertu aretoetako webgune nahiz leihatiletan eta baita gainerako salguneetan ere. 7€tik gora.