Euskadiko Orkestra Sinfonikoak Vicente Goicoechearen lana berreskuratuko du, Arabako Foru Aldundiaren babesarekin
Apirilaren 24 astelehenean Gasteizko Principal Antzokian emango duen kontzertuan, Euskadiko Orkestra Sinfonikoak Vicente Goicoechea (Aramaio-Ibarra, 1854-Valladolid, 1916) konpositorea ekarriko du gogora. José Ramón Encinar maisuaren zuzendaritzapean, Orkestrak Gasteizko Abesbatza izango du lagun Goicoechearen lanak interpretatzeko. Gasteizko Abesbatza espreski sortua da ekimen honetarako eta arabar abesbatzetako, hots, Araba Abesbatzako, Suessatio Taldeko, Samaniego abesbatzako eta Luis Aramburu Udal Musika Eskolako Abesbatzako hirurogeita hamar kidek osatzen dute; zuzendariak dira Aitor Sáez de Cortázar, Carmen Moina eta Nagore Alangua.
Apirilaren 24an Principal Antzokian (20:00etan) izango den kontzertuak Arabako Foru Aldundiaren babesa du. Kultura Foru Diputatu Igone Martínez de Lunak aukera baliatu du Euskadiko Orkestra Sinfonikoari bere esker ona adierazteko "Bixente Goikoetxea artista handiari merezitako omenaldia egiteagatik eta baita Gasteiz Abesbatzaren esku hartzeagatik, kutsu erabat arabarra emango baitio horrek kontzertu berezi honi". Kontzerturako sarrerak agortuta daude. Emanaldi honek irekiko du Euskadiko Orkestra Sinfonikoaren 16/17 Abonu Denboraldiko 7. programa; Gasteizko kontzertuaz gain, berau osatuko dute apirilaren 25ean Iruñean, 26an Bilbon eta 27 eta 28an Donostian izango diren kontzertuek.
Vicente Goicoecheak Valladolideko kapera-maisu eta Gaztelako mintegian musika irakasle posiziotik bultzatu zuen musika erlijiosoaren erreforma Espainian. Apaiz honen musikan aurreko guztien zertxobait aurki dezakegu. Christus factus est, Tantum ergo, Beata viscera eta Edoctus autem moteteak Goicoechearen musika ekoizpenaren adibide onak dira.
Ondoren, Gernikarako opera bat. Goicoechea omendu ostean, Francisco Escuderoren "Gernika" lau aktodun operaren eszenen aukeraketa bat izango da entzungai, bizkaitar herriaren bonbardakertaren 80. urteurrena betetzen den honetan. Bilboko Koral Elkartearen enkarguz sortua, "Gernika" 1987ko apirilaren 25ean estreinatu zen. "Gernika" operaren hainbat eszenen interpretazio berri honek Arabako, Bizkaiko eta Gipuzkoako Foru Aldundien babesa du.
José Ramón Encinar orkestra zuzendaria Espainiako musika garaikidearen azken 40 urteetako irudi nabarmenetako bat da, bai musika-egile gisa gaztetan, Koan talde espezializatuaren eta beste hainbaten edo Gerhard eta Guerrero Proiektuen zuzendari gisa, bai musika berriaren sustatzaile lanetan Kanaria Handiko Filarmonikoa, Portugaleko Sinfoniko Nazionala eta, bereziki, Madrilgo Erkidegoko Orkestraren buruan, azkena 2003 eta 2013 bitartean, enkargu eta estreinaldi ugarirekin.
Informazio gehiago
Prentsa-oharraGernikarako opera bat, hurrengo Abonu-programan
Hurrengo Abonu-programan, eta 1937ko bonbardaketaren 80. urteurrena betetzearekin batera, Francisco Escuderoren Gernika azken operako hainbat eszenen aukeraketa berreskuratu dugu, euskal musikagilearen gailurretako bat. Kontzerturako, lanaren enkargua egin eta 1987. urtean estreinatu zuen Bilboko Koral Elkartearen eta egungo abeslari liriko nagusienen partaidetza izango dugu, José Ramón Encinar-en zuzendaritzapean. Apirilaren 24tik 28ra.
Programa irekiz, Gasteizen apirilaren 24an izango den kontzertuaren hasieran Vicente Goicoechearen lana ekarriko dugu gogora, bere heriotzaren mendeurrenean. Gasteizko Abesbatza lagun duela, haren hainbat lan liturgiko interpretatuko ditu Euskadiko Orkestra Sinfonikoak.
Iruñean (apirilak 25), Bilbon (apirilak 26) eta Donostian (apirilak 27 eta 28), aldiz, Suzko txoria lanak irekiko ditu kontzertuak, Igor Stravinskyren lehenengo ballet handiak, alegia.
“Bertso berriyak jartzera nua”, Maialen Lujanbio, Trío Sincronía eta Mikel Chamizo eszenatokian bilduko dituen proiektu berriztatzailearen erabateko estreinaldia Miramongo Matinéetan
Apirilaren 8 larunbatean, Euskadiko Orkestra Sinfonikoaren egoitza zeharkako esperientziatarako gune bihurtuko da berriz ere, unibertso berezi hori non hasiera batean oso bestelakoak diren soinuzko unibertsoek bat egingo duten: hari eta piano hirukotea, garai orotako bertsolaritzaren oinarrietako bi diren Txirrita eta Maialen Lujanbio eta musika elektronikoa.
"Bertso berriyak jartzera nua" Mikel Chamizoren sorkuntza bat da, Euskadiko Orkestra Sinfonikoaren eskariz egindakoa, eta "Lujanbioak" lanean du sorburua.Txirritaren inguruan Maialen Lujanbiok egindako bertso bat eta egun gordetzen den haren grabaketa bakarraren zati bat uztartzen dituen pieza hori Chamizok ondutako soinuzko muntaia-sorta baten zati da; soinuzko muntaia horiek Euskadiko Orkestra Sinfonikoak estreinatu zituen 2014ko Biennale di Venezia jaialdian emandako kontzertuetako batean. Hortik jaio zen bertsolaritzaren iragana eta oraina aztertu eta ganbera musikarekin uztartzera eramango zuen soinu esperimentua eratzeko ideia.
Ariketak Txirritak 1886an sortutako bertso batzuei zor die izenburua eta bost ataletan banatzen da; musikaz baliatuz, atal bakoitzak bertsolaritzaren alor jakin bat lantzen du musikaz baliatuz: melodia, poesia, inprobisazioa, tradizioa eta esperimentazioa. Mikel Chamizoren hitzetan, "Euskarari lotutako errepertorio zaharrenari lotutako pieza errenazentista eta barrokoekin batera, ikuskizunak proposatuko ditu elementu horietako bakoitzarekin lotutako bost soinu esperimentu. Horretarako baliatuko ditu hirukotea osatzen duten instrumentu klasikoak, hots, biolina, biolontxeloa eta pianoa, eta baita somatugabeko soinuzko espazioak sortzeko musika elektronikoak gure eskura jartzen dituen baliabideak ere. Modernitateko bertsolari garrantzitsuenetako bat eta, nolabait esateko, Txirritaren oinordeko espirituala, Maialen Lujanbiok gidatuko du ikuskizuna eta bera izango da ariketa honen ardatz nagusia. Bertsolaritzatik musika klasikorantzako (eta alderantziz) amildegira jauzia izango da".
"Bertso berriyak jartzera nua" ez da Maialen Lujanbiok musika esperimentalaren arloan abiatutako lehenengo egitasmoa. Aurrez, zenbait proiektu garatu du Xabier Erkiziarekin batera. Horien artean daude "Ornitorrinkus" eta "Txori Mugariak", biak 2011.urtekoak; eta 2013an sortutako "Hegi, Egia, Egiak".
Trío Sincronía osatzen duten musikariak dira Maialen Rezabal biolinista, Beatriz Linares biolontxelista (biak Euskadiko Orkestra Sinfonikoko kideak) eta Pedro José Rodríguez pianista.
Mikel Chamizo musikagile tolosarrak Musikenen egin zituen konposizio ikasketak. Bere musikak arreta berezia jartzen du instrumentu akustikoen eta elektronikaren konbinaketari. Chamizoren sorkuntzak interpretatu dira Sound and Music Computing Conference, Musica Electronica Nova, Musika Hamabostaldia, Le Quartz, Forum Wallis, BBVA Fundazioa, Juan March Fundazioa, Bilbao Orkestra Sinfonikoa edo Musikasten.
Zabalik dago Musikeneren eta Euskadiko Orkestraren Orkestra Ikasketen III Master ofizialerako izen-emate epea
Orkestra Ikasketen Master ofizialean izena emateko epea zabaldu berri du Musikenek. Euskadiko Orkestra Sinfonikoarekin elkar-lan estuan egiten den masterra da, eta aurten, gainera, 1.420 eurotik hasita egin ahal izango dute hari instrumentistek, AIE erakundeak eta Beasaingo Udalak ematen dituzten bekei esker. Horri Euskadiko Orkestra Sinfonikoarekin orkestra praktikak egiteagatik ikasleek jasotzen duten ordainsaria gehitu behar zaio.
Hari jotzaileentzat Orkestra Ikasketen Irakaskuntza Artistikoko Master hau ezaugarri horietako lehenengoa eta bakarra da Estatuan. Aukera asko ematen dizkie ikasleei, hala nola Europako irakasle onenekin ikastea, beste edozein profesional bezala Euskadiko Orkestra Sinfonikoko musikarekin batera entsegu, kontzertu eta biretan aritzea, orkestra probak prestatzea benetako simulakroak eginez, edo orkestra musikaren inguruan ikerketa egitea, etorkizunean doktoretza ikasketak egiteko aukera emanaz.
Orkestra errepertorioan espezializatzeko eta oposaketak prestatzeko pentsatutako masterra da. 60 ECTS ditu eta urte beten edo bi urtetan egin daiteke. Irakasleen kalitatea da masterraren alderdi erakargarrienetakoa, Musikeneko irakasle ospetsuez gain lehen edizioetan Gordan Nikolic izan baitu kontzertino-zuzendari hari orkestra proiektu batean, beste maisu gonbidatu handiren artean.
Ministerioak homologatutako Masterra izateak Goi Mailako Hezkuntza Esparrua (GMHE) osatzen duten herrialdeetan onartua dagoela esan nahi du. Aldi berean Administrazio Publikoan egiten diren oposaketa edo lehiaketetan puntu gehiago ematen ditu, eta Hezkuntza Ministerioaren bekak eska daitezke. Titulazio propioko masterrak berriz etengabeko formaziotzat hartzen dira eta ez dute doktoretza programetan sartzeko balio.
Musikenek eta Euskadiko Orkestra Sinfonikoak hirugarren urtez abian jartzen duten Master honekin, Euskal Autonomia Erkidegoa goi mailako musika hezkuntzaren aurrealdean izango da berriz ere. Izena emateko epea martxoaren 27tik ekainaren 4a arte egongo da zabalik. Sarrera probak ekainaren 16 eta 19a bitartean egingo dira eta matrikulazioa online egingo da uztailaren bigarren hamabostaldian.
Gasteiz eta Iruñean, Pinchas Zukermanek eta Amanda Forsythek Biolin eta biolontxelorako kontzertu bikoitza joko dute
Gasteizen (martxoak 31) eta Iruñean (apirilak 5), Pinchas Zukermanek eta Amanda Forsythek Orkestrarekin batera joko dute Johannes Brahmsen Biolin, biolontxelo eta orkestrarako kontzertu bikoitza. Egun kontzertua, Brahmsen lan ospetsuenen artean ez badago ere, lanik konplexu eta titanikoenen artean dago. Lan horretan, Pinchas Zukermani gehituko zaio Amanda Forsyth biolontxelo-jotzaile kanadiarra. Forsyth, Orkestrarekin batera estreinakoz diharduen Forsyth biolontxelista nagusia izan da Calgary Philharmonic-en eta National Arts Centre Orchestran, eta solista gisa jo du Yo-Yo Ma, Garrick Ohlsson, Yefim Bronfman edo Wynton Marsalis artistekin, besteak beste.
Christoph König zuzendari alemaniarra Euskadiko Orkestraren Abonu Denboraldira itzuli da, 2002/03, 2013/14 eta 2015/16 denboraldietan jardun ostean. Dresden jaioa, Espainiarekin beti izan du lotura estua, Galiziako Real Filharmoníaren zuzendari gonbidatu nagusia delako, eta Kanaria Handiko Orkestra Filarmonikoarena ere izan zelako bere garaian. Penintsularekin duen loturaz gain, sarri zuzentzen du Erresuma Batuan eta Europar Iparraldeko herrialdeetan - Malmöko Sinfonikoaren titularra izan zen-, eta 2015az geroztik, Ipar Amerikako hainbat orkestratik ere deitu izan diote, besteak beste New Jersey, Indianapolis, Toronto, Houston edo Vancouverrekotik.
Donostia eta Bilbon, Pinchas Zukermanek Elgarren Biolinerako kontzertua interpretatuko du
Donostian (martxoaren 30ean eta apirilaren 3an) eta Bilbon (apirilaren 4ean), Pinchas Zukermanek joko du Edward Elgarren Biolin eta orkestrarako kontzertua. Ia 50 minutuko iraupena duen pieza luze horretan, Elgarrek biolinarentzako errepertorio guztiko bakarlarientzako zati luze eta gogorrenetako bat idatzi zuen. Berau interpretatzeko, Euskadiko Orkestrak biolinista gailen bat izango du lagun: Pinchas Zukerman. Zukermanek biolinentzako dauden ia lan guztiak jo ditu XX. mendeko musika-jole onenekin batera, baina lotura estuagoa izan du Zubin Mehta, Daniel Barenboim edo Jaqueline du Pré artistekin, besteak beste. Diskografia oso zabala du, 100 lan baino gehiago grabatu ditu, eta bi aldiz irabazi du Grammya, bata biolin-joleen artean kultuko disko bati esker, Shostakovich eta Prokofieven duoena, Itzhak Perlmanekin batera.
Christoph König zuzendari alemaniarra Euskadiko Orkestraren Abonu Denboraldira itzuli da, 2002/03, 2013/14 eta 2015/16 denboraldietan jardun ostean. Dresden jaioa, Espainiarekin beti izan du lotura estua, Galiziako Real Filharmoníaren zuzendari gonbidatu nagusia delako, eta Kanaria Handiko Orkestra Filarmonikoarena ere izan zelako bere garaian. Penintsularekin duen loturaz gain, sarri zuzentzen du Erresuma Batuan eta Europar Iparraldeko herrialdeetan - Malmöko Sinfonikoaren titularra izan zen-, eta 2015az geroztik, Ipar Amerikako hainbat orkestratik ere deitu izan diote, besteak beste New Jersey, Indianapolis, Toronto, Houston edo Vancouverrekotik.
Euskadiko Orkestra Sinfonikoak Pinchas Zukerman biolinista handia hartuko du bere Abonu Denboraldia
Martxoaren 30etik apirilaren 5era arte, Euskadiko Orkestra Sinfonikoak Abonu Denboraldian aurkeztuko du ibilbide oso luze eta arrakastatsua duen Pinchas Zukerman biolinista. Donostia eta Bilbon, Zukermanek Elgar izango du hizpide; eta Gasteiz eta Iruñean, Brahmsen Biolin eta biolontxelorako kontzertu bikoitza joko du Amanda Forsyth biolontxelistarekin. Lau hiriburuetan, P.I. Tchaikovskyren 4. Sinfoniak osatuko du "Isiltasunaren aurretiko ahotsak" izenburudun egitaraua, Christoph Königek zuzenduko duena.
Donostian (martxoaren 30ean eta apirilaren 3an) eta Bilbon (apirilaren 4ean), Pinchas Zukermanek joko du Edward Elgarren Biolin eta orkestrarako kontzertua. Ia 50 minutuko iraupena duen pieza luze horretan, Elgarrek biolinarentzako errepertorio guztiko bakarlarientzako zati luze eta gogorrenetako bat idatzi zuen. Berau interpretatzeko, Euskadiko Orkestrak biolinista gailen bat izango du lagun: Pinchas Zukerman. Zukermanek biolinentzako dauden ia lan guztiak jo ditu XX. mendeko musika-jole onenekin batera, baina lotura estuagoa izan du Zubin Mehta, Daniel Barenboim edo Jaqueline du Pré artistekin, besteak beste. Diskografia oso zabala du, 100 lan baino gehiago grabatu ditu, eta bi aldiz irabazi du Grammya, bata biolin-joleen artean kultuko disko bati esker, Shostakovich eta Prokofieven duoena, Itzhak Perlmanekin batera.
Gasteizen (martxoak 31) eta Iruñean (apirilak 5), Pinchas Zukermanek eta Amanda Forsythek Orkestrarekin batera joko dute Johannes Brahmsen Biolin, biolontxelo eta orkestrarako kontzertu bikoitza. Egun kontzertua, Brahmsen lan ospetsuenen artean ez badago ere, lanik konplexu eta titanikoenen artean dago. Lan horretan, Pinchas Zukermani gehituko zaio Amanda Forsyth biolontxelo-jotzaile kanadiarra. Forsyth, Orkestrarekin batera estreinakoz diharduen Forsyth biolontxelista nagusia izan da Calgary Philharmonic-en eta National Arts Centre Orchestran, eta solista gisa jo du Yo-Yo Ma, Garrick Ohlsson, Yefim Bronfman edo Wynton Marsalis artistekin, besteak beste.
Christoph König zuzendari alemaniarra Euskadiko Orkestraren Abonu Denboraldira itzuli da, 2002/03, 2013/14 eta 2015/16 denboraldietan jardun ostean. Dresden jaioa, Espainiarekin beti izan du lotura estua, Galiziako Real Filharmoníaren zuzendari gonbidatu nagusia delako, eta Kanaria Handiko Orkestra Filarmonikoarena ere izan zelako bere garaian. Penintsularekin duen loturaz gain, sarri zuzentzen du Erresuma Batuan eta Europar Iparraldeko herrialdeetan - Malmöko Sinfonikoaren titularra izan zen-, eta 2015az geroztik, Ipar Amerikako hainbat orkestratik ere deitu izan diote, besteak beste New Jersey, Indianapolis, Toronto, Houston edo Vancouverrekotik.
Isiltasunaren aurretiko ahotsak: Euskadiko Orkestraren 6. Abonu programa
Martxoaren 30etik apirilaren 5era bitartean, Euskadiko Orkestra Sinfonikoak Abonu programa berri bati egingo dio aurre. Christoph Königen gidaritzapean, Orkestrak lagun izango ditu Pinchas Zukerman biolinista Donostia eta Bilbon eta Pinchas Zukerman bera eta Amanda Forsyth Iruña eta Gasteizen.
Egitaraua. Pinchas Zukermanek E. Elgarren Biolin eta orkestrarkao kontzertua joko du eta, Amanda Forsythekin batera, J. Brahmsen Biolin, biolontxelo eta orkestrarako kontzertu bikoitza. Lau hiriburuetan, P.I. Tchaikovskyren 4. Sinfoniak osatuko du egitaraua.
Euskadiko Orkestra Sinfonikoak bere 2017/2018 denboraldia aurkeztu berri du
Tabakaleran izan den prentsaurrekoan, Euskadiko Orkestra Sinfonikoaren 2017/2018 Denboraldiaren nondik norakoa agertu dute Eusko Jaurlaritzako Kultura eta Hizkuntza Politikako sailburu eta Euskadiko Orkestra Sinfonikoko presidente Bingen Zupiriak, Orkestrako zuzendari titular berri Robert Treviñok eta zuzendari nagusi Oriol Rochek.
Musika-etapa berria Orkestrak Robert Treviño zuzendaritza lanetan duela: Hurrengo denboraldiko berrietako batek Robert Treviño izena du. Zuzendari titular berria indarrez, kemenez eta pasioz beteta dator, Euskadiko Orkestra goi mailara igotzeko asmoz. Denboraldiaren hasieratik arituko da eta kontzertu zein proiektu bakoitza ekitaldi aparta bihurtuko du.
Irudi berria, aro berriaren isla. Haren sinbologia eta asmoak: Irudia sinboloen sinfonia da, konposizio metaforikoa, denboraldi ikusgarria, magikoa, zirraragarria eta era orotako ikusleei irekia islatzen duen irudien doinua: betiko entzuleei zuzenduko gara, baina baita zale berriei ere. Horiek erakarri nahi ditugu eta atsegin handiz hartuko ditugu gurean. Denboraldi berriaren irudia osatzeko hainbat elementu, sinbolo eta ideia elkartu dira, printzipioz loturarik ez zutenak, ezta programa berarekin ere, baina elkarrekin programazioarekin esanahi solidarioa lortzen dutenak, kontzeptu bisual ikusgarri eta erakargarriez gain. Sinbolo bakoitza galdera bat da, hieroglifikoa, eta haren erantzuna da programa.
Bi premisa horiekin, herrialdeko kultura eta musikaren aktibo handia izateko ibilbideari jarraituko dio Euskadiko Orkestrak. Topagunea izaten darrai bere egoitza diren hirietan; izan ere, gero eta presentzia nabarmenagoa du horietan. Eta beste kultura erakundeekin harremanak lantzen jarraitu eta hezkuntza zein arlo sozialean lan aktiboan sakonduko du.
Birgit Kolarek eta Alba Venturak osatutako biolin eta piano bikoteak aurrez aurre jarriko dituzte Straussen gaztetasuna eta Schuberten gainbehera
Bihar, martxoaren 25 larunbatean, biolinista eta Euskadiko Orkestra Sinfonikoko kontzertino gonbidatu Birgit Kolar eta Alba Ventura pianista ariko dira Miramongo Matinéetan. Egitarauan, Richard Straussek, 23 urte zituela, biolin eta pianoarako sortutako sonata bakarra eta Schubertek instrumentu horietarako idatzitako azken pieza, Fantasia D934. Goizeko 11:00etan, Euskadiko Orkestraren Miramongo egoitzan.
Gaztaroa eta gainbehera. Richard Strauss gazteak 23 urte zituela idatzitako biolinerako sonata bakarra maisulana gertatu zen. Birgit Kolar-ek zera dio egitarauari oharretan: "Fin de Siècle delakoko Sonata alemana bihurtu da; izan ere, bere birtuosismoak eta kolore-aberastasunak muga oro hausten dute [...]. Bi hitzetan esateko, gaztaroko grinaren, sormen itzelaren eta bizipoz menderakaitzaren eztanda islatzen du musika lan honek". Fantasiaren inguruan, berriz, honakoa idatzi du biolinistak: "Schubertek biolinerako idatzitako azken pieza dugu Fantasia D934 (31 urte zituen!). Do maiorreko tonalitate argitsu eta heroikoan idatzia, erdizka ikusten duen patuaz mintzo zaigu bere musika; ausardiaz eta etsi onez egiten dio aurre horri".
Birgit Kolar biolinista (Waidhofen/Ybbs, Austria, 1970) Euskadiko Orkestra Sinfonikoko kontzertino gonbidatua daiza ; izan ere, Orkestraren Abonu Denboraldian dihardu -hans Grafen zuzendaritzapean. Gainera, Bavierako Estatu Orkestraren (Münchner Staatsoper), Gran Teatre del Liceu-ko Orkestra Sinfonikoaren, BBCOrkestra Filarmonikoaren, Bergen-eko Orkestra Filarmonikoaren, Copenhagekoaren eta abarren lankide izana da eta sarritan aritzen da Vienako Orkestra Filarmonikoarekin. Kontzertinoa izan da Linz-eko Bruckner Orkestran eta Vienako Orkestra Sinfonikoan, eta, 2005 urtera arte, Municheko Irrati Orkestran. -austriako Banku Nazioalaren instrumentu-bildumako Carlo Bergonzi, Cremona 1723, biolina jotzen du.
Alba Ventura Bartzelonako pianistak 13 zituela egin zuen bakarlari debuta, Cadaquéseko Orkestrarekin eta Sir Neville Marrinerrekin, Donostia eta Madrilen. Ordutik, bere nazioarteko ibilbideak espainiar zein europar areto nagusienetara eraman du, eta baita Bogotá eta Aucklandera. Zuzendu dutenen artean daude, besteak beste, Giovanni Antonini, Howard Griffiths, Christopher Hogwood, Eiji Oué eta Antoni Ros Marbà. Philarmonia Orchestra, Hallé Orchestra, London Mozart Players, Hungaria Orkestra Filarmoniko Nazionala, Txekiar Orkestra Sinfoniko Nazionala edo Brodsky, Takacs eta Casals laukoteekin jo du. Gironako Printzea Fundazioaren IMPULSA saria merezi izan du. Irakaslea da Liceuko Goi Mailako Musika Kontserbatorioan.