Euskadiko Orkestra saritua izan da Txikitan Azokan
Asteburu honetan Donostiako Kursaalean ospatu den umeei zuzendutako Txikitan azokak Euskadiko Orkestra saritu du "haurtzarotik kultura-balioak garatzeagatik". Orkestrako zuzendari nagusiak, Iñigo Alberdik, eta hezkuntza departamentuko arduradunak, Mikel Cañadak, jaso zuten saria.
Orkestrak hamar urte baino gehiago daramatza haurrei bideratutako ekintza pedagogikoak antolatzen, duela hiru urtetik bere Hezkuntza Departamentutik garatzen direlarik. Honela, Orkestrak Musika Familian kontzertu-zikloa, Eskola-haurrentzako Kontzertuak, Sentsibilizazio Tailerrak, Ikastetxeetan Jarduerak, Orkestraren egoitzara bisitaldiak eta abar antolatzen ditu, guztia MUSIKA-GELA markapean.
Musika Laborategia: Aurkezpenerako deialdia
Musikari gazteekin elkarlanean aritzearen bere konpromisoari eutsiz, Euskadiko Orkestrak bere Musika Laborategia jarri du abian. Ekimen berri honek beren gaitasuna Orkestrarekin batera garatzeko aukera emango die artista gazteei. Euskal Herriko Gazte Orkestrarekin (EGO) lankidetzan gauzatu den lehenengo Musika Laborategi honen aurkezpena izango da:
Apirilak 29, osteguna, 11:00etan
Orkestraren Egoitzan
Miramon pasealekua,124
20014 DONOSTIA- SAN SEBASTIAN
Zuzendari Titularra, Andrés Orozco-Estrada, EGOren Zuzendari Artistiko Juan José Ocón eta lehenengo Musika Laborategian arituko diren lau bakarlariak arituko dira aurkezpen honetan.
Bertan izango zaituztegulakoan eta datozen hilabeteotako Orkestraren musika proiektuei ahalik eta oihartzun zabalena emango diozuelakoan.
EWA KUPIEC PIANOJOLE POLONIARRA EUSKADIKO ORKESTRAREKIN ARITUKO DA ESTREINAKOZ ANDREY BOREYKOREN ZUZENDARITZAPEAN ABONU-DENBORALDIKO PROGRAMA BERRI BATEAN
Euskadiko Orkestrak bere 2009/2010 Abonu-Denboraldiko programa berri bati ekingo dio bihar Donostian. Orkestraren zuzendari printzipal gonbidatua den Andrey Boreykoren zuzendaritzapean, kontzertu hauek Ewa Kupiecen debuta izango dira Euskadiko Orkestrarekin batera. Poloniar interpretea Tokyo eta Yokohaman kontzertuak eskaini eta Heidelberger Frühling Festival delakoan aritu ostean dator Euskadira. Hamaikagarren programa honi dagozkion kontzertuak honako egunotan izango dira: apirilaren 22 eta 26an Donostian, 23an Gasteizen, 27an Bilbon eta, amaitzeko, apirilaren 28 asteazkenean Iruñean.
Andrey Boreyko zuzendaria denboraldi honen hasieratik da Euskadiko Orkestraren zuzendari printzipal gonbidatua eta honetaz gain Düsseldorfer Symphoniker-en musika -zuzendari nagusia, Berner Symphonie-Orchester-en zuzendari titularra eta (SWR) Stuttgart Radio Symphony Orchestra-ren zuzendari gonbidatu nagusi ere bada. Etorkizunerako bere proiektuen artean, aipatzekoa da New Yorkeko Orkestra Filarmonikoarekin lankidetzan arituko dela.
Dusznikin, Polonian, jaioa eta Münichen bizi den Ewa Kupiecek ibilbide oparoa burutu du 1992an ARD Music Competition irabazi zuenetik. Nazioarteko jaialdi nagusietan maiztasunez parte hartzen du, baita orkestra garrantzitsuenetan ere, horien artean Paris, Minnesota Orchestra, City of Birmingham Symphony, Munich Philharmonic, Leipzig Gewandhaus, Gulbenkian Orchestra, Dresden Philharmonic, Melbourne Symphony Orchestra eta Warsaw Philharmonic. Lan egin du Marin Alsop, Neeme Järvi, Xian Zhang, Sakari Oramo, Semyon Bychkov, Herbert Blomstedt, Krzysztof Penderecki, Lothar Zagrosek, Gilbert Varga, Christoph Poppen, Andrey Boreyko edo Marek Janowskiren mailako zuzendariekin. Euskadiko Orkestraren denboraldian aritzeaz gain, aurtengo bere konpromezuen artean, besteak beste, Berne Symphony, Royal Stockholm Philharmonic, São Paolo Symphony eta San Antonio Symphony Orchestrarekin kontzertuak, Pragako Prazak Quartet-ekin bira luze bat aipatu daitezke, Chopinen pianorako kontzertuak interpretatuz Dresdengo Musika Jaialdian eta Pragako Udaberri Jaialdian. Halaber, bakarlari gisa errezitalak eskainiko ditu Liverpool, Bonn eta Potsdamen eta Schleswig-Holstein Jaialdian gonbidatua izango da. Abonu-Denboraldian bere presentzia urrian Andrey Boreykoren zuzendaritzapean aritu zen Hélène Grimaud-enari eta maiatzan Bilboko Orkestra Sinfonikoarekin eta Günter Neuholdekin batera izango den Marta Zabaletarenari gehitzen zaio.
Ewa Kupiecek Karol Szymanowskiren 4. Sinfonia, "Kontzertatua" interpretatuko du Orkestrarekin batera. Egitarauari oharren egile den Juan Manuel Vianaren hitzetan, partitura hau "orkestra-multzo zabal batean pianoaren rola (Harnasie 3. Sinfonian edo biolinerako bi kontzertuetan ere bazegoen) sustatzeko Szymanowskiren azken erakusgarria da". Egitaraua roberto Gerharden On Kixoteko Dantzak eta Beethovenen 7. Sinfonia izango dira entzungai, azken honek aurrez programatutako Zemlinskyren "Uhandretxoa"ren ordez interpretatuko delarik.
Kontzertuak
Apirilaren 22 eta 26a: Kursaal Auditorioa. Donostia, 20:00etan.
Apirilaren 23a: Principal Antzokia. Gasteiz. 20:00etan
Apirilaren 27a: Euskalduna Jauregia, Bilbao. 20:00etan
Apirilaren 28a: Baluarte Auditorioa, Iruñea. 20:00etan.
Egitaraua
Roberto Gerhard (1896-1970): On Kixote. Dantzak [16'] *
Karol Szymanowski (1882-1937): Sinfonía nº4 para piano y orquesta, opus 60, "Concertante" [23'] *
Ludwig Van Beethoven (1770-1827): Sinfonía nº 7 en la mayor, Opus 92 (38')
*Lehenengo aldiz interpretaturiko obra
Andrey Boreyko, zuzendaria
Ewa Kupiec, pianoa
Informazio gehiago
Esku-egitarauaBEETHOVEN ETA FRANZ BERWALDEN SEPTIMINOAK DATORREN MIRAMONGO MATINÉEAN
Larunbat honetan, hilak 17, Miramongo Matinéeak zikloaren denboraldiko hamahirugarren emanaldia izango da Orkestraren egoitzan. Septimino edo septetoa izango da bere osotasunean Euskadiko Orkestrako musikariek osatzen duten Octeto Clásico taldeak eskainiko duen kontzertuaren gai nagusia. Errezital honek helburu bikoitza du: batetik, programatutako Berwalden Septiminoa si bemol maiorrean eta Beethovenen Septiminoa me bemol maiorrean, opus 20 obrek eskatzen duten organiko bitxiaz gozatzeko aukera ematea eta, bestetik, lehena idatzia izan zenetik bigarrena konposatu zen arte igarotako urteek XVIII. mendearen amaiera eta XIX. mendearen bigarren edo hirugarren hamarkadaren arteko mugan lengoaia musikalean emandako eraldaketa erakutsiko digute.
Beetovenen Septiminoa gaztaroan konposatutako partitura dugu, Vienan emandako lehenengo urteetan idatzia, 1799 eta 1800 urte bitartean. XIX. mendean konpositore honen lanik ezagunena izan zen Europa osoan barrena eta garaiko ohiturari jarraiki Aristokraziaren aretoetan sarritan interpretatzen zen. Obra honen Tempo di Menuetto mugimendua erabat ezagun bilakatu zen musika klasikoaren barruan, baita egun ere "Bazen behin... gizakia" marrazki bizidunen soinu banda bilakaturik.
Berwalden Septiminoari dagokionean, honen instrumentazioak izan zuen Bonngo maisu handiarenaren eraginik. Partitura hau bitxikeria bat da suediar konpositore (Estocolmo, 1796) lanen artean. Oso emankorra izan arren, musikagile honen lanak ez dira oso ezagunak gure artean. Ezinbestean Beethovenen lanaren miresle, zalantzarik gabe bere gaitasun melodiko zein instrumentatzaileak neurtu nahi izan zituen biolin, biola, biolontxelo, kontrabaxu, klarinete, fagot eta tronpak osatutako talde bitxiarentzak musika lan bat sortuz. Instrumentu hauek orkestra klasiko eta pre-erromatikoaren organikoa laburbiltzen dutela esan genezake.
Kontzertu honetarako sarrerak Servikutxa, Telekutxa (943 00 12 00), www.kutxa.net eta www.euskadikoorkestra.es helbideetan eskura daitezke, eta baita Egoitzaren leihatilan, kontzertu egunean 10:30etatik aurrera. Halaber, doako autobus zerbitzua dago Miramongo Egoitzera etortzeko, 10:25etan Gipuzkoako Plazako 4.zenbakitik atera eta Antso Jakituna Hiribideko 18. zkian eta Madrilgo Hiribideko 34.ean geldialdiak egiten dituelarik.
Egitaraua
Beethovendik Berwalderaino
Franz Berwald (1796-1868)
Septiminoa si bemol maiorrean [24']
I.- Introduzione: Adagio - Allegro Molto
II.- Poco Adagio - Prestísimo - Adagio
III.- Finale: Allegro con spirito
Ludwig van Beethoven (1770-1827)
Septiminoa mi bemol maiorrean, opus 20 [40']
I.- Adagio - Allegro con brio
II.- Adagio cantabile
III.- Tempo di Menuetto
IV.- Tema con Variazioni
V.- Scherzo
VI.- Andante con moto alla Marcia - Presto
Octeto Clásico
José Miguel Chirivella klarinetea; Mario Telenti tronpa; Tomás Ruti Parra fagota; Igor Torre, Tomás Ruti Vilar, biolinak; Arkaitz Martínez biola; Jon Larraz biolontxeloa; Andras Cserna kontrabaxua (EOSeko kideak)
Informazio gehiago
Esku-egitarauaLAWRENCE FOSTERREK EUSKADIKO ORKESTRA ZUZENDUKO DU SCHUMANN ETA BRAHMSEN BIGARREN SINFONIEN INTERPRETAZIOAN
Apirilaren 14an eta 15ean Bilbo eta Gasteizen ospatuko dira Euskadiko Orkestra Sinfonikoaren hamargarren Abonu-programari dagozkion kontzertuak. Oraingo honetan, Lawrence Foster izango da beste behin Orkestraren zuzendari gonbidatu, Schumann eta Brahmsen Bigarren Sinfoniek osatuko duten egitaraua zuzentzeko.
Aurreko denboraldietan Schumann eta Brahmsen hirugarren eta Laugarren Sinfoniak zuzendu ostean, Lawrence Fosterrek bi musikagileen bigarren Sinfoniak zuzenduko ditu, "Bizitza paraleloak" izenburua duen egitarau batean. Izan ere, bi konpositoreen ibilbide kreatiboek badute ezaugarriren bat komunean: biek lau sinfonia konposatu zituzten eta, gainera, bi-biek ere nolabaiteko zalantzaz eta beldurrez aurre egin zioten genero honi; Schumann orkestra gutxi ezagutzeak beldurtu zuen eta Brahms, berriz, adibide beethovendarra erdiets ezinari buruzko zuhurtasunak. Musikari saxoia Bonneko musikariaren itzal itzelak atzean uzteko balioko zuen bide berri bat irekitzen saiatu zen, mugimenduen artean erlazio tematikoen prozedura bat baliatuz, "Udaberria"n jada probatutakoa baina Bigarrenean bizitasun berezia hartuko zuena. 1876an burututako 1. Sinfoniaren giro dramatiko, ilun eta sutsuaren aurrean, Brahmsen Bigarren Sinfonia hurrengo urteko udan izan zen idatzia, eta inspirazio askoz patxadatsu eta alaiagoa erakusten du.
Lawrence Foster-ek Montpellier-eko Orkestra eta Opera Nazionaleko musika-zuzendari lanetan hasi du 2009/2010 denboraldia, eta bere zortzigarren denboraldiari ekin dio Gulbenkian Orkestrako zuzendari artistiko eta zuzendari titular moduan. Bartzelonako Orkestra Sinfonikoaren, Orchestre Philharmonique de Monte Carlo, Jerusalem Symphony Orchestra, Houston Symphony Orchestra y Orchestre de Chamber de Lausanne musika-zuzendari aritu da. Denboraldi honetan, aipagarriak ditu Gewandhausen Orkestrarekin eta Helsinki eta Herbeheretako Orkestra Filarmikoekin egindako kontzertuak. Gainera, Chopinen kontzertuak zuzenduko ditu Barenboim bakarlari duela Gulbenkian eta Montecarloko Orkestra Filarmonikoarekin. Halaber, etorkizunerako beste hainbat konpromezu du, esaterako, NDR Sinfonieorchester Hamburg, Orchestre Philharmonique de Radio France, Residentie Orkest (Aldo Ciccolinirekin) eta Tivoli Symphony Orchestra (Evgeny Kissinekin) zuzenduko ditu, MDR Sinfonieorchester Leipzig-en 2010/2011 denboraldiko azken kontzertuak zuzentzeaz gain.
Kontzertu hauen ondoren, datorren astean Orkestrak Abonu-programa berri bat eskainiko du ohiko lau hiruburuetan, Andrey Boreyko zuzendari dela eta Ewa Kupiec pianojolea bakarlari gisa arituko delarik.
Kontzertuak
Apirilak 14: Euskalduna Jauregia, Bilbo. 20:00etan.
Apirilak 15: Principal Antzokia, Vitoria-Gasteiz. 20:00etan.
Egitaraua
Robert Schumann: 2. Sinfonia do maiorrean, opus 61 [36']
Johannes Brahms: 2. Sinfonia re maiorrean, opus 73 [42']
Lawrence Foster, zuzendaria
Informazio gehiago
Esku-programaORKESTRA GIZARTE-SAREETARA GEHITZEN DA
Bizi garen teknologi berrien aroan, gizarte - sareak inposatu zaizkigu interakzio dinamikoa eskaintzen duten komunikazio tresna bezala. Orkestrak ongi daki eta gaur egungo joerak jarraituz Facebook, Youtube eta Flickr sareetan profila ireki du.
Egizu bat gurekin Euskadiko Orkestraren berri guztiak gertutik jarraitzeko eta komentatzeko.
Gizarte - sareez gain, gure web orriak ere sindikatzeko aukera ematen du bertan egiten ditugun aktualizazio guztiak jasotzeko, bertan sartu beharrik gabe. Oso erraza da, RSS ikonoa sakatu eta sindikazio kanala automatikoki erantsiko da. Zalantzarik izan ezkero, zure irakurgailuaren laguntza kontsultatu dezakezu.
ORKESTRAK 10. ABONU-PROGRAMAREKIN EMANGO DIO HASIERA 2009/2010 DENBORALDIKO AZKEN HIRUHILEKOARI
Orkestrak bere Abonu-Denboraldiko hamargarren programa prestatuko du datorren astean. Schumann eta Brahmsen Bigarren Sinfoniek osotzen dute "Bizitza paraleloak" izenburupean, Lawrence Foster maisuak zuzenduko duen programa. Honi dagozkion kontzertuak apirilaren 14an Bilbon eta 15ean Gasteizen ospatuko dira. Kontzertu hauekin besteak beste Ewa Kupiec pianojolea, Janine Jansen biolinjolea edo Bilbao Orkestra Sinfonikoa, Marta Zabaletarekin batera, bisitari izango dituen Abonu-Denboraldiaren azken hiruhilekoari emango dio hasiera Orkestrak.
Bere Abonu-Denboraldiaz gain, datozen hilabete honetan Orkestrak beste hainbat ekintza burutuko du. Esaterako, maiatzaren 20an Madrilgo Auditorio Nazionalean izango da, Luis de Pablo konpositore bilbotarrari eskainiko zaion omenaldian, eta ekainaren 19, 22, 24 eta 26an Bilboko Arriaga Antzokian J. Guridiren "Mirentxu"-ren antzezpenean esku-hartuko du, María Bayo buru duen bakarlari gailenen talde batekin.
"Musika Familian" eta "Miramongo Matinéeak zikloek, halaber, eskaintza interesgarria aurkeztuko dute oholtza gainean: lehena Igor Yebraren dantza eskolarekin lankidetzan garatutako "Astindu gorputza Euskadiko Orkestrarekin" ikuskizunarekin itzuliko da maiatzean eta bigarrenaren programazioan ganbera-kontzertu ederrak izango dira, horien artean Bilbao Orkestra Sinfonikoko eta euskadiko Orkestrako hainbat haize bakarlarik eta Marta Zabaleta pianojoleak eskainiko dutena.
"HAYDN... BIZITZA OSO BAT" MUSIKA FAMILIAN ZIKLOAN
Aste honetan zehar Gipuzkoa eta Bizkaiako ikastetxeetatik etorritako 1750 haurrek gozatu ostean, "Haydn... bizitza oso bat" familiarteko entzulegoari zabaltzen zaio orain Musika Familian zikloaren eskutik. Ostiralean, hilak 26, Gasteizko Principal Antzokian izango da eta larunbatean Orkestraren Miramongo egoitzan, Donostian.Honetan, musikak izan zuen klasizismoaren arloari errepasoa emango zaio, Joseph Haydn konpositorearen bizitza luzea (1732-1809) oinarritzat hartuz.
Kontzertua dramatizatutako azalpenek osotuko dute, azalpen horiek Gasteizko ORTZAI Antzerki Taldearen esku izango direlarik. Aktoreek Joseph Haydnen bizitzaren aro ezberdinak antzeztuko dituzte; bizitza horrek halaber kontzertuaren protagonista izango diren Mozartekin adiskidetasun sendoa eta Beethoven gaztearen aholkulari izatea ahalbidetu zion Haydni. Errepertorioa Haydn, Mozart eta Beethovenen obrek osatuko dute. Mikel Cañada, Euskadiko Orkestrako Hezkuntza Departamentuko koordinatzailearen gidoia oinarri hartzen duen ikuskizun honetan Euskadiko Orkestra, orkestra-klasikoaren formatuan Iker Sánchez zuzendari irundarraren zuzendaritzapean arituko dena, Natalia González pianojolea, Fermín Villanueva biolontxelojolea eta aipatutako Ortzai Antzerki Eskolako Laborategiko antzezleak arituko dira.
Ikuskizuna ospatu aurretik "Sentsibilizazio Tailer" bat izango da, haurrak gero entzun eta ikusiko dutenaren edukira hurbiltzeko, entzumena, kantua eta mugimendua landuz. Tailer honetarako ez da prestakuntza berezirik behar eta doan eskaintzen da ondorengo kontzerturako sarrera duen ororentzat, plaza-kopurua mugatua denez izen ematea beharrezkoa bada ere.
IRUÑEAKO ORFEOIAREN ESKOLANIA MIRAMONGO MATINEETAN
Larunbata honetan, martxoak 27an, Orkestraren egoitzan abesbatza-kontzertu bat hartuko du berean Miramongo Matinéen baitan. Ganbera musikaz gain, abesbatzarako musika ziklo honen ardatzetako bat da. Aurreko edizioetan Bilboko Koral Elkartea, Capilla Peñaflorida, Kea Ahots Taldea, Iruñeako Ganbera Korala, Vocalia Taldea edo Orfeoi Txiki izan dira Miramonen.
Iruñeako Orfeoiaren Eskolania hamaika eta hamasei urte bitarteko hirurogei ikaslek osatzen dute eta Juan Gainza da zuzendaria. Eskolania berezko nortasuna duen abesbatza bilakatu da, ez bakarrik Iruñeko Orfeoiko abeslari-harrobi moduan, baizik eta errepertorio sinfoniko-koral batekin egunetik egunera zailtasun handiagoko proiektutan sartuz. Eskolaniaren azken proiektuen artean aipatzekoak dira "The Snowman" filmaren soinu bandari ahotsa jarri izana, Nafarroako Orkestra Sinfonikoaren laguntzarekin; Hans Krásaren "Brundibár" opera Iruñeko Baluarten, Bilboko Arriaga Antzokian, Oviedoko Filarmonika Antzokian eta Leganesko Carlos III Unibertsitatean, kritika bikaina nahiz entzuleriaren harrera beroa jaso zituelarik; halaber, La Bohème interpretatu du, Iruñeako Baluarte auditorioan, Miguel Ángel Gómez Martínezen zuzendaritzapean eta bakarlari talde paregabearekin, Ainhoa Arteta edo José Luis Duval barne. Aurretik aritua da Eskolania Orkestraren Abonu-Denboraldian, Oleg Caetaniren zuzendaritzapean, Mahlerren Hirugarren Sinfonia interpretatu zuelarik Bilboko Euskalduna Jauregian, Donostiako Kursaalean, Iruñeako Baluarten eta Gasteizko Principal Antzokian.
Matinée honetan Eskolaniak aurkeztuko duen egitaraua bi zatitan banatzen da. Hasierako atala musika erlijiosoak osatuko du, Bob Chilcott, Francisco Ibáñez eta Xavier Sarasolaren obrak interpretatuko dituztelarik. Bigarren atala, berriz, musika profanoari eskainiko zaio, Aita Donostia, Javier Busto, Iñigo Casalí, Eduardo Serrano edo José Antonio Rincónen partiturak eta Leonard Cohenen lan baten moldaketa ere entzungai izango direlarik. Kontzertu honetan Diana Yerro Landajok pianojoleak lagunduko du Eskolania. Iruñeako Orfeoiaren pianojole titularra izateaz gain, Diana Yerro Haur Abesbatzako eta Eskolaniako haurren Musika-Hizkuntza eta Piano irakaslea da.
Kontzertu honetarako sarrerak Servikutxa, Telekutxa (943 00 12 00), www.kutxa.net eta www.euskadikoorkestra.es helbideetan eskura daitezke, eta baita Egoitzaren leihatilan, kontzertu egunean 10:30etatik aurrera. Halaber, doako autobus zerbitzua dago Miramongo Egoitzera etortzeko, 10:25etan Gipuzkoako Plazako 4.zenbakitik atera eta Antso Jakituna Hiribideko 18. zkian eta Madrilgo Hiribideko 34.ean geldialdiak egiten dituelarik.
Egitaraua
I
- Bob Chilcott: A little Jazz Mass
- Francisco Ibáñez: Ave María
- Xavier Sarasola: Pater Noster
II
- Aita Donostia: Argizariak zelütik
- Javier Busto: Maritxu nora zoaz
- Javier Busto: Zai itxoiten
- Iñigo Casalí: Arbolé, arbolé
- Dona, dona (arr. Carl - Bertil Agnestig)
- Eduardo Serrano (arr. Vivian Tabbus): Negrito trasnochador
- José Antonio Rincón (adapt. José Manuel Hernández): Bullerengue
- Leonard Cohen(arr. Jonathan Wikeley): Alelujah
- Aizu Bandai San (arr. Hiroshi Ishimaru)
IRUÑEAKO ORFEOIAREN ESKOLANIA
Juan Gainza Berro, zuzendaria
Diana Yerro Landajo, pianoa
"Haydn... bizitza oso bat" ikuskizuna "Eskola-haurrentzako Kontzertuak" eta "Musika Familian" zikloetan
Musika Gelaren programazioaren barnean, Euskadiko Orkestra Sinfonikoak hezkuntza-jarduera berri bat jarri du abian denboraldi honetan: Eskola-haurrentzako kontzertuak. Ekintza hau musikaren arloan hezkuntza-tresna garrantzitsua da eta berau egoki garatzeko ezinbestekoa da gaia aurretik lantzea. Ikuskizunean jorratuko diren edukiak ikastetxeetan landu ahal izateko aurretiaz irakasleei zuzenduriko tailer bat burutu zen Orkestraren egoitzan eta ondoren ikasgelatan Orkestraren Hezkuntza Departamentuak espresuki sorturiko material pedagogikoak erabili dituzte ikasleek. Gaurko kontzertua jardueraren azken urratsa da, beraz.
Lehenbiziko esperientzia honetan aurkeztuko den ikuskizuna "Haydn... bizitza oso bat" dugu, Lehen Hezkuntzaren hirugarren zikloko eta Derrigorrezko Bigarren Hezkuntzako lehen zikloko ikasleentzat diseinatutako kontzertua. Honetan, musikak izan zuen klasizismoaren arloari errepasoa emango zaio, Joseph Haydn konpositorearen bizitza luzea (1732-1809) oinarritzat hartuz.
Kontzertua dramatizatutako azalpenek osotuko dute, azalpen horiek ORTZAI antzerki taldearen esku izango direlarik. Aktoreek Joseph Haydnen bizitzaren aro ezberdinak antzeztuko dituzte; bizitza horrek halaber kontzertuaren protagonista izango diren Mozartekin adiskidetasun sendoa eta Beethoven gaztearen aholkulari izatea ahalbidetu zion Haydni. Errepertorioa Haydn, Mozart eta Beethovenen obrek osatuko dute. Mikel Cañada, Euskadiko Orkestrako Hezkuntza Departamentuko koordinatzailearen gidoia oinarri hartzen duen ikuskizun honetan Euskadiko Orkestra, orkestra-klasikoaren formatuan Iker Sánchez zuzendari irundarraren zuzendaritzapean arituko dena, Natalia González pianojolea, Fermín Villanueva biolontxelojolea eta Gasteizko Ortzai Antzerki Eskolako Laborategiko antzezleak arituko dira.
Donostiako udaleko Hezkuntza atalarekin lankidetzan burutu den ekintza honen estreinako edizio honetan Gipuzkoako eta Bizkaiko ikastetxetako 1750 haurrek esku hartuko dute guztira: Bilbo, Donostia, Errenteria, Beasain, Ordizia, Zizurkil, Altzo, Mutriku, Ataun, Andoain, Urretxu, Zumarraga eta Adunako haurrak etorriko dira gurera.
"Haydn... bizitza oso bat" ikuskizuna bera familiarteko entzulegoari irekiko zaio Orkestraren "Musika Familian" zikloaren baitan. Honela, martxoak 26 ostiralean Gasteizko Principal Antzokian izango da 19.00etan eta hilak 27 larunbatean, berriz, Donostian, Orkestrak Miramonen duen egoitzan 18.00etan. Kontzertu hauetarako sarrerak ohiko bideak erabiliz eros daitezke.
Ikuskizuna ospatu aurretik "Sentsibilizazio Tailer" bana izango da, haurrak gero entzun eta ikusiko dutenaren edukira hurbiltzeko, entzumena, kantua eta mugimendua landuz. Tailer hauetarako ez da prestakuntza berezirik behar eta doan eskaintzen dira ondorengo kontzerturako sarrera duen ororentzat, plaza-kopurua mugatua denez izen ematea beharrezkoa bada ere.
Egitaraua
1- HAYDN, Joseph: Sinfonía nº 104. Re Mayor, Londres: I.- Adagio - Allegro
2- HAYDN, Joseph: Sinfonía nº 101, Re Mayor, El reloj: II.- Andante
3- HAYDN, Joseph: Sinfonía nº 94, Sol Mayor, Sorpresa. II.- Andante
4- HAYDN, Joseph: Concierto para violoncello y orquesta nº 1., HOB VIIb, Do Mayor: III. Finale: Allegro molto
5- MOZART, Wolfgang Amadeus: Pequeña Música nocturna, KV 525: I.- Allegro
6- BEETHOVEN, Ludwig Van: Sonata para piano nº 23., op 57, Fa menor, Appassionata, (fragmento)
7- BEETHOVEN, Ludwig Van: Concierto para piano y orquesta nº, 2., op 19, Si bemol Mayor: II.- Adagio
8- HAYDN, Joseph: Sinfonía nº 45, en Fa sostenido menor, Los Adioses: I.- Allegro assai, IV.- Finale: Presto - Adagio
Fitxa artistikoa
• Interpreteak: Euskadiko Orkestra Sinfonikoa, orkestra klasikoa. Natalia González (pianoa), Fermín Villanueva (biolontxeloa)
• Zuzendaria: Iker Sánchez
• Ideia eta gidoia: Mikel Cañada, Hezkuntza Departamentua
• Antzerki-taldea: Laboratorio de teatro Ortzai Antzerki Eskola (Teresa Ibáñez, Iker Ortiz de Zarate, Álvaro Salazar de Guréndez, Adrián González Rabanal)
Eskola-Haurrentzako kontzertuak
Martxoaren 23, 24 eta 25
Euskadiko Orkestraren egoitzako auditorioa, Miramon Pasealekua, 124. Donostia
Hizkuntza: elebiduna
10.00etan eta 12.00etan
"Musika Familian"
Martxoak 26: Principal Antzokia, Gasteiz. 19.00etan. Sentsibilizazio Tailerra, 17.45etan
Sarreren salmenta: Principal Antzokiko leihatilan (945 16 10 45), Servital postontzi automatizatuetan eta www.vitoria-gasteiz.org eta www.cajavital.es webguneetan.
Sentsibilizazio Tailerrean izen emateko: Principal Antzokiko leihatilara deitu behar da (945 16 10 45).
Martxoak 27: Orkestraren Egoitza Miramonen, Donostia. Sentsibilizazio Tailerra, 16.45etan.
Sarreren salmenta: Telekutxa (943 001 200), Servikutxa eta www.kutxa.net eta kontzertuaren egunean EOSen Egoitzako leihatilan.
Sentsibilizazio Tailerrean izena emateko: Orkestraren Bulegoetara deitu behar da, 943 01 32 32 telefonora.