KlasikAT Kontzertuak
Kontzertuak ekainaren 4ean Gasteizko Principal Antzokian, 6an Donostiako Kursaal Auditorioan, 7an Bilboko Arteria Campos Elíseos Antzokian eta 8an Iruñeko Baluarte Auditorioan izango dira. Hauetarako sarrerak salgai daude jada eta 15 €tako salneurri bakarra dute. Ohiko salmenta-bideetan eta kontzertuak izango direneko aretoetako leihatiletan erosi ahal izango dira.
Barrokoa , historiari begirada bat: Euskadiko Orkestraren Musika Gelak hitzordu berrian du entuzlego gazteenarekin
Musika Gelaren programazioaren baitan, Musika Familian zikloak zurrera darrai: "Barrokoa, historiari begirada bat" kontzertuak XVI, XVII eta XVIII. mendeetako musika helaraziko dio familiarteko entzulegoari, Purcell, Albinoni, Vivaldi, Telemann, Bach, Händel eta abarren lanak ezagutzera emanez. Izan ere, musikaren historian izan diren garai emankor eta luzeenetariko bat garatzeko gai izan ziren sortzaile handiak izan ziren konpositore horiek guztiak. Muntaia berri hau Kursaal elkarguneko Ganbera-Aretoan estreinatuko da maiatzaren 7an, Kursaal Fundazioarekin koprodukzioan, eta egun batzuk beranduago, hilak 13an Gasteizko Principal Antzokian izango da, arabar hiriburuko udalarekin koprodukzioan.
Modu ludiko baina zorrotzean, "Barrokoa, historiari begirada bat" kontzerturako aukeratutako egitaraua Orkestrako kideek interpretatuko dute, oraingoan ganbera-orkestra osatuz, eta gainera bereziki dibertigarriak diren ahots-lanak izango dira, Lara Agudo sopranoa buru duen kantari-laukoteak abestuko dituenak. Kontzertua Euskadiko Orkestrako kontzertino gonbidatu printzipal Lorenz Nasturica Herschcowicik zuzenduko du.
Proposamen berri hau Euskadiko Orkestraren hezkuntza departamentuko koordinatzaile Mikel Cañadaren ideia eta gidoia ditu oinarri eta musika-hezkuntzan aditua eta aktorea den Ana Hernándezek aurkeztuko du.
Barrokoa izango da 2. Eskola-haurrentzako Kontzertuen funtsa. Barrokoa, historiari begirada bat izango da gainera maiatzaren 10etik 12ra bitartean Orkestraren Miramongo egoitzan izNGO DIREN 2. Eskola-haurrentzako Kontzertuetan eskainiko den ikuskizuna. Joan zen urtean egitasmo honek izandako arrakastaren ondoren, aurtengoan Lehen Hezkuntzako bigarren eta hirugarren zikloetako 2500 bat haur biltzea aurreikusi da. Eskola-orduetan gure Hezkuntza Depatamenduak diseinatuta ikaslegoak ikasgeletan landuko dituzten jarduera didaktikoak osagarri dituen kontzertuaz gozatzeko aukera izango dute.
Adimen ezintasuna dutenen aldeko Elkarteen federazioarekin (FEVAS) lankidetzan, maiatzaren 9an federazio honetako kideak izango dira Barrokoa, historiari begirada bat kontzertuaz Orkestrak Miramonen duen egoitzan gozatzeko aukera izango dutenak. Orkestraren Korporazio Erntzunkizun Sozialaren baitan kokatzen den ekimen honek 2009an FEVASekin lankidetzan burututakoaren ildoari jarraituko dio. Izan ere, orduan burututako jarduera "Praktika On" izendatu du FEAPSek, Adimen ezintasuna dutenen aldeko Elkarteen Espainiar Konfederakuntzak.
Informazio gehiago
"Barrokoa, historiari begirada bat" kontzertuaren esku-egitarauaBARROKOKO HOTSAK MIRAMONGO MATINÉETAN
Larunbat honetan, apirilaren 16an, Miramongo Matinéeak zikloan, Euskadiko Orkestrako kide eta antzinako musikan aditu Elena Martínez de Murguía buru duen Recercada taldea arituko da. "Afektuak eta erritmoa barrokoan" izenburupean, XVI eta XVII mendeetako obrak, instrumentu historikoekin interpretatuak, biltzen dituen kontzertua aurkezten du.
Recercada-k barrokoan erabilitako adierazpen-errekurtsoak erakutsiko ditu. Historiaren garai horretan musikak, beste arte-diziplina batzuren modura, sentimenduak eta grinak islatzen zituen. Honela, orduan musika-konposiziorako erabilitako oinarriak zerikusi handia zuten erretorika eta erritmoarekin. Asmo pedagogikoaren ondutako emanaldi honetarako, Recercada taldeko kideek garaiko arauak jarraiki egindako instrumentuak erabiliko dituzte, haien sonoritate ezberdinak eta adierazpe-berezitasunak bilduz, izan ere erabateko garrantzia baitute afektu edo affeti-ak hain garrantzikoak ziren garai bateko musika interpretatzeko garaian. Errenazimendu amaierako eta barroko hasierako musikan, italiar madrigal klasiko zein berantiarra testuaren eduki afektiboa adierazten saiatzen da: poza, tristura, zerua, mendia, infernua,... kontzeptu bakoitzaren adierazpenerako erregistro, nota edo tempo jakin bat, musika-lengoaiak eskaintzen duen baliabide jakin bat erabili behar da.
Hauek dira Recercada taldea osatzen duten musikariak: Pascal Laffont, Euskadiko Orkestrako oboea, oboe barrokoa intepretatuko duena; Juan Vega, flauta eztiak; Oscar Abella, Orkestrako tuba bakarlaria, serpentoia interpretatuko duena; Loreto Aramendi, klabezina; Rafael Bonavita, artxilautea; eta Elena Martínez de Murguía, Orkestrako biolajotzailea, viola da gamba interpretatuko duena.
Informazio gehiago
14. Miramongo Matinéeko esku-egitarauaBranford Marsalis saxofoijotzailea eta Andry Boreyko Euskadiko Orkestraren Abonu-Denboraldian
Orkestraren Abonu-Denboraldian bakarlari gailen bat hartuko du berean aste honetan: Branford Marsalis saxofoijotzailea. EOSen zuzendari printzipal gonbidatu Andrey Boreykoren zuzendaritzapean, Glazunov-en Saxofoi eta orkestrarako kontzertua eta Schulhoff-en Jazz concerto interpretatuko ditu. Marsalis eta Boreyko-k tandem interesgarria osatzen dute eta biek joan zen otsailean Lincoln Center-ean New Yorkeko Orkestra Filarmonikoarekin eskainitako kontzertuek izandako arrakastaren ondoren datoz Euskadira. Oraingoan Euskadiko Orkestrarekin partekatuko dute orduan interpretatutako egitaraua bera, apirilaren 14 osteguna eta 15 ostiralean Donostiako Kursaal Auditorioan eta larunbatean, hilak 16, Bilboko Euskalduna Jauregian izango diren kontzertuetan. Marsalis eta Boreykok partekatuko duten bosgarren proiektua izango da honako hau.
Branford Marsalis, 1960an New Orleansen jaioa, hoaldeko hiri honetako musikari-sendi nagusienetako baten kide da, Ellis aita, pianojotzaile eta hezitzailea, eta Wynton, Ellis III, Delfeayo eta Jason anaiekin batera. Hiru Grammy sariren irabazle, Branford Marsalisek musikaren eremu ezberdinak landu ditu bere ibilbidean zehar. Jazz interpretatzaile gisa, Miles Davis, Dizzy Gillespie, Herbie Hancock edo Sonny Rollinsen mailako izenekin aritu da lankidetzan. Marsalis aspalditik ezaguna da Euskadiko jazz jaialdietan. 1980an Donostiako Jazzaldian estreinakoz aritu zenetik beste lau alditan izan da jaialdi honetan eta 1999 eta 2004 urteetan Gasteizko Jazz Jaialdian aritu zen bere Laukotearekin batera.
Marsalis lehenbiziko aldiz etorriko da Estatura orkestra sinfoniko batekin bakarlari gisa aritzeko. Azken urteotan arrakasta nabarmena merezi izan du alor honetan eta, bere espiritu berriztatzaile eta musikaren ikuspegi zabalagatik ezaguna, munduko club ezagunenetako eszenatokietan bezain eroso sentitzen da kontzertu-areto nagusienetan. Bakarlari gisa Chicago, Detroit edo Düsseldorfeko orkestrekin aritu da eta bere errepertorioak Copland, Debussy, Glazunov, Ibert, Mahler, Milhaud, Rorem eta Vaughan Williamsen lanak biltzen ditu egun.
Andrey Boreyko maisua, Euskadiko Orkestraren zuzendari printzipal gonbidatua izango da Marsalisek Orkestrarekin batera eskainiko dituen estreinako kontzertuak zuzenduko dituena. New Yorkeko Lincoln Center-ean eskainitako kontzertuen harira izandako elkarrizketa batean, zera zioen Marsalisek Boreyko maisuari buruz: "entzulegoak interpretazio erabat emozionala espero dezakela uste dut; Andrey-ek modu oso natural eta gizatiarrean egiten eta entzuten du musika".
Kontzertu-programa honen egitaraua Dvoráken Lau Dantza Eslaviar, Alexander Glazunov-en Saxofoi eta orkestrarako kontzertua, Erwin Schulhoffen Jazz concerto eta, amaitzeko, Ravelen La Valse obrek osatzen dute.
Informazio gehiago
Abonu-Denboraldiko 12. programako esku-egitarauaEuskadiko Orkestraren estreinaldia Arcachoneko badian
Arcachoneko badia famatutik metro gutxitara zabaldu zen 2006an Olympia Antzokia. Mila ikuslerentzat tokia duen areto honek hiriko kultur-bizitza guztia biltzen du eta Bordeleko Orkestrako kutdeatzaile berriek "Arcachon culture" delakoaren pean berau sustatzea dute helburu. Bere jarduera nagusia itsasora zuzentzen duen hiri batetan ulergarria gertatzen da kontzertua 20:45etan hastea. Beraz, Orkestra Arcachonen jada gaua zenean igo zen eszenatokira, Akitanian emandako bigarren kontzertua eskaintzeko.
Aurreko eguneko egitarau berarekin, Michal Nesterowicz maisuak berriz ere eslabiar folklorearen funtsa erakutsi zuen beste ordu terdiz. Antzokiaren akustika gogorra gertatu zen, baina Orkestrak, askotariko eszenatokietan aritzera ohiturik, lan eraginkorra burutu zuen. Luis Esnaola biolinjotzailearekin Pablo Sarasate gogoratu genuen beste behin eta Dvoráken Laugarren Sinfoniarekin txekiar musikagilearen "garai eslabiarrera" itzuli ginen. Maisuaren aginduei jarraiki, Orkestrak aurreko egunean bezala itxi zuen kontzertua, sinfoniaren hirugarren mugimenduko azken kadentziarekin, oraingoan ere entzulegoaren atseginerako.
Akitanian barrena eginiko bira honek orkestren arteko elkartrukearen interesa erakusten du, Euskadiko Orkestraren kasuan izaera europar nabaria duen politika. Jada ohikoak diren Bordeleko Orkestrarekin elkartrukeez gain, aipatzekoak dira 2009an Milango Giussepe Verdi Orkestrarekin eginadako eta laister Orkestrak Düsseldorfeko Orkestra Filarmonikoarekin egingo duen elkartrukea. Honen bidez, Orkestra Alemanian barrena arituko da eta aldi berean Andrey Boreykok zuzentzen duen orkestra Euskadiko Orkestraren ohiko eszenatokietan arituko da.
Baina elkartrukeetan egitea ez da kontzertu ederrak eskaintzea soilik, eta tokian tokiko ohiturak jarraitzea komeni da: Akitanian, jakina, Bordeleko mahastietako ardo ona eta Arcachoneko badiako "perla" ederrak.
Zure interesekoa izan daitekeelakoan...
BIBRAZIO-GAUA BORDELEN EUSKADIKO ORKESTRARENTZAT
Euskadiko Orkestrak Bordelen ireki zuen bart Akitainiara bere bisitaldia eta bertako Palais des Sports orkestraren eta entzulegoaren arteko bibrazioen batura izan zela esan daiteke. Izan ere, han bildutakoek ez zioten txalo egiteari eta lurra jotzeari utzi Luis Esnaolak eta orkestrak hainbat bis eskaini zituzten arte. "Superbe" eta "Magnifique" izan ziren aretoa gaueko 22:15 aldera utzi zuen publikoaren artean hitz errepikatuenak.
Sud Ouest egunkariak "Poloniar bibrazioak" izenburua eman zion Orkestrak Bordele eta Arcachonera egindako bisitaren berri ematen zuen artikuluari. Eta esku-egitaraua "sustrai herrikoien unibertsaltasuna"z mintzo zen gauerako programatutako obrez hitz egiterakoan. Michal Nesterowicz poloniarrak zuzenduko zuen egitarauak funts folkloriko poloniar zein eslabiar nabarmena baitu. Arrazoi baten edo bestearengatik, edo entzulegoa Euskadiko Orkestrak Bordelen eskainitako jada bosgarren emanaldiaren zain zegoelako, publikoaren erantzuna areagotuz joan zen kontzertua aurrera joan ahala .
Lutoslawskiren Suite Txikia obraren lehenbiziko konpasen ondoren, Wieniawskiren 2. Kontzertuaren txanda heldu zen. Honetan bakarlari gonbidatuak partiturak eskatutako instrumentu-birtuosismoari aurre egin behar izan zion. 2. kontzertu honen hartzaile Pablo Sarasateren izena daraman biolin lehiaketa ospetsuan saritua gertatutako biolinjotzaile honen emanaldi bikainaren ostean, entzulegoak batera txalo egin eta etengabean jardun zuen Luis Esnaola eszenatokira itzuli zen arte. Orduan Aita Donostiaren "Oinazez" eskaini zuen.
Jada kontzertuaren bigarren zatian, Orkestrak bakarka Dvoraken sinfonia interpretatu zuen. Obra honek berrogeitik minututik gora irauten ditu eta denbora horretan poloniar zuzendariak bide ezberdinetan barrena gidatu zuen Orkestra amaiera ozenera iritsi zen arte. Ordurako bordelesek argi zuten ez ziotela Orkestrari bisik eskaini gabe joaten utziko. Michal Nesterowiczek trebetasun handiz berreskuratu zuen sinfoniaren hirugarren mugimendu ederra bi zati txikitan eskaintzeko: azken sekzioa, txalo zaparrada ederra merezi izan zuena, eta amaierako kadentzia, berriz ere entzulegoak zuzendari eta orkestrarekiko agertu zuen begikortasunaren adierazle izan zena. Gaueko hamarrak eta gero Palais des Sports delakoan kontzertu eder baten oihartzunak geratu ziren, "Superbe" eta "Magnifique" bezalakoak sarritan entzuteko aukera izan zeneko gau batean.
Orkestra Arcachonera doa gaur: estreinako aldiz arituko da kostaldeko hiri turistiko honetan. Olympia Antzokian egitarau bera izango da entzungai, gaurkoan ere bribrazio berriak eragiteko prest.
Zure interesekoa izan daitekeelakoan...
Branford Marsalis eta Andrey Boreyko 12. Abonu-programan
Branford Marsalis saxofoijotzailea eta Andrey Boreyko, Orkestraren zuzendari printzipal gonbidatua, Abonu-Denboraldian arituko dira New Yorkeko Orkestra Filarmonikoarekin aritu ostean. Dvorák, Glazunov, Schulhoff eta Ravelen obrak bilduko dituen egitaraua, erritmo eta estiloen bilketa entzulegoari bi artista hauen arteko konexio bereziaz gozatzeko aukera emateko, orain Orkestrarekin batera.
Branford Marsalis (New Orleans, 1960) musikari-sendi nabarmen bateko kide da, horien artean Ellis Marsalis pianojotzailea, aita, edo Wynton Marsalis tronpetajotzailea, bere anaia. Bere ibilbidean zehar, Branford Marsalis jazzaren munduko bakarlari gailenekin aritu da lankidetzan, horien artean Miles Davis, Dizzy Gillispie, Herbie Hancock edo Sonny Rollins, eta bere ekoizpen diskografikoak hiru Grammy sari merezi izan ditu.
Abonu-programa honi dagozkion kontzertuak apirialren 14 eta 15ean Donostiako Kursaal Auditorioan eta 16an Bilboko Euskalduna Jauregian.
Astelehena hilak 4ean Orkestrak kontzertu bat eskainiko du Gasteizko Principal Antzokian
Astelehen honetan, apirilaren 4an, Euskadiko Orkestrak kontzertu bat eskainiko du Gasteizko Principal Antzokian, Abonu-Denboraldiaren baitan. Cadaqués-ko Orkestraren Nazioarteko Zuzendari Lehiaketa ospetsuan garaile eta Txileko Orkestra Nazionalaren zuzendari titular Michal Nesterowicz-en zuzendaritzapean, Euskadiko Orkestrak Luis Esnaola biolinjotzailea izango du bakarlari gonbidatu.
Kontzertu honek hizpide izango duen egitarauak Witold Lutoslawski, Henryk Wieniawski eta Antoni Dovrák-en obrak biltzen ditu, "Taupada bateratuak" izenburupean. Izan ere, Juan Manuel Viana musika-kritikoaren aburuz, oinarri folklorikoaren taupadak nabariak dira Dvorák-en "aro eslabiarra"ren sintesi den Seigarren Sinfonian, Wieniaswkik Pablo Sarasate nafarrari eskainitako 2. Kontzertuan eta baita Lutoslawskiren Suite Txikian ere.
Euskadiko Orkestrak lehenbiziko aldiz egingo dio aurre Wieniawskiren Biolin eta orkestrarako 2. kontzertuari eta, era berean, Orkestrarekin estreinakoz arituko den Luis Esnaola biolinjotzailea izango du lankide. Musikari gazte honek hamar urterekin egin zuen debuta Cincinattiko Orkestrarekin, Jesús López Cobos maisuak zuzenduta eta hamalau urterekin Pablo Sarasate Nazioarteko Lehiaketan saritua izandako musikari gazteena bilakatu zen. Egun sarritan aritzen da, besteak beste, Berlingo Orkestra Filarmonikoarekin lankidetzan.
Abonu-programa hau osotzeko Orkestrak kontzertu bat eskainiko du Iruñeako Baluarte Auditorioan asteartean, apirilak 5. Ondoren egitarau hau bera, Bordele-Akitainia Orkestra Nazionalarekin elkartrukeari erantzunez, Akitainian barrena burutuko duen biran apirilaren 7 eta 8an eskainiko dituen kontzertuetan interpretatuko du.
Informazio gehiago
11. Abonu-programaren esku-egitarauaEuskadiko Orkestra Miramongo Matinéetan
Larunbat honetan, apirilaren 2an, Miramongo Matinéeak zikloa Euskadiko Orkestraren jarduerara zabaldutako espazio bilakatuko da beste behin. Oraingo honetan, Orkestrak datorren astean Gasteiz eta Iruñean, Abonu-Denboraldiaren baitan, eta ondoren Akitainian barrena burutuko duen biran eskainiko duen egitarauaren entsegua izango da. Cadaqués-ko Orkestraren Nazioarteko Zuzendari Lehiaketa ospetsuan garaile eta Txileko Orkestra Nazionalaren zuzendari titular Michal Nesterowicz-en zuzendaritzapean, Euskadiko Orkestrak Luis Esnaola biolinjotzailea izango du bakarlari gonbidatu.
Miramongo Matinéea kontzertu bat nola prestatzen den ezagutzeko aukera bikaina izango da, Euskadiko Orkestrako musikariek, oraingoan Michal Nesterowicz poloniarrak zuzendurik, beren banakako lana uztartu eta bateratutako emaitza lortzeko nola jarduten duten ezagutzeko aukera.
Entsegu ireki honek hizpide izango duen egitarauak Witold Lutoslawski, Henryk Wieniawski eta Antoni Dovrák-en obrak biltzen ditu, "Taupada bateratuak" izenburupean. Izan ere, Juan Manuel Viana musika-kritikoaren aburuz, oinarri folklorikoaren taupadak nabariak dira Dvorák-en "aro eslabiarra"ren sintesi den Seigarren Sinfonian, Wieniaswkik Pablo Sarasate nafarrari eskainitako 2. Kontzertuan eta baita Lutoslawskiren Suite Txikian ere.
Euskadiko Orkestrak lehenbiziko aldiz egingo dio aurre Wieniawskiren Biolin eta orkestrarako 2. kontzertuari eta, era berean, Orkestrarekin estreinakoz arituko den Luis Esnaola biolinjotzailea izango du lankide. Musikari gazte honek hamar urterekin egin zuen debuta Cincinattiko Orkestrarekin, Jesús López Cobos maisuak zuzenduta eta hamalau urterekin Pablo Sarasate Nazioarteko Lehiaketan saritua izandako musikari gazteena bilakatu zen. Egun sarritan aritzen da, besteak beste, Berlingo Orkestra Filarmonikoarekin lankidetzan.
Kontzertu honetarako sarrerak webgune honetako Sarrerak Erostea atalaren bidez, Servikutxa eta Telekutxaren bidez (943 00 12 00) eta larunbatean 10.30etatik aurrera Egoitzako leihatilan eros daitezke.
Informazio gehiago
13. Miramongo Matinéearen Esku-egitarauaOrkestra Akitanian arituko da
Aste honetan Iruñea eta Gasteizen aritu ondoren, Euskadiko Orkestra Bordelera eta, lehenbiziko aldiz, Arcachonera joango da. Bidaia honekin elkartruke berri bat gauzatuko du, oraingo honetan Bordele-Akitaniako Orkestra Nazionalarekin (ONBA). Apirilaren 7an Bordeleko Palais des Sports-ean eta 8an Arcachon-eko Olympia Antzokian, Orkestra azken egunotan Abonu-programazioan eskainitako egitaraua bera eszenaratuko du. Michal Nesterowicz da programa honetan zuzendari gonbidatua eta Luis Esnaola, berriz, bakarlaria.
Bi hiriek ezaugarri ezaberdinak dituzte, baina biek programazio erakaragarri eta askotarikoa biltzen dute. Hasiera batean, Bordele ezagunagoa zaigu arlo guztietan eta bertako kalitatezko programazioa Bordeleko Opera ospetsuaren inguruan antolatzen da. ONBAren kudeaketa ere erakunde honen baitan dago. Grand Théâtre delakoa, opera eta baletaren erdigunea, eta ONBAren kontzertu-denboraldian berean hartzen duen Palais des Sports dira Bordeleko kultur-jardueraren bi erdiguneak.
Bordeletik ordubetera dago Arcachon, hiri turistiko eta balneario gisa ezagutu ohi dena. Baina horretaz gain, bizitza kultural nabarmena ere badu. Urte osoan zehar kalitatezko programazioa du, kostaldeko hiria izateagatik uda partean areagotzen dena. Olympia Antzokia da programazio horren erdigunea eta bertan antzokia, opera, baleta eta zinema izaten dira. Bereziki nabarmentzekoak dira udako kontzertu handiak biltzen dituzten "Cadences" Jaialdia eta Musika-Topaketak.
ONBArekin azken elkartrukea duela hiru urte burutu zuen Orkestrak. Orduan Euskadiko Orkestra Gran Théâtre delakoan aritu zen; oraingoan, berriz, ONBAren ohiko eszenatokia den Palais des Sports-en izango da.
Hiru dira Euskadiko Orkestra Sinfonikoak denboraldi honetarako aurreikusi dituen irtenaldiak. Lehenbizikoa duela egun gutxi batzuk burutu zuen Extremaduran barrena, orain Bordele eta Arcachonen izango da eta hirugarrenak, ekainan, Alemania izango du helmugatzat. Oro har, zera esan daiteke, hiru irtenaldi hauek nazioarte mailan joan-etorriko eszenatokiak zabaltze aldera Orkestrak duen interesa dela eta garatuz doan elkartruke-politikaren baitan burutuko dira.