Kontaktua
Telefonoa: (+34) 943 01 32 32
Jendearentzako arretarako ordutegi orokorra: astelehenetik ostegunera, 9:00etatik 16:00etara, eta ostiraletan 9:00etatik 14:00etara.
Buletinean izena ematea
Prentsa
Lege-oharra
Lege-informazioa
Informazioaren gizarteko zerbitzuei eta merkataritza elektronikoari buruzko uztailaren 11ko 34/2002 Legearen 10. artikuluak dioenari jarraiki, informazio gizarteko zerbitzu-prestatzaileak beharrezko bitartekoak jarriko ditu esku, zerbitzuaren hartzaileek zein eskumeneko organoek sarbide erraza, zuzena eta doakoa izan dezaten, bitarteko elektronikoak erabiliz, ondoko informazioari:
Domeinuaren izena: www.euskadikoorkestra.eus
Posta-e: saldasoro@euskadikoorkestra.eus
Jabea: EUSKADIKO ORKESTRA, SA, merkataritzakoa eta egoitza Miramon Pasealekua, 124, Donostian duena. Elkartea Gipuzkoako Merkataritza Erregistroan erregistratua dago, 1.357. liburukiko 1. Folioaren SS-7.171 orrialdean eta bere IFZ A-20077541 da (aurrerantzean, “EUSKADIKO ORKESTRA”).
Beste datu interesgarri batzuk: EUSKADIKO ORKESTRA Eusko Jaurlaritzaren Elkarte Publiko bat da. Aipatu erakundea da bere kapital sozialaren % 100aren jabea.
ERABILERA-BALDINTZAK
Eremu, xede eta irismena
Ondoko xedapenak (aurrerantzean, “ERABILERA-BALDINTZAK”) EUSKADIKO ORKESTRAK www.euskadikoorkestra.eus (aurrerantzean, “WEBGUNEA”) domeinuaren bitartez Interneteko Erabiltzaileen (aurrerantzean, “ERABILTZAILEAK”) esku jarri duen webgunearen zerbitzurako sarbidea eta bere erabilera arautzen dute.
Aurrekoan esandakoari kalte egin gabe, eduki zehatz batzuetarako sarbidea eta EUSKADIKO ORKESTRAK bere WEBGUNEAREN bidez ERABILTZAILEAREN esku jartzen dituen zerbitzuetako zenbaitek baldintza berezien pean egon daitezke (aurrerantzean, “BALDINTZA BEREZIAK”). Aipatuek, kasu ezberdinen arabera, ERABILERA-BALDINTZA oroko hauek ordezkatu, osatu eta/edo aldatuko dituzte. Kontresanik balego bien artean, baldintza bereziak gailenduko lirateke. Aipatu BALDINTZA BEREZIAK, aplikagarri direnean, ERABILTZAILEEN eskura egongo dira WEBGUNEAN bertan.
Ondorioz, eduki horietara sartu eta/edo aipatu zerbitzuak erabili aurretik, ERABILTZAILEAK BALDINTZA BEREZIAK arretaz irakurri eta, dagokion kasuetan, onartu beharko ditu, sartzeko eta/edo erabilpena egiteko une horretan argitaratua dagoen bertsioan.
EUSKADIKO ORKESTRAK egungo ERABILERA-BALDINTZEN edukiak uneoro, eta aurretikako jakinarazpenik gabe, aldatu eta eguneratzeko eskubidea gordetzen du. Horrez gain, BALDINTZA BEREZIAK eta, oro har, WEBGUNEAREN diseinu eta osaeraren zati diren osagai guztiak aldatu eta eguneratzeko eskubidea dauka ere. Hori guztia, “Kontratatzailearen profila” eta "Gardentasuna” ataletako edukiei dagokienez indarreko legediak ezartzen dituen mugen barruan.
WEBGUNEAREN azken eguneratzean argitaraturiko ERABILERA-BALDINTZAK egongo dira indarrean. Bisita bakoitzean, une honetan WEBGUNEAN bertan argitaratuta dauden horiek izango dira aplikagarri.
WEBGUNERA sartzearekin batera, ERABILTZAILEAK indarreko ERABILERA-BALDINTZAK onartzen ditu, berariaz eta baldintzarik gabe. Baldintza horiek webgunea erabiltzeko erregimena zehazten dute eta onarpen horrek idatziz eta sinatuta egindako kontratu baten balio eta eraginkortasun berdina dauka. ERABILTZAILEAK ez balitu egungo ERABILERA-BALDINTZAK osotasunean onartu, ez luke WEBGUNERA sartzeko aukerarik izango.
WEBGUNERA sartzeko eta aipatua erabiltzeko baldintza ekonomikoak
BALDINTZA BEREZIETAN bestelakorik jarri ezean, WEBGUNERA sartzea eta aipatua erabiltzea doakoa izango da, telekomunikazio-sarera konektatzearen ordainean ERABILTZAILEAK bere hornitzailearekin hitzartua duen kostua kenduta.
Jabetza Industrial eta Intelektualeko eskubideak
WEBGUNE honi loturiko Jabetza Industrial eta Intelektualeko eskubide guztiak legez erreserbatuta daude. Bertara sartzeak edo aipatua erabiltzeak ez dio inolako erabilera-baimenik edo -eskubiderik esleitzen ERABILTZAILEARI, EUSKADIKO ORKESTRAREN eta/edo hirugarrenen jabetza edo titulartasuna den aktibo ororen gainean. Eskubide-erreserba honek bai (i) WEBGUNEAREN kanpoko itxura (look and fell) eta kode, diseinu eta nabigazio-egitura; bai (ii) WEBGUNEAN sartu eta horren bidez bana daitezkeen edozein formatuko edukiak ere eta, bereziki, EUSKADIKO ORKESTRAK WEBGUNEAN sartzen dituen katalogoak, programak eta kartelak hartzen ditu barne.
Ezingo da WEBGUNEAN sarturiko merkataritza-izenak, markak, logotipoak edo beste ikur bereizgarri guztiak erabili, erregistratuta egon ala ez eta jabetza EUSKADIKO ORKESTRARENA nahiz hirugarrenena izan, EUSKADIKO ORKESTRAREN edo titular zilegiaren berariazko baimena izan ezean.
Ondorioz, ERABILTZAILEAK era pertsonal eta pribatuan baino ezin du WEBGUNEAREN bidez bere esku jarritako edukiak eta zerbitzuak ikusi eta erabili, eta beti ere xedea aipatu eduki edo zerbitzuekin merkataritza-jarduerak edo jarduera-profesionalak gauzatzea ez bada.
Era berean, debekatua dago WEBGUNEAREN funtzionamendu, sarbide eta erabilerarako beharrezkoak diren informatika-programak desmuntatzea, desegitea, alderantzizko ingeniaritza egitea, azpi-lizenziatzea edo edozein modutan transmititzea, itzultzea eta horietatik eratorritako lanak egitea. ERABILTZAILEAK ez du, inolaz ere, WEBGUNEAN instalatua egon daitekeen babes-gailu edo segurtasun-sistemarik ezabatu, aldatu, itzuri edo manipulatu.
Erantzukizun eta bermeak
WEBGUNEA erabiltzen duenak, bere kontu eta arriskura egiten du. ERABILTZAILEAK, WEBGUNERA sartzearekin batera, ondoko konpromisoak hartzen ditu: EUSKADIKO ORKESTRAREN irudia, interesak eta eskubideak kalte ditzakeen, WEBGUNEA ezerezean utzi edo gainkarga dezakeen edo bere erabilera normala edonola ere kalte dezakeen portaerarik ez izatea; eta (ii) Legeei eta trafikoaren erabilerei estuki jarraiki erabiltzea.
ERABILTZAILEA, ondorioz, betebehar horiek ez betetzearen ondorioz sor litezkeen kalte eta ordain guztien erantzule izango da, EUSKADIKO ORKESTRAREN eta/edo hirugarrenen aurrean.
EUSKADIKO ORKESTRAK egokiak deritzon segurtasun-neurriak hartuko ditu WEBGUNEAREN funtzionamendu egokia bermatzeko eta birus eta osagai kaltegarrien presentzia detektatu ahal izateko. Hala eta guztiz ere, ERABILTZAILEAK kontuan izan beharko du informatika-sistemen segurtasun-neurriak ez direla erabat fidagarriak Interneten eta, ondorioz, EUSKADIKO ORKESTRAK ezin dituela ondokoak bermatu: (i) WEBGUNEAREN eduki eta zerbitzuen etenik gabeko eskuragarritasuna; (ii) akatsak ez egotea aipatu edukietan eta gerta litekeen edozein akatsaren zuzenketa; (iii) ERABILTZAILEAREN informatika-sistemak (hardware eta software), beren dokumentu elektronikoak edo azken horietan sarturiko fitxategiak alda ditzaken birusik edo osagai kaltegarririk ez egotea; eta (iv), hartutako segurtasun-neurrien hutsezintasuna.
Era berean, EUSKADIKO ORKESTRAK zerbitzua partzialki edo osotasunean eteteko eskubidea gordetzen du, denbora batez edo behin betirako, aldaketa tekniko edo matxuraren bat gertatuko balitz. Ahal izanez gero, aipatu etetea aldez aurretik jakinaraziko du, WEBGUNEAREN bitartez zein horretarako gaitutako beste edozein bitarteko baten bidez. Hori guztia, “Kontratatzailearen profila” eta "Gardentasuna” ataletako edukiei dagokienez indarreko legediak ezartzen dituen mugen barruan.
ESTEKAK
Estekatutako webguneak
WEBGUNEAREN bidez, EUSKADIKO ORKESTRAK esteka-gailu teknikoak (botoi, link eta bannerrak) jartzen ditu ERABILTZAILEAREN eskura. Horien bidez, hirugarrenen jabetza diren eta/edo hirugarrenek kudeatzen dituzten webgunetan sar daiteke ERABILTZAILEAK. EUSKADIKO ORKESTRAK ez du inolako kontrolik egiten horien gainean (aurrerantzean, “ESTEKATUTAKO WEBGUNEAK”).
Esteka-gailu horiek erabiltzean eta WEBGUNETIK ESTEKATUTAKO WEBGUNETARA sartzean ERABILERA-BALDINTZA hauek indarretik kanpo geldituko direla aintzat hartu beharko du ERABILTZAILEAK.
EUSKADIKO ORKESTRAK ez ditu ESTEKATUTAKO WEBGUNETAN sartutako eduki eta zerbitzuak ezagutzen eta inolaz ere kontrolatzen. Horietara sartzeko esteka bat WEBGUNEAN sartzeak ez du ondokoak ekartzen, inolaz ere: (i) EUSKADIKO ORKESTRAK ESTEKATUTAKO WEBGUNETAKO edukiak edo zerbitzuak gomendatzen edo onartzen dituenik; eta/edo, (ii) inolako harreman, lankidetza edo mendekotasun mota dagoenik EUSKADIKO ORKESTRAREN eta ESTEKATUTAKO WEBGUNEAREN arduradunaren artean.
Horrenbestez, EUSKADIKO ORKESTRAK ez du inolako erantzukizunik hartzen ESTEKATUTAKO WEBGUNEEI dagokionez eta, ondorioz, ez da beren funtzionamenduaren, aipatuetan sarturiko eduki eta zerbitzuen erantzule, ez eta aipatu ESTEKATUTAKO WEBGUNETAN sartutako esteken erantzule ere.
ESTEKATUTAKO WEBGUNE bateko edukien, zerbitzuen edo webgunearen bitartez gauzatutako edonolako jardueraren ez-zilegitasunaren edo desegokitasunaren berri fidagarriak izango balitu ERABILTZAILEAK, egoera hori berehala jakinarazi beharko dio EUSKADIKO ORKESTRARI, honek beharrezko deritzon neurri guztiak har ditzan.
Hiperestekak
Baimenduta dago hipertestuko estekak jartzea beste webgunetan, beti ere http://www.euskadikoorkestra.eus helbidearen hasiera-orrira edo, WEBGUNEAREN barruko beste edozein orrialdera (deep link) badaramate eta aipatu orrialdeak leiho oso batean eta URL bere helbideekin irekitzen badira, WEBGUNERA daraman hiperesteka jartzeak ekar dezakeen erantzukizun eta arrisku osoa hartuz.
Hiperesteka jartzen duen webguneak edo orrialdeak ezingo du, inolaz ere, adierazi EUSKADIKO ORKESTRAK hiperesteka hori baimendu egin duenik, EUSKADIKO ORKESTRAREN idatzizko eta berariazko baimena izan ezean.
Bere webgune edo orrialdean hiperesteka jarri duen hirugarren horrek EUSKADIKO ORKESTRAREN jabetzeko marka, izen, merkataritza-izen, ikur, Logotipo edo beste osagai bereizgarriren bat eta/edo WEBGUNEARI buruzko baten bat jarri nahi badu, EUSKADIKO ORKESTRAREN aurretikako, berariazko eta idatzizko baimena izan beharko du.
Goian esandakoari kalte egin gabe, berariaz debekatua dago http://www.euskadikoorkestra.eus webguneko orrialderen bat EUSKADIKO ORKESTRARENA ez den beste webgune bateko leiho batean aurkeztea “framing” delako teknikaren bidez, EUSKADIKO ORKESTRAREN berariazko baimena izan ezean horretarako.
Halaber, berariaz debekatuta dago http://www.euskadikoorkestra.eus webgunearen bidez hedatutako edonolako eduki bat WEBGUNETIK kanpoko beste webgune edo orrialde batean txertatzea "in line linking” izeneko teknikaren bitartez, EUSKADIKO ORKESTRAREN berariazko baimena izan ezean horretarako.
Hiperesteka bat jartzeak, goian ezarritako baldintzak betez, ez du inolako harremanik sortzen EUSKADIKO ORKESTRAREN eta hiperesteka hartu duen webgune edo orrialdearen jabe/arduradunaren artean. Eta ez du esan nahi, ezta ere, EUSKADIKO ORKESTRAK bere edukiak eta/edo zerbitzuak onartzen edo baimentzen dituenik.
Nolanahi ere, EUSKADIKO ORKESTRAK WEBGUNERA daraman edozein hiperesteka edozein unetan debekatu edo ezereztatzeko eskubidea gordetzen du, hiperesteka hartu duen webgunearen edo orrialdearen jarduera eta/edo edukiak legez kontrakoak direnean bereziki.
Cookien politika
Gardentasuna
Orkestran lan egitea
Xede, ikuspegi eta helburuak
Betidanik musika Euskadiko gizarte-egituratzaile nagusienetako bat izan dela sinistuta, Euskadiko Orkestrak ondoko xedea dauka: musika-oinarria eskaintzea -bikaintasun profesionaletik-, bere kultura-identitatearen zati garrantzitsua den heinean. Bere eginkizun nagusia da biztanleriari zerbitzatzea, musika sinfonikoa eta eszenikoa hedatuz eta sustatuz, nazio-mailan zein nazioartean. Diziplina anitzeko eta moldakortasun handiko orkestra honen funtsezko lan-helburua da kontzertuak eta ikuskizunak prestatu eta ematea, artistikoa eta kulturala izateaz gain soziala, pedagogikoa eta ludikoa ere baden bere eginkizuna betez.
Euskadiko Orkestraren lana oinarritzen duen ikuspegia euskal orkestra nazionalarena da. Horrenbestez, herrialde-mailako orkestra handia izan nahi du, tokiko ikuspegien gainetik, bere soinua eta kudeaketa-prozesua etengabe hobetzeko duen grinetik abiatuta. Hori guztiari, entzuleen erantzuna ahalik eta gehien bultzatzeko eta bere gizartean kultura-erreferente bizia izateko gogoa gehitu behar zaio.
Honako hauek dira bere helburuak:
- Euskadin eta bertatik kanpo nabarmentzea, bere interpretazioetan bikaina den orkestra gisa.
- Errepertorio bakoitzeko bakarlari hoberenak aurkeztea bere abonu-zikloaren bitartez.
- Errepertorio sinfonikoa eta ‘beste musika batzuk’ aurkeztea ikuspegi zabal batetik: errepertorio berriak interpretatuz, dagoeneko jotako hori berrikusiz eta euskal entzuleentzat ezezagunak diren lan handiak aurkeztuz.
- Gure gazteen hezkuntzaren zerbitzura dagoen instrumentu izatea.
- Lankidetza-proiektuak sustatzea kultura arloko erakundeekin, formatu ezberdinetan esku-hartzeko (jaialdi, opera, eszena-proiektuak, etab.).
- Gure erro eta oinarri den gizartearekin konprometitzea eta gizarteratze-programak sustatzea FEVAS -–Plena Inclusión Euskadi edo Gureak Taldeko enpresekin, esaterako.
Zure interesekoa izan daitekeelakoan...
Gure historia
Erkidego mailako lehen orkestra sinfonikoa Estatuan, Eusko Jaurlaritzako Kultura Saileko Musika zuzendari zen Imanol Olaizolari eskaturiko proiektu batean oinarrituta sortu zen. Enrique Jorda izan zen talde sortu berriaren lehen aholkulari artistikoa eta zuzendaria. Bere atzetik, Euskadiko orkestraren kalitatea eta proiekzioa handitzeko ardura zuzendari ezberdinen ardura izan da. Robert Treviño, Jun Märkl, Andrey Boreyko (zuzendari gonbidatu nagusia), Andres Orozco-Estrada, Gilbert Varga eta Cristian Mandeal, Mario Venzago, Hans Graf, Miguel Angel Gomez Martinez, Matthias Kuntzsch, Maximiano Valdes eta Jorda bera, ohorezko zuzendari izendatua ere, dira orkestraren goranzko bide hori gidatzeko ardura izan dutenak.
Orkestra zuzenean
Euskadiko Orkestraren jarduerak, ongi egituratua, dinamikoa eta euskal kulturgintzan txertatua, 100 kontzertu baino gehiago eskaintzen ditu denboraldiko, ziklo ezberdinetan banatuta eta, halaber, estatuko zein nazioarteko musika-erakundeekin lankidetzan.
Bere jardueran bizkarrezurra den Abonu-denboraldian zehar, orkestrak lau kontzertu-ziklo eskaintzen ditu urtetik urtera: Bilboko Euskalduna Jauregian, Donostiako Kursaal Auditoriumean, Gasteizko Principal Antzokian eta Iruñako Baluarte Auditoriumean. Aipatuetan, entzute handiko zuzendari askok parte hartu dute: Yehudi Menuhin, Krysztof Penderecki, Christopher Hogwood, Yakov Kreizberg, Jerzy Semkov, Lawrence Foster, Giovanni Antonini, Jesus Lopez Cobos, Gerd Albrecht, Joana Carneiro edo Jose Ramon Encinar, esaterako. Orkestrarekin lan egin duten bakarlarien zerrenda oso garrantzitsua da ere: Maria Joao Pires, Frank Peter Zimmermann, Mischa Maisky, Antonio Meneses, Christian Zacharias, Leonidas Kavakos, Radu Lupu, Arcadi Volodos, Heinrich Schiff, Vadim Repin, Hélène Grimaud, Branford Marsalis, Michel Camilo, Martin Grübinger, Martin Fröst, Elisabeth Leonskaja, Alban Gerhard, Pinchas Zukerman, Joaquin Achucarro, Maria Bayo, Carlos Alvarez, Carlos Mena, Ainhoa Arteta, Marta Zabaleta, Asier Polo eta abar luze bat. Tradizio koral handiko gure testuinguruan, bestalde, Orkestrak harreman estua mantentzen du Donostiako Orfeoia, Bilboko Koral Elkartea, Iruñeko Orfeoia, Andra Mari Abesbatza edo Easo Abesbatza bezalako erakundeekin. Nabarmentzekoa da ere Malandain Ballet Biarritz bezalako erakunde artistiko ezberdinekin egiten duen lana: bere zulogunetik, ondoko ikuskizunetako musikaz arduratu da: Magifique, Cendrillon eta Ederra eta Piztia.
Ondoko zikloek orkestraren kontzertu-eskaintza osatzen dute: “Miramongo Matinéeak”, ganbera-musikari eskainitako formatu txikiko baina kalitate handiko zikloa; eta haurrei eta familiei eskainitako zikloa (“Musika Familian”) eta eskolei zuzendutako hori (“Eskola Kontzertuak”). Horiei guztiei, “Musika Gela” ekimenaren bidez gauzaturiko jarduerak gehitzen zaizkie ere.
Herrialde-mailako orkestra den heinean, erregularki parte hartzen du ondoko jaialdi eta ekimenetan: Operaren Lagunen Bilboko Elkartearen (OLBE) denboraldia eta Bilboko Musika-Música jaialdia, Donostiako Musika Hamabostaldia eta Zinemaldia, Musique en Côte Basque jaialdia, Musikaste, etab., bai eta gure herriko udalerri ezberdinetan (“Orkestra Herrietan”).
… Baita etxetik urrun ere. Gure lurraldearen ondare kulturalaren enbaxadore den orkestra honentzat, nazioarteko birak garrantzi handia dute. Austria, Argentina, Alemania, Brasil, Txile, Suitza, Frantzia, Britainia Handia eta Italia bira horietako jomuga batzuk dira. Aipatuetan, arrakasta handiko kontzertuak eskaini dira Vienako Konzerthaus, Buenos Airesko Colon Antzoki, Municheko Prinzregententheater, Berlingo Kontzerthaus, Düsseldorfeko Tonhalle, Sala Sao Paulo, Milango Auditorium, Versailles Jauregiko Opéra Royal edo Veneziako Biennalea bezalako areto ospetsuetan. Estatu-mailako edo nazioarteko orkestrekin trukatzeak egiteko politikari esker, bere musika beste latitude batzuetara eraman du Orkestrak eta, aldi berean, atzerriko orkestrak dakartza gure aretoetara.
Etengabe hazten doan soinu-funtsa
Euskadiko Orkestrak, halaber, soinu-artxibategi garrantzitsu bat dauka, euskal musikagileen lan sinfonikoak gehienbat landu dituen bere politika diskografiko biziari esker. CLAVES etxeak Grupo Mondragonen babesarekin argitaratu duen Euskal Konpositoreen Bilduma aipatu beharra dago. Egunera arte egin den euskal musikagileen lanak biltzeko proiektu garrantzitsuena da. Baina euskal musikaren maisulanei iraunkortasuna emateko bere nahia bilduma honetaz haraindi doa. Horren adibide gisa, XX. mendeko euskal musikaren lan garrantzitsuenetako bat den Francisco Escuderoren Gernika operaren lehen grabazioa (Decca) edo Jose Maria Usandizagaren La Llama operaren grabazioa, kontzertu-bertsioan (Deutsche Grammophon). Musika-ondareari biziraupena emateaz gain, orkestrak horren hedatzea sustatzen du ere, eskaera berriak egiten baitizkie, erregularki, euskal musikagile ezberdini, gazte edo dagoeneko ospetsu izan. Eta horren isla da Orkestraren 30. urteurrena ospatzeko eginiko Tesela konposizio-proiektua ere. Tesela , jatorri ezberdineko zortzi musikagileri eginiko eskaera da: Euskal Herriaren inguruko beren ikuskera lan batean islatzea eskatu zitzaien. Aipatu lanak kontzertu batean estreinatu ziren, eta disko batean bildu ondoren BBVA Fundazioaren laguntza esklusiboarekin.
Orkestra bizia
Euskadiko Orkestra izaki bizi eta moldakorra da, beste kultura-lurralde ezberdinekin esperimentatzearen aldeko apustua egin duena. Benito Lertxundi, Kepa Junkera, Ken Zazpi, Kirmen Uribe, Harkaitz Cano, Mike Oldfield edo Jorge Drexler dira gure jardueraren atal honetan orkestrarekin aritu diren artistetako batzuk. 2001eko gure kontzertu telematikoa aitzindaria izan zen Interneten; hamabost urte beranduago, sarea da Dr. Deseo eta Zea Maysekin izandako lankidetza esklusiboki aurkezteko erabili dugun auditoriuma: 420.000 entzule baino gehiago lortuz (oraindik gora doan zenbatekoa). Filmetako soinu-bandak beste euskarri oso erakargarri bat dira musika sinfonikoa jendarteari helarazteko, eta are gehiago azken urteotan arrakastarik handiena izan duten filmen bitartez egiten bada: Ocho apellidos vascos, Un monstruo viene a verme (Goya 2017), Lo Imposible, El mal ajeno, Submergence, etab., Fernando Velazquezen eta Wim Wenders edo J.A. Bayona bezalako zuzendarien eskutik.
Administrazio-kontseilua da orkestraren erakunde-egiturako organo gorena. Kultura sailburu eta Orkestrako Presidentea da bere burua. Aipatuaz gain, ondokoak dira bere kideak: Eusko Jaurlaritzako Kulturako Sailburuordea eta Kultura Zuzendaria, hiru lurralde historikoetako kultura diputatuak eta erakunde ezberdinetako ordezkariak. Bestalde, Orkestraren musika-ibilbidearen definizio eta garapenean laguntzen duen Batzorde Artistiko bat dago ere.
Primo Tempo (Kutxa, 2007). Euskadiko Orkestraren lehen 25 urteak jasotzen dituen liburua. Taldeko testigantza hau orkestraren musika-ibilbidearen hastapenak gertutik bizi izan zutenen testigantza pertsonal ugariz osatua dago.
Ondoko erakundetako kide da orkestra:
- Espainiako Orkestra Sinfonikoen Elkartea (AEOS gazteleraz)
- Hezkuntza Kontzertuetako Sustatzaileen Sarea (ROCE gazteleraz)
- Euskalerriaren Adiskideen Elkartea (kide kolektiboa)
- Donostia hiriko Urrezko Domina (2013)
Zure interesekoa izan daitekeelakoan...
Aurreko zuzendariak
Zuzendaria da musika-instrumentu handia den orkestraren nortasuna, soinua eraikiko duena bere irizpide artistiko eta dohainen bitartez.
Enrique Jordak bere nazioarteko jardute profesionala eten eta Euskadiko Orkestra sortzeko erronkari ekin zionetik ondokoak izan dira, azkenetatik Jorda beraraino, ontzi hau gidatu duten zuzendari titularrak, orkestra egungo bere kalitate-parametroetara eraman dutenak hain zuzen ere.